KPT+

ទំនោរសង្គមដែលចង់ជោគជ័យហួសហេតុពេក មនុស្សក្លាយជាបរាជ័យជាមួយបីយ៉ាងនេះ

បានផុស

៦ years មុន

នៅ

ថ្ងៃសុក្រ ២៥ ធ្នូ ២០២០

ដោយ

យុវវ័យក្នុងសម័យកាលនេះរងសម្ពាធនៃការចង់ជោគជ័យឲ្យរហ័សមុន៣០ឆ្នាំ ឬមានផ្ទះធំទ្រនំខ្ពស់ តួនាទីជា CEO MD Director ។ល។ ខណៈកាលពីជំនាន់មុនអត់ឃ្លានយ៉ាងណា មនុស្សរស់សប្បាយចិត្តជាង។

ខាងក្រោមនេះ កម្ពុជាថ្មីបង្ហាញជូនសកម្មភាពបីយ៉ាង ដែលពួកគេកំពុងអនុវត្តិដោយមិនដឹងខ្លួនព្រោះតែប្រញាប់ស្លន់ស្លោចង់បានជោគជ័យ។

១ ស្វះស្វែងរកផ្លូវកាត់ខាតពេលមិនបានបញ្ចេញសមត្ថភាពពិត

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មនុស្សសម័យនេះភាគច្រើនលែងជឿលើសមត្ថភាពពិត ប៉ុន្តែជឿលើខ្នងបង្អែក ខ្សែទុយោ លួចបន្លំ មិនថាបន្លំម៉ោងការងារ បន្លំលុយកាក់ និងបន្លំយកគំនិតយោបល់គ្នា។ កាលពីមុនយុវវ័យជាវ័យដែលពេញដោយសេចក្តីសង្ឃឹមតែពេលនេះ យុវវ័យមួយភាគធំចេះបត់បែនទៅរកការកេងកិបនិងសូកប៉ាន់ជាងចាស់ៗ សម័យកាលមុនខ្លួនទៅទៀតតើនេះបណ្តាលមកពីអ្វី? ចង់ជោគជ័យហួសហេតុទំាងដែលមិនស្គាល់អត្ថន័យពិតនៃពាក្យថា ជោគជ័យជាអ្វី។

២ រកអ្នកដទៃមកសម្រាប់បន្ទោសជំនួសកំហុសខ្លួន

ពេលដែលហ៊ានធ្វើជាអ្នក«លួច»យ៉ាងចេញមុខនឹងទុកថាជារឿងធម្មតាពួកគេថែមទំាងហ៊ានចោទសង្គម ចោទមេដឹកនាំ និងចោទអ្នកណាក្តីដែលពាក់ពន្ធ័ខ្លួនឱ្យរ៉ាប់រង ទង្វើកំហុសរបស់ខ្លួនរាល់ពេលត្រូវចាប់បាន។ តាមពិតចរិតលក្ខណៈមនុស្សនៅពីក្រោយការសម្រេចចិត្តទាំងឡាក្នុងជីវិត ប្រសិនបើយើងដែរតាមមនុស្សល្អយើងដើរត្រូវ យកមនុស្សអាស្រូវជាIdolយើងនឹងលង់ខ្លួនព្រោះចង់មានឆាប់ រំភើបចំពោះអំណាចសម្លុតបង្អួតអ្នកដទៃ ផឹកស៊ីស្រែកឡូឡា គឺឡើងធំទំាងមិនមានបទពិសោធន៍ ។ ហ៊ាន លួចទ្រព លួចម៉ោង លួចផេកលើបណ្តាញសង្គម hakeចូលទិន្នន័យ និងលួចអ្វីផ្សេងទៀត ទំាងការពារថាខ្លួនឯងត្រូវ សង្គមជាអ្នកខុស។

៣ ឲ្យតម្លៃលើសម្ភារៈជាងសីលធម៌

មនុស្សខ្លះព្រមហៅមនុស្សម្នាក់ទៀតថា Idol (មនុស្សដែលខ្លួនចង់យកគំរូតាម) ទាំងដែលអ្នកនោះ មិនបាច់ចេះអ្វីមានស្នាដៃអ្វីក៏បាន ឲ្យតែជិះឡានថ្លៃមានប្ដីឬប្រពន្ធជាអ្នកមាន ជាម្ចាស់ក្រុមហ៊ុនជាសេដ្ឋីមិនបាច់ដឹងមុខថាលុយបានមកពីណា ក្លាយជាIdolបានទំាងអស់។ បើមនុស្សដែលគេព្រមយកជាគំរូ របៀបនេះទៅហើយតើទៅ២០ឆ្នាំទៅមុខអ្នកដើរតាមនឹងក្លាយជាអ្វី?ឬមួយគ្រាន់តែរៀបការជាមួយបុរសអ្នកមានម្នាក់នឹងអាចក្លាយជាidolបាន? នេះហើយដែលហាងកែសម្ភស្សរកស៊ីបានជាងសាលារៀន ព្រោះមនុស្សជឿលើសម្រស់ជាងចំណេះដឹងនិងការតស៊ូ។

ក្នុងចំណោមទំាងបីចំណុចខាងលើ អ្នកណាមានវាហើយក៏សឹងជោគជ័យត្រឹមតែកណ្តាលផ្លូវប៉ុណ្ណោះ។ ភាគច្រើនជោគជ័យលឿន ឆាប់ឃើញ ប៉ុន្តែក្រោយមកក៏ដួលទៅវិញ ជាពិសេសនៅវ័យចូលហាប្លាយនឹងលែងមានអ្វីជាទីពឹង ព្រោះដល់វ័យមិនសូវសកម្មហើយ។ កាលនៅសកម្មមិនសូវខំបានត្រឹមរត់តាមចំណុចជោគជ័យក្លែងក្លាយទំាងនោះដល់មកស្តាយក្រោយក៏យឺតពេល។ មនុស្សវ័យចំណាស់រស់នៅពឹងលើក្រេឌីត(កេរ៍ឺឈ្មោះ បទពិសោធន៍ លទ្ធផល)តែពេលយើងគ្មាននិង គេដឹងគ្រប់គ្នាពីវិធីដែលយើងប្រើកាលនៅយុវវ័យ តើមានអ្នកណាគេត្រូវការយើង?

ប្រែសម្រួល៖តុង ឡុង

ចុចអាន៖សហគ្រិនស្ត្រីវ័យក្មេង៥រូបដ៏លេចធ្លោក្នុងវិស័យជំនួញថៃ

ចុចអាន៖ប្រកាន់ទម្លាប់ ៤ នេះ ប្រឹងតស៊ូយ៉ាងណាក៏គង់ទៅមុខមិនបានរលូនដដែល