មូលហេតុធំៗ ៨ យ៉ាង នាំឲ្យគេងមិនសូវលក់ និងវិធីព្យបាល

មនុស្សអាចមានបញ្ហាក្នុងការគេង ដោយ​ត្រូវ​ចំណាយ​ពេល​យូរ​ដើម្បី​ឲ្យ​ងងុយ។ ការ​គេង​មិន​លក់ ធ្វើឲ្យយើង​មិនមានអារម្មណ៍ស្រស់ស្រាយ នៅពេលដែលអាកប្បកិរិយាទាំងនេះត្រូវបានប្រមូលផ្តុំ វានឹងប៉ះពាល់ដល់ជីវិតប្រចាំថ្ងៃ ការចងចាំចាប់ផ្តើមថយចុះ ប្រសិទ្ធភាពសិក្សា ការងារតិច អារម្មណ៍ប្រែប្រួល ឆាប់ខឹង ទាក់ទងនឹងសុខភាព ។ ដូច្នេះ​យើង​គួរ​ប្រញាប់​រក​ដំណោះ​ស្រាយ​ទាន់​ពេល។

មូលហេតុ​នៃ​ការ​គេង​មិន​លក់​អាច​បណ្ដាល​មក​ពី​កត្តា​ជា​ច្រើន​ដូចជា៖

១ ភាព​តានតឹង ​អាច​បណ្ដាល​មក​ពី​ការងារ ឬ​បញ្ហា​គ្រួសារ

២ ជំងឺ​រាងកាយ​ដូចជា ឈឺក្បាល ឈឺខ្នង ឈឺសន្លាក់ ជំងឺផ្លូវចិត្ត ដូចជាជំងឺធ្លាក់ទឹកចិត្ត

៣ ថ្នាំមួយ​ចំនួន​ដូចជា ថ្នាំ​បញ្ចុះ​សម្ពាធឈាម ថ្នាំស្តេរ៉ូអ៊ីត ថ្នាំផ្តាសាយ តឹងច្រមុះ ជាដើម

៤ សារធាតុរំញោចដូចជា ជាតិកាហ្វេអ៊ីន ជាតិនីកូទីន អាល់កុល

៥ បរិយាកាស​មិន​សមស្រប ដូចជាសម្លេងខ្លាំង ពន្លឺរំខាន សីតុណ្ហភាពក្តៅពេក ឬត្រជាក់

៦ ការ​ផ្លាស់ប្ដូរ​កាលវិភាគ​គេង​ដូចជា ពីការធ្វើដំណើរ ផ្លាស់ប្តូរ​ការងារទៅជាពេល​យប់

៧ កង្វះអ័រម៉ូនដូចជា Melatonin អ័រម៉ូនលូតលាស់ អរម៉ូន​ភេទ

៨ កង្វះ​សារធាតុចិញ្ចឹម វីតាមីន និង​សារធាតុរ៉ែ ដូចជា​ស័ង្កសី វីតាមីន B5 និង tryptophan ជាដើម។

វិធី​ដោះស្រាយ​ការ​គេង​មិន​លក់

-ចាប់ផ្ដើមកែប្រែឥរិយាបថផ្ទាល់ខ្លួនរបស់អ្នក ចូលគេងហើយភ្ញាក់ទាន់ពេល កុំគេងពេលថ្ងៃត្រង់

-ចៀសវាង​ផឹកតែ កាហ្វេ ជាតិ​នីកូទីន អាល់កុល ពេលរសៀល

-ចៀសវាង​ការធ្វើលំហាត់ប្រាណ ៣-៤ ម៉ោងមុនពេលចូលគេង

-កុំញ៉ាំអាហារមានជីវជាតិខ្លាំង មុនពេល​ចូលគេង

-ផ្តល់បរិយាកាសបន្ទប់គេងសមរម្យ ស្ងប់ស្ងាត់ ងងឹត មិនក្តៅពេក ឬត្រជាក់ពេក

-អាចសម្រាកមុនពេលចូលគេង ដោយអានសៀវភៅ ឬស្តាប់តន្ត្រី។

ទោះយ៉ាងណាប្រសិនបើរាងកាយអ្នកចាប់ផ្តើមកាន់តែយ៉ាប់យ៉ឺន ការអនុវត្តខាងលើនេះ ប្រហែលជាមិនប្រសើរឡើងទេ។ ដូច្នេះ គួរតែទៅជួបគ្រូពេទ្យ ដោយចាប់ផ្តើមស្វែងរកមូលហេតុ និងការព្យាបាលជាពិសេស៕

ប្រែសម្រួល៖ សាង ស្រីល័ក្ខ

ចុចអាន៖៥ វិធី ជួយអ្នកឲ្យឈប់គិតពីការងារ ហើយឆាប់គេងលក់លឿន

ចុចអាន៖វិធី ១០ យ៉ាង ជួយឲ្យឆាប់គេងលក់ស្រួល សម្រាប់អ្នកពិបាករឿងដំណេក