KPT+

ហេតុអ្វីពេលកំពុងអានសៀវភៅ តែងតែងងុយគេងជានិច្ច?

បានផុស

៤ years មុន

នៅ

ថ្ងៃសុក្រ ១ មេសា ២០២២

ដោយ

អ្នកណាខ្លះដែលអានអានសៀវភៅ ហើយតែងងងុយគេង? ជាការពិតណាស់ សឹងតែភាគច្រើននៃមនុស្សគ្រប់គ្នាធ្លាប់អានសៀវភៅ តែងងងុយគេងមិនដឹងមូលហេតុ វាប្រៀបដូចជាសារធាតុអ្វីម៉្យាង ដែលដាក់ឲ្យយើងកាន់តែឆាប់ងងុយខ្លាំងលើសមុន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុអ្វីបានជា អានសៀវភៅ យើងប្រែជាងងុយគេង?

១ មកពីយើងងងុយដេកហើយ មូលហេតុដំបូងបំផុតគឺ អាចមកពីយើងងងុយដេកស្រាប់ ពេលខ្លះយើងសម្រាកមិនបានគ្រប់គ្រាន់ ធ្វើឲ្យយើងងងុយគេង ប៉ុន្តែយើងត្រូវបង្ខំខ្លួនឯងឲ្យអាន ឧទាហរណ៍ យើងត្រូវអានសៀវភៅ ព្រោះថ្ងៃស្អែកត្រូវប្រឡង តែត្រូវតែបង្ខំចិត្តអាន វាមិនចម្លែកទេ ដែលធ្វើឲ្យយើងងងុយគេង។

២ មាតិកាពីសៀវភៅមិនគួរឲ្យចាប់អារម្មណ៍ មាតិកាដែលមិនចាប់អារម្មណ៍ពីក្នុងសៀវភៅ អាចនឹងធ្វើឲ្យយើងមានអារម្មណ៍ធុញទ្រាន់។ ភាពអផ្សុកនេះ ធ្វើឲ្យខួរក្បាលមិនសូវមានកម្លាំង នោះធ្វើឲ្យយើងកាន់តែងងុយគេងលើសមុនថែមទៀត។

៣ ភ្នែកធ្ងន់ ភ្នែកត្រូវផ្លាស់ទីជុំវិញពេលកំពុងអាន ហើយភ្នែកធ្វើការជាមួយនឹងខួរក្បាលដើម្បីបកស្រាយ និងដំណើរការអ្វីដែលបានអាន ពេលអ្នកទាំងពីរខំប្រឹងធ្វើការ វានឹងធ្វើឲ្យអស់កម្លាំង ហើយធ្វើឲ្យខ្ញុំចង់សម្រាក ។

៤ ពេលអាន តែងតែស្ថិតក្នុងទីតាំងស្រួលពេក នៅពេលដែលយើងអាន យើងមានទំនោរទៅកន្លែងដែលមានផាសុកភាព ដូចជានៅលើគ្រែ លើសាឡុងដែលយើងចូលចិត្ត។ នៅពេលដែលរាងកាយចូលទៅក្នុងស្ថានភាពនៃការសម្រាក នៅក្នុងទីតាំងសុខស្រួល សាច់ដុំនឹងចាប់ផ្ដើមសម្រាក ហើយអ្នកនឹងមានអារម្មណ៍ងងុយគេង កាន់តែខ្លាំងលើសដើម។

ធ្វើម៉េចឲ្យអានសៀវភៅហើយមិនងងុយ? ត្រូវអានសៀវភៅបន្ទាប់ពីសម្រាកឲ្យបានពេញ ហើយអានឲ្យខ្លាំងៗផងដែរ។ មួយវិញទៀត គួរអាននៅកន្លែងដែលមានពន្លឺល្អ និងអង្គុយអាននៅលើកៅអី ផឹកទឹកពេលកំពុងអាន ហើយសម្រាកខ្លះៗ ។ វិធីសាស្ត្រទាំងនេះ អាចជួយអ្នកឲ្យអានបានយូរ ហើយមិនងងុយគេងថែមទៀត៕

ប្រែសម្រួល៖ សាង ស្រីល័ក្ខ

ចុចអាន៖ហេតុអ្វីបានជាស្ងាបញឹកញាប់ តើមានគ្រោះថ្នាក់ដល់ជីវិតដែរទេ ?

ចុចអាន៖អ៉ិន បូបូ ៖ តើយើងយល់បែបណា ចំពោះការរៀនអភ័យទោស?