KPT+

ពិតឬទេ សត្វរុយចេះខឹង និងឌឺដងដូចមនុស្ស?

បានផុស

៤ years មុន

នៅ

ថ្ងៃពុធ ២២ មិថុនា ២០២២

ដោយ

រុយជាសត្វល្អិតដ៏គួរឲ្យរំខាន គួរឲ្យខ្ពើម និងជាទីសម្អប់របស់មនុស្សលោក។ សត្វរុយមានតួនាទី ជាច្រើនដូចជាកម្ចាត់សត្វចង្រៃ ដែលបំផ្លាញដំណាំរបស់មនុស្ស ស៊ីកាកសំណល់សម្អាតបរិស្ថាន និងជាចំណីសម្រាប់ត្រីជាដើម។ ប៉ុន្តែអ្វីដែលធ្វើឲ្យមនុស្សស្អប់នោះគឺបណ្ដាលមកពីភាពរំខានរបស់វាពេលមនុស្សបរិភោគអាហារវាចូលចិត្តមកទុំម្ហូប និងសាច់យើងណាស់ ជាពិសេសហោះកាត់មុខទុំមុខនឹងឯង ហើយរឿងដ៏គួរឲ្យខ្ពើមនោះគឺវាក្អួត និងបន្ទោរបង់ដាក់ម្ហូបរបស់មនុស្សទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តើអ្នកដឹងទេថាសត្វរុយមានអារម្មណ៍ដូចជាមនុស្សដែរ ជីវវិទូ ដេវីដ អេនដឺសន រកឃើញថាសត្វរុយ និងឃ្មុំចេះខឹង និងឌឺដូចមនុស្សដែរ។ លោកមានប្រសាសន៍ថា “ពេលដែលយើងផ្លំ ឬបក់រុយចេញពីហេមបឺហ្គឺ រុយនោះវាតែងតែខំត្រលប់មកវិញជាដាច់ខាតដោយកំហឹង”។ លោកដេវីថធ្លាប់ពិសោធន៍ដោយការដាក់ម្ហូបសម្រាប់រុយមួយផ្នែកនៅចុងតុ រួចផ្លំវាឲ្យចេញច្រើនដង លោកសង្កេតឃើញថាវាពុះពារមកទុំលើម្ហូបនោះទាំងដែលវាមិនត្រូវការម្ហូបសោះ ត្រង់នេះបានបញ្ជាក់ថា សត្វរុយមានបំណងជម្នះមនុស្សដោយកំហឹងពិតប្រាកដណាស់។

បច្ចុប្បន្នមានវិធីកម្ចាត់រុយជាច្រើនដូចជា ក្រដាសកាវ ឈើកាវបញ្ឈរ ថ្នាំបាញ់ និងប្រដាប់វៃរុយជាដើម។ ទោះបីជាមានវិធីកម្ចាត់ច្រើនយ៉ាងណាក៏ដោយ ចំនួនសត្វរុយនៅតែច្រើនឡើងពីមួយថ្ងៃទៅមួយថ្ងៃ ដើម្បីកុំឲ្យសត្វល្អិតនេះមករំខានយើងបាន យើងគប្បីចោលសម្រាមឲ្យត្រឹមត្រូវ ចងមាត់ ថង់ឲ្យជិត និងរស់នៅស្អាតទើបវាមិនអាចមកបៀតបៀនបាន៕

ប្រែសម្រួល៖ វារី

ចុចអាន៖ការពិតដ៏គួរឲ្យខ្ពើមទាំង ១០ យ៉ាង ដែលមិនសូវមានអ្នកដឹងសោះ

ចុចអាន៖មនុស្សទម្លាប់ខ្ជិលងូតទឹក គឺមានហេតុផល ៦ យ៉ាងនេះក្នុងខ្លួន