KPT+

កុំមើលរំលង កម្ដៅបន្ទប់ អាចប៉ះពាល់ដល់ដំណេកយ៉ាងខ្លាំង

បានផុស

៤ years មុន

នៅ

ថ្ងៃសុក្រ ១៧ មិថុនា ២០២២

ដោយ

គ្មាននរណាម្នាក់ចង់ភ្ញាក់មកពាក់កណ្ដាលយប់នោះទេ ជាពិសេសមិនដឹងថាភ្ញាក់ដើម្បីអ្វី មិនឈឺបត់ជើងសោះ ក៏ភ្ញាក់ដែរ រឿងនេះហើយ អាចមកពីសីតុណ្ហភាពក្នុងបន្ទប់នេះឯង។ មនុស្សពេញវ័យ ៣៥% គេងមិនគ្រប់ ៧ម៉ោងជារៀងរាល់ថ្ងៃ ព្រោះតែបញ្ហាផ្លូវចិត្ត ជាតិកាហ្វេអ៊ីន ឬមកពីគេងថ្ងៃយូរពេកជាដើម ហើយគ្រប់គ្នាក៏មើលរំលងត្រង់សីតុណ្ហភាពទៅវិញមិនតែប៉ុណ្ណោះ មនុស្សចាស់ប្រតិកម្មនឹងកម្ដៅលឿនជាងក្មេងទៅទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅពេលកន្លែងគេងរបស់អ្នក មានសីតុណ្ហភាពក្ដៅស្អុះស្អាប់ អ្នកប្រាកដជាងើបមកបែកញើសនៅក និងក្បាល ស្អិតពិបាកគេងតែម្ដង ទោះបីជាគេងលក់ក៏ងើបមកមិនស្រួលខ្លួនដែរ។ កម្ដៅអាចរំខានដល់ដំណេកយើង មិនឲ្យសម្រាកបានសម្រេច ឬគេងមិនលក់ ដែលជាហេតុប៉ះពាល់យ៉ាងខ្លាំងដល់ថាមពលខួរក្បាលសម្រាប់ថ្ងៃបន្ទាប់។

អ្នកជំនាញរកឃើញថា សីតុណ្ហភាពល្អបំផុតសម្រាប់ដំណេកលក់ស្រួលគឺ ១៨ អង្សាសេ ទៅ ២០ អង្សាសេ។ ហើយការសិក្សាមួយទៀតបន្ថែមថា ការផ្លាស់ប្ដូរសីតុណ្ណភាពភ្លាមៗ ក៏ជួយឲ្យគេងលក់ស្រួលដែរ ដោយគ្រាន់តែមុជទឹកក្ដៅរួចប្ដូរមកមុជទឹកត្រជាក់ ឬមុជទឹកក្ដៅរួចចូលបន្ទប់ត្រជាក់មកជាការស្រេច។

មានមតិមួយទៀតលើកឡើងថា ដាក់ជើងចេញក្រៅភួយ ក៏ជួយឲ្យគេងលក់ស្កប់ស្កល់ដែរ ត្រឹមត្រូវហើយ! ភាពខុសគ្នារវាងសីតុណ្ហភាពនៅក្បាលពោះរបស់អ្នក និងសីតុណ្ហភាពដែលទុករាងកាយរបស់អ្នកតាមជើង ដៃ និងក្បាលរបស់អ្នក បង្កើនឱកាសក្នុងការគេងលក់ស្កប់ស្កល់៕

ប្រែសម្រួល៖ វារី

ចុចអាន៖ផលប៉ះពាល់ពីការគេងមិនបានគ្រប់គ្រាន់ និង វិធីសាស្ត្រកែតម្រូវ

ចុចអាន៖តើអ្វីទៅជាដំណេកវិបល្លាស?