KPT+

ក្រោយបាត់បង់សមាជិកឬមនុស្សជាទីស្រលាញ់ដោយសារកូវីដ នេះជារឿងគួរធ្វើ សម្រាប់ព្យាបាលអារម្មណ៍

បានផុស

៥ years មុន

នៅ

ថ្ងៃអង្គារ ៧ កញ្ញា ២០២១

ដោយ

ជាលទ្ធផលជំងឺរាតត្បាតជាសកល បានរីករាលដាលហើយសម្លាប់មនុស្សជាច្រើន ឬសមាជិកគ្រួសារភ្លាមៗ។ ការបាត់បង់នេះ បានប៉ះពាល់យ៉ាងខ្លាំងដល់ស្ថានភាពផ្លូវចិត្ត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដូច្នេះចាំបាច់ត្រូវកែសម្រួលទស្សនៈ និងការគិតអំពីជីវិត ដើម្បីអាចឆ្លងផុតវិបត្តិនេះទៅបានទាំងអស់គ្នាដោយ៖

១ ចាប់ផ្ដើមដោយមនសិការនិងទទួលយកអ្វីដែលកំពុងកើតឡើង ១០០ភាគរយ ។ យើងមិនអាចធ្វើបានភ្លាមៗទេ ប៉ុន្តែកុំបារម្ភ សូមផ្តល់ពេលវេលាឲ្យខ្លួនឯងបន្តិចម្តងៗ រហូតព្រមទទួលយកអារម្មណ៍ដែលកើតឡើង បន្ទាប់ពីការបាត់បង់។ អនុញ្ញាតខ្លួនឯងបង្ហាញពីអារម្មណ៍ឲ្យបានពេញលេញ មិនថាសោកសៅ ខឹង តូចចិត្ត យំជាដើម គ្មានដែនកំណត់ឬសម្ពាធខ្លួនឯងឡើយ។

២ បញ្ចេញគំនិតរបស់អ្នក ឬអារម្មណ៍ដែលកើតឡើងចំពោះមនុស្សដែលអ្នកទុកចិត្តពួកគេ។ ជជែកកម្សាន្តបន្ថែមលើការបញ្ចេញខ្យល់ យើងក៏នឹងមានការលើកទឹកចិត្តឬទស្សនៈវិស័យល្អ ៗ ដើម្បីជួយសម្រាលទុក្ខព្រួយផងដែរ។

៣ សង្កេតមើលផលប៉ះពាល់លើខ្លួនឯង ប្រសិនបើអ្នកមានអាកប្បកិរិយាបានផ្លាស់ប្ដូរទៅជារំខានដល់ជីវិត ឬការងារ ដូចជាគេងមិនលក់ ហូបមិនឆ្ងាញ់ សុបិនអាក្រក់ រអ៊ូរទាំ យំមិនឈប់។ ដូច្នេះ យើងប្រហែលជាត្រូវឈប់សម្រាកពីការងារ ឬឈប់ធ្វើអ្វីដែលកំពុងធ្វើ ដើម្បីផ្តល់ពេលវេលាឲ្យខ្លួនឯងព្យាបាលអារម្មណ៍មួយនេះ ហើយកែខ្លួនទៅរកអ្វីដែលថ្មី បន្ទាប់ពីបាត់បង់ ដើម្បីឆាប់ត្រលប់ទៅរកជីវិតធម្មតាវិញ។

៤ ឈប់បន្ទោសខ្លួនឯង ឬគិតថានេះជាកំហុសរបស់អ្នកទៅ។ ត្រូវប្ដូរទម្លាប់គិតនេះចេញភ្លាមៗ ហើយគិតតាមធម៌ព្រះថា រឿងហេតុនេះ គឺជាកម្ម ឬគិតទៅមុំផ្សេងថា ពួកគេដល់អាយុត្រូវទៅហើយ។

៥ ថែរក្សាខ្លួនអ្នកទាំងផ្លូវកាយនិងផ្លូវចិត្ត។ ជាច្រើនដងវាត្រូវបានគេរកឃើញថា នៅពេលមនុស្សម្នាក់ជួបនឹងទុក្ខព្រួយ គឺតែងតែត្រូវបានគេបំភ្លេចចោល ដោយមិនយកចិត្តទុកដាក់។ ការមិនថែទាំខ្លួនឯង នឹងបណ្ដាលឲ្យមានភាពតានតឹងផ្នែករាងកាយ ជំងឺប៉ះពាល់ដល់ផ្លូវចិត្តដែលមានស្រាប់ អាចបន្ថែមភាពតានតឹងលើសមុន។

ការថែរក្សារាងកាយដូចជា គេងលក់ស្កប់ស្កល់ ញ៉ាំអាហារដែលមានសុខភាពល្អ ព្យាយាមស្វែងរកសកម្មភាពដូចជា ធ្វើកុសសផលបុណ្យ អធិស្ឋាន បរិច្ចាគវត្ថុ ដាំដើមឈើផ្សេងៗទៀត រំលឹកដល់អ្នកស្លាប់។ គិតឡើងវិញនូវរឿងល្អៗ ដែលបានធ្វើរួមគ្នា ដើម្បីរក្សាខ្លួនយើងកុំឲ្យលង់ក្នុងភាពសោកសៅ នឹងជួយធ្វើឲ្យអារម្មណ៍ប្រសើរឡើង។

ជាពិសេសការលើកទឹកចិត្តអ្នកដទៃក្នុងស្ថានភាពដូចគ្នា ឬចែករំលែករឿងរ៉ាវរបស់គ្នាទៅវិញទៅមក នឹងជួយធ្វើឲ្យអ្នកមានអារម្មណ៍ផងដែរ៕

ប្រែសម្រួល៖ សាង ស្រីល័ក្ខ

ចុចអាន៖វិធី ៥ យ៉ាង ជួយធ្វើឲ្យអ្នករស់នៅក្នុងវិបត្តិរាតត្បាតនេះ បានល្អប្រសើរជាងមុន

ចុចអាន៖សញ្ញាព្រមាន ៥ ប្រភេទលើបណ្ដាញសង្គម បញ្ជាក់អត្ថន័យថា បុគ្គលនោះកំពុងចង់ធ្វើអត្តឃាត

Related Topics:បញ្ហាផ្លូវចិត្ត