និមិត្តសញ្ញាទាំង ៣ ក្នុងភាពយន្ត “Squid Game” មានអត្ថន័យបែបនេះ

បន្ទាប់ពីចាក់ផ្សាយ រឿង Squid Game បានក្លាយជាខ្សែភាពយន្តពេញនិយមយ៉ាងឆាប់រហ័សក្នុងចំណោមទស្សនិកជននៅជុំវិញពិភពលោក។ រឿងនេះដណ្ដើមទស្សនិកជនច្រើនជាងគេត្រឹមពេលដ៏ខ្លី ហើយវាក៏ជារឿងកូរ៉េដំបូងបំផុតដែលទទួលបានចំណាត់ថ្នាក់លេខ ១ នៅលើ Netflix ផងដែរ។

Squid Game ឬ ហ្គេមមឹក និយាយពីការប្រកួតប្រជែងដ៏គ្រោះថ្នាក់ដែលយកជីវិតមនុស្ស ៤៥៦ នាក់ទៅភ្នាល់ដណ្ដើមប្រាក់រង្វាន់មហាសាលចំនួន ៤៥.៦ ពាន់លានវ៉ុន (ប្រហែល ៣៨.៧ លានដុល្លារ) ។

នរណាដែលទទួលបានកាតដែលមាននិមិត្តសញ្ញារាង រង្វង់មូល ត្រីកោណ និងការ៉េ នឹងក្លាយជាបេក្ខជនចូលរួមប្រកួតដោយបង់ថ្លៃជីវិត ប្រសិនបើចាញ់ហ្គេម។

តើទស្សនិកជនឆ្ងល់អត់ថា និមិត្តសញ្ញាធំៗទាំង ៣ នោះ មានអត្ថន័យបែបណាដែរទេ?

ចំពោះនិមិត្តសញ្ញានៅលើកាត ដែលមានរាងជារង្វង់មូល តំណាងឱ្យអក្សរ O រីឯរូបត្រីកោណវិញតំណាងឱ្យអក្សរ J និងចុងក្រោយរូបការ៉េតំណាងឱ្យអក្សរ M។

ក្រោយពេលដែលគេផ្គុំអក្សរទាំង ៣នេះ ចូលគ្នា យើងនឹងបានពាក្យ OJM ដែលអានជាភាសាកូរ៉េថា Ojingeo Geim (오징어게임) ហើយវាមានន័យថា ហ្គេមមឹក ឬភាសាអង់គ្លេស Squid Game នេះឯង។

ត្រឡប់មកវិញ សាច់រឿង Squid Game ត្រូវបានបំផុសគំនិតមកពីល្បែងលកម្សាន្តកុមារដ៏ពេញនិយមរបស់កូរ៉េតាំងពីទសវត្សរ៍ឆ្នាំ ១៩៧០ និង ១៩៨០ ដែលគេស្គាល់ថា ល្បែងមឹក ឬលោតមឹក។ Squid Game ត្រូវបានតំណាងឱ្យហ្គេមមឹក ប៉ុន្តែឈ្មោះនេះមិនមានពិតឡើយនៅកូរ៉េខាងត្បូងឡើយ៕

ប្រែសម្រួល៖ សន្យា

ប្រភព៖ KBIZoom

ចុចអាន៖ មេរៀនជីវិតដ៏សំខាន់ពីផលិតករភាពយន្ត “Squid Game” គ្រប់គ្នាគួររៀនសូត្រ

ចុចអាន៖ ហាមមិនឱ្យក្មេងក្រោម ១៥ឆ្នាំ មើលរឿង “Squid Game”​ ដោយសារមូលហេតុ ៣នេះ