KPT+

ប្រយោជន៍ ៤ យ៉ាង ពីការច្រៀងនៅក្នុងបន្ទប់ទឹក

បានផុស

៣ ខែ មុន

នៅ

ថ្ងៃចន្ទ ២៨ មីនា ២០២២

ដោយ

យើងខ្ញុំជឿថា មានអ្នកអានជាច្រើននៅទីនេះ ប្រាកដជាធ្លាប់បានច្រៀងនៅក្នុងបន្ទប់ទឹក យ៉ាងហោចណាស់ម្តងក្នុងជីវិតដែរ។ ព្រោះការច្រៀង ជួយធ្វើឲ្យមានអារម្មណ៍ល្អ ប៉ុន្តែតើអ្នកដឹងទេថា ការច្រៀងនៅក្នុងបន្ទប់ទឹក មានប្រយោជន៍ជាងអ្វីដែលយើងគិតទៅទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១ ហាត់ដកដង្ហើម

នៅពេលយើងចាប់ផ្ដើមច្រៀង ជាការពិតណាស់ យើងចង់គ្រប់គ្រងដង្ហើមរបស់យើង។ ពេលខ្លះយើងដកដង្ហើមវែងៗ ដោយមិនដឹងខ្លួន ធ្វើឲ្យអុកស៊ីសែនកាន់តែច្រើនចូលទៅក្នុងចរន្តឈាម ដែលស្រដៀងនឹងអត្ថប្រយោជន៍សុខភាព នៅពេលដែលយើងធ្វើយូហ្គា យើងដកដង្ហើមចូល និងចេញ។

២ ការច្រៀងជួយសម្រួលដល់រាងកាយ

ការច្រៀងនៅក្នុងបន្ទប់ទឹក ក៏ជួយឲ្យយើងសម្រាកបានដែរ វារួមផ្សំនឹងការច្រៀង រាងកាយបានសម្រាកបន្ថែមទៀត។ នៅពេលដែលអ្នកមានអារម្មណ៍ធូរស្រាល រាងកាយរបស់អ្នកបញ្ចេញសារធាតុនៃសុភមង្គល ឬ Endorphins ដែលធ្វើឲ្យយើងមានអារម្មណ៍សប្បាយរីករាយ កាត់បន្ថយអារម្មណ៍ឈឺចាប់ ដែលកើតឡើង។

៣ ជួយបង្កើតគំនិតល្អៗ

៧២ភាគរយ នៃគំនិតច្នៃប្រឌិត ឬគំនិតដ៏អស្ចារ្យ ជាធម្មតាវាកើតឡើងនៅពេលដែលយើងនៅក្នុងបន្ទប់ទឹក។ បន្ទប់ទឹកមានបរិយាកាសស្ងប់ស្ងាត់ ហើយខួរក្បាលត្រូវបានបញ្ចេញពីភាពតានតឹង ការងូតទឹក ច្រៀង ស្ដាប់តន្ត្រី ធ្វើឲ្យខួរក្បាលបញ្ចេញសារធាតុ Dopamine ធ្វើឲ្យយើងតែងតែសម្លឹងមើលពិភពលោកក្នុងវិធីសុទិដ្ឋិនិយម ផ្ដោតអារម្មណ៍បន្ថែមទៀត ជាលទ្ធផល ទទួលបានគំនិតល្អ។

៤ បង្កើនទំនុកចិត្តលើខ្លួនឯង

ច្រៀងនៅក្នុងបន្ទប់ទឹក អនុញ្ញាតឲ្យយើងបញ្ចេញអារម្មណ៍ផ្ទាល់ខ្លួនបានដោយសេរី។ ធ្វើឲ្យយើងភ្លេចរឿងមួយរយៈ ហើយមានអារម្មណ៍ជឿជាក់ និងគោរពខ្លួនឯងកាន់តែច្រើនជាងមុន។ ភាគច្រើនក្រោយបានឮសំលេងខ្លួនឯង នោះធ្វើឲ្យយើងកាន់តែមានទំនុកចិត្តលើខ្លួនឯងទ្វេរដង៕

ប្រែសម្រួល៖ សាង ស្រីល័ក្ខ

ចុចអាន៖៨ យ៉ាង ត្រូវប្រយ័ត្នក្នុងសម័យរោគរាតត្បាត នៅពេលប្រើបន្ទប់ទឹកសាធារណៈ ជាមួយអ្នកដទៃ

ចុចអាន៖ប្រយ័ត្នឲ្យមែនទែន ម៉ាស៊ីនសម្ងួតដៃក្នុងបន្ទប់ទឹកតាមផ្សារទំនើប កំពុងក្លាយជាភ្នាក់ងារចែកចាយ Delta