KPT+

កុំនិយាយពាក្យ៧ ឃ្លានេះទៅកាន់នរណាម្នាក់ ដែលមានរោគផ្លូវចិត្តធ្ងន់

បានផុស

១ ខែ មុន

នៅ

ថ្ងៃព្រហស្បតិ៍ ១៣ ឧសភា ២០២១

ដោយ

ការរស់នៅដោយមានជំងឺធ្លាក់ទឹកចិត្តដ៏ធ្ងន់មកជាមួយ គឺជាការរស់នៅកៀកនឹងសេចក្តីស្លាប់។ ការបញ្ចប់ជីវិត ជាវិធីងាយស្រួលដែលពួកគេតែងតែនឹកឃើញ ដំបូងរាល់ពេលដែលចង់ដោះស្រាយបញ្ហា ហើយការនិយាយទៅកាន់ពួកគេត្រូវការប្រុងប្រយ័ត្នខ្លាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខាងក្រោមនេះគឺជាឧទាហរណ៍ប្រាប់ នូវអ្វីខ្លះដែលអ្នកមិនគួរនិយាយទៅកាន់ពួកគេ។

១. ជីវិតលំបាកពិតមែន

អ្នកដែលមានជំងឺផ្លូវចិត្ត ច្រើនតែមានអារម្មណ៍ថាអស់សង្ឃឹម និងទន់ជ្រាយ។ ពួកគេទំនងជាឆាប់ខ្លាចនិងចុះចាញ់ ។ គ្រាន់តែអង្គុយនិងនិយាយជាមួយជាការលើកទឹកចិត្តកុំបន្ថែមការដាក់សម្ពាធលើពួកគេដោយការធ្វើឲ្យមើលឃើញជីវិតកាន់តែខ្មៅងងឹត។ ពួកគេនឹងថប់ដង្ហើម។

២. អាណិតឯងខ្លាំង

មានការយល់ច្រឡំជាទូទៅអំពីមនុស្ស ដែលមានជំងឺធ្លាក់ទឹកចិត្តថា ពួកគេចង់ឲ្យអ្នកដទៃមានអារម្មណ៍អាណិត។ តាមពិតពួកគេ មិនស្វែងរកការយកចិត្តទុកដាក់ទេ។ ពួកគេឈឺចាប់ហើយដែលខ្លួនរឹងមាំ រហូតដល់ថ្នាក់មានអារម្មណ៍ថាគ្មានអ្នកណាឲ្យតម្លៃ។ បើអ្នកលើកពីចំណុចរឹងមាំរបស់គេមកបង្ហាញទំនងជាកំពុងជួយឲ្យពួកគេមានមានអារម្មណ៍ធូរស្រាលទៅវិញ។

៣. អយុត្តិធម៌មែនហ្ន

ពាក្យនេះមិនត្រឹមតែមិនអាចជួយឲ្យគេធូរចិត្តថែមទាំងធ្វើឲ្យក្នក់ចិត្តនិងឈឺចាប់កាន់តែជ្រាលជ្រៅ។ អ្នកមិនយល់ពីរបួសពិតរបស់ពួកគេទេ។ កុំបន្ថែមល្បោយ កុំរោយអំបិលលើសាច់រលាក។

៤. ម៉េចមិនអានសៀវភៅ?

កុំប្រាប់គេឲ្យធ្វើអ្វីដែលមិនមែនគេ។ អ្នកដែលមាន វិបត្តិផ្លូវចិត្ត ច្រើនតែបាត់បង់ចំណាប់អារម្មណ៍លើសកម្មភាព ដែលពួកគេធ្លាប់ចូលចិត្តធ្វើ។ ប្រហែលជាមិត្ដរបស់អ្នកធ្លាប់ជាអ្នកចូលចិត្តអានតែឥឡូវគេលែងចូលបណ្ណាល័យ ឬប្រហែលជាមិត្តរបស់អ្នកចូលចិត្តចម្អិន ប៉ុន្តែឥឡូវគេទន់ដៃជើង។ ដំណាក់កាលនេះ អ្នកត្រូវការតែម្យ៉ាង គឺអង្គុយកំដរនិងស្តាប់គេ។

៥. ញាតិមិត្តឯងយ៉ាប់មែន

កុំនិយាយប៉ះពាល់គ្រួសារគេ ទោះបីជាអ្នកទាំងនោះជាដើមចមនៃសម្ពាធចិត្តរបស់គេក្តី ប៉ុន្តែការនិយាយរបស់យើងមិនបានធ្វើឲ្យធូរស្រាលសម្ពាធនោះឡើយ។ ប្រសិនអ្នកមានចំណុចល្អផ្សេងណានឹកឃើញលើកមកបង្ហាញនិងពន្យល់ឲ្យគេឆាប់ខឹងគ្នាវិញក្រែងអាចសម្រាលបានល្អជាង។

៦. ឯងបាក់ទឹកចិត្តហើយ

មនុស្សបាក់ទឹកចិត្តកាន់តែទទួលអារម្មណ៍នេះបន្ថែមឡើង ប្រសិនអ្នកដទៃណាមកថាគេកំពុងបាក់ទឹកចិត្ត។ នៅពេលដែលអ្នកធ្វើការស្រាវជ្រាវបន្ថែមនិងរៀនអំពីជំងឺធ្លាក់ទឹកចិត្តអ្នកនឹងឃើញថាគ្មាននរណាម្នាក់“ មើល” ឃើញចំពោះជំងឺផ្លូវចិត្តខ្លួនឯងច្បាស់ឡើយ។ វាខុសគ្នាពីម្នាក់ទៅម្នាក់ ហើយរឿងមួយដែលសំខាន់បំផុត ដែលអ្នកអាចធ្វើបានសម្រាប់មិត្តរបស់អ្នកគឺត្រូវទទួលស្គាល់ថា ពួកគេខ្លាំងក្លាជាងទំហំវិបត្តិរបស់ពួកគេ។

៧. ឯងគួរតែសម្រាកទៅ

ពួកគេមិនដែលសម្រាកទេទាំងពេលដែលធ្មេចភ្នែកក្តីលើកលែងតែ អ្នកប្រាប់ពួកគេថា ឯងស្រស់បស់ ប្រហែលដេកគ្រប់ដឹង? សាច់ឯងខ្ចីជាងមុន ចេញហាត់ប្រាណបានព្រឹកៗមែនអត់?ញាំទឹកច្រើនណាស់មើលទៅនៀក។

អនុវត្តបានទេមើលទៅ?

ប្រែសម្រួល៖ ហាណា

ចុចអាន៖ អតីតកាលជារឿងកន្លងហួស បើមិនចង់កើតទុក្ខច្រើន គួររៀនដោះលែង

ចុចអាន៖ សុខភាពផ្លូវចិត្តក្រោមសម្ពាធធ្ងន់ធ្ងរមិនអាចគ្រប់គ្រងបាន ថែទំារបៀបណា?