KPT+
គេងមិនលក់រាល់យប់? សាកប៉ុន្មានវិធីខាងក្រោមនេះ ធានាថាក្រោកឡើងពេលព្រឹកស្រស់ស្រាយ
ជីវិតមិនមែនជាគ្រែផ្កាកុលាបដែលស្រស់បំព្រងរហូតទេ ពេលខ្លះមានបញ្ហា ទុក្ខព្រួយ និងការលំបាកដែលយើងមិនអាចទ្រាំទ្របាន ហើយវាក៏ប៉ះពាល់ដល់ដំណេក មិនអាចឲ្យបានគេងលក់ស្កប់ស្កល់ឡើយ។
អានអត្ថបទខាងក្រោម រួចសាកអនុវត្តតាម ប្រហែលអាចក្រោកមកជាមួយនឹងអារម្មណ៍ស្រស់ស្រាយជាងមុនបាន ៖
១. បួងសួង ឬសមាធិ
មិនថាអ្នកកាន់សាសនាអ្វីឡើយ សំខាន់បំផុតមុនពេលចូលគេង សូមធ្វើការបួងសួងជាមុន ដើម្បីឆាប់គេងលក់។ បួងសួងដល់ការដឹងគុណចំពោះការរស់នៅ រៀនអភ័យទោសឲ្យគ្រប់គ្នា គ្រប់រឿងដែលកើតឡើងថ្ងៃនេះ។ ធានាថាពេលភ្ញាក់ឡើងពេលព្រឹក អារម្មណ៍របស់អ្នកនឹងសប្បាយរីករាយ ស្រស់ស្រាយមិនខាន។
២. ទម្លាប់អានមុនគេង
មនុស្សរីករាយនិងជោគជ័យ ភាគច្រើនបានអានសៀវភៅមុនពេលចូលគេង។ ពួកគេអះអាងថា វាជួយធ្វើឱ្យចិត្តស្ងប់ និងងងុយគេងលឿន។ សូមបិទទូរទស្សន៍ បិទកុំព្យូទ័រយួរដៃ ប្រហែលមួយម៉ោង ហើយរីករាយនឹងការអានសៀវភៅវិញម្ដង។
៣. កុំទទួលទានគ្រឿងស្រវឹង ឬកាហ្វេច្រើនពេក
ការពិសាស្រាមុនពេលចូលគេង អាចធ្វើឱ្យមានអារម្មណ៍ធុញថប់ ហើយអាចក្រោកពីដំណេកនៅពាក់កណ្ដាលអធ្រាត្រ គេងភ្ញាក់ៗរហូតដល់ព្រឹក។ មួយទៀតកុំផឹកកាហ្វេនិងតែច្រើនពេក គួរងាកមកផឹកទឹកដោះគោក្តៅៗជាមួយទឹកឃ្មុំមួយកែវ មុនចូលគេវិញ ជាការល្អជាង។
៤. ដើរកម្សាន្ត
ជំនួសឱ្យការមើលទូរទស្សន៍ ឬចំណាយពេលល្ងាចនៅលើប្រព័ន្ធផ្សព្វផ្សាយសង្គម សូមចំណាយប៉ុន្មាននាទី ដើរចេញក្រៅ។ ការដើរគឺជាការធ្វើលំហាត់ប្រាណ បង្កើនអារម្មណ៍ល្អដល់សុខភាពទូទៅ និងជួយជម្រះគំនិត ជំរុញឱ្យគេងលក់ស្រួលនៅពេលយប់។
៥. មើលផ្កាយ
ប្រសិនបើមេឃពោរពេញទៅដោយផ្កាយ សាកមើលហ្វូងតារាតាមមាត់បង្អួច ឬដើរចេញមកយ៉រមុខផ្ទះ ហើយស្មឹងស្មាធអារម្មណ៍សម្លឹងមើលដួងផ្កាយតូចៗទាំងនោះ។ នេះជាវិធីសាស្ត្រមួយក្នុងការប្រយុទ្ធប្រឆាំងនឹងភាពតានតឹង ជម្រះគំនិត និងស្វែងរកដំណោះស្រាយចំពោះស្ថានភាពលំបាក ដែលអ្នកជួបកន្លងមក ហើយក៏ជួយឲ្យគេងលក់ស្រួលថែមទៀតផង។
៦. សរសេរកំណត់ហេតុ
សរសេរកំណត់ហេតុមុនចូលគេង គិតថាហួសសម័យហើយ? អត់ទេ! សម្រាប់អ្នកដែលមានមនោសញ្ចេតនាជ្រាលជ្រៅ ឬមានបញ្ហាណាមួយដែលមិនអាចប្រាប់អ្នកណាបាន សូមសាកល្បងសរសេរពីរឿងរ៉ាវដែលជួបប្រទះចូលសៀវភៅ។ សរសេររួចបិទភ្លើង ហើយចូលគេងដោយក្ដីសង្ឃឹមក្នុងជីវិត។ ប្រាប់ខ្លួនឯងថា ស្អែកខ្ញុំនឹងប្រយុទ្ធបន្តទៀត សូមឲ្យខ្ញុំគេងលក់ស្រួលនៅយប់នេះ៕
ប្រែសម្រួល៖ សាង ស្រីល័ក្ខ
ចុចអាន៖ ស្គាល់ចំណុចទាំងនេះ ជឿថាអ្នកនឹងគេងលក់ស្រួល
ចុចអាន៖ រាងកាយដូចគ្មានកម្លាំងកំហែងពេលក្រោកពីគេង សាកប៉ុន្មានវិធីនេះធានាស្វាងចែស
-
ព័ត៌មានជាតិ១ សប្តាហ៍ agoផ្លូវជាតិថ្មីកាត់ពីខេត្តបាត់ដំបងទៅខេត្តសៀមរាប និង ផ្លូវជាតិលេខ ៦០បេ កំពុងជំរុញឈានទៅបើកការដ្ឋានសាងសង់នៅពេលខាងមុខ
-
ព័ត៌មានជាតិ១ ថ្ងៃ agoត្រីជាង ២ តោន ងាប់នៅតំបន់អភិរក្សតាមោក ខេត្តសៀមរាប ដោយសារទឹករាក់ និង អាកាសធាតុក្តៅខ្លាំង
-
ចរាចរណ៍១ សប្តាហ៍ agoករណីគ្រោះថ្នាក់រថយន្ដដឹកកម្មកររោងចក្រនៅកំពង់ឆ្នាំង និងស្វាយរៀង មានជនរងគ្រោះស្លាប់សរុប ១៣នាក់ និងរបួសធ្ងន់ស្រាលជាង៣០នាក់
-
ព័ត៌មានជាតិ១ សប្តាហ៍ agoអភិបាលខេត្ត និងតំណាងរាស្ត្រ ចុះពិនិត្យដល់ទីតាំងភ្លាមៗក្រោយមានគ្រោះថ្នាក់ចរាចរណ៍នៅស្រុកកំពង់ត្រឡាច
-
ព័ត៌មានអន្ដរជាតិ១ សប្តាហ៍ agoអាមេរិក ជំរុញឱ្យសម្ព័ន្ធមិត្តណាតូ ជួយរួមដៃគ្នាបញ្ចប់សង្គ្រាមអ៊ីរ៉ង់
-
ព័ត៌មានជាតិ១ ថ្ងៃ agoរដូវវស្សាប្រុងប្រយ័ត្ន! គ្រោះរន្ទះបាញ់សម្លាប់គោ ១៩ក្បាល នៅស្រុកលំផាត់ ខេត្តរតនគិរី
-
សេដ្ឋកិច្ច៥ ថ្ងៃ agoអតីតនិស្សិតពេទ្យសត្វម្នាក់ ចាប់របរចិញ្ចឹមមាន់សាច់រកចំណូលបានសមរម្យផ្គត់ផ្គង់គ្រួសារ
-
សន្តិសុខសង្គម១៥ ម៉ោង agoឆ្លងចរន្តអគ្គិសនីឆេះរោងចក្រផលិតស័ង្កសី គាបស្នោ ១ កន្លែង រងការខូចខាត នៅសង្កាត់ត្រពាំងក្រសាំង