កីឡា

កីឡា ១០ ប្រភេទ ល្បីថាគ្រោះថ្នាក់បំផុតលើពិភពលោក

បានផុស

១ year មុន

នៅ

ថ្ងៃព្រហស្បតិ៍ ២៤ វិច្ឆិកា ២០២២

ដោយ

ការចូលរួមក្នុងសកម្មភាពកីឡា ជារឿយៗត្រូវបានចាត់ទុកថាជាពេលវេលាដ៏រីករាយមួយ។ ទោះជាយ៉ាងណាក៏ដោយ ភាពសប្បាយរីករាយក្នុងសកម្មភាពកីឡាខ្លះ អាចកើតមានគ្រោះថ្នាក់ឬឈានដល់ការស្លាប់បាន។

អត្ថបទខាងក្រោមនេះ គឺជាបញ្ជីនៃកីឡាគ្រោះថ្នាក់បំផុតទាំង១០នៅលើពិភពលោក ដែលអ្នកគួរតែដឹងមុន។

១ ជិះស្គីក្ដារ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គឺជាហ្គេមដែលពាក់ព័ន្ធនឹងមនុស្សម្នាក់ ឬពីរនាក់នៅក្នុងទីតាំងអង្គុយនៅលើក្តារ រអិលចុះពីលើភ្នំ ឬផ្លូវក្រាលកៅស៊ូក្នុងល្បឿនលឿនបំផុត។ អត្តពលិកដែលលេងហ្គេមនេះ ត្រូវដេកលើក្ដារ ហើយចុះពីលើផ្លូវដ៏គ្រោះថ្នាក់។ ទោះបីជាអ្នកចូលរួមបានពាក់មួកការពារ និងឧបករណ៍ក៏ដោយ វានៅតែជាហ្គេមដ៏គួរឲ្យខ្លាច និងគ្រោះថ្នាក់។ ឱកាសនៃការប៉ះទង្គិចគ្នានៅលើផ្លូវគឺខ្ពស់ ព្រោះមានការបាក់តែលើជើងប៉ុណ្ណោះ។

២ ជិះស្គីទឹកកក

អ្នកប្រហែលជាឆ្ងល់ថា គ្រាន់តែជិះស្គីទឹកកក មានគ្រោះថ្នាក់ដល់ជីវិតដែរ? ប្រសិនបើអត្តពលិកដែលចូលរួមក្នុងការជិះស្គីមិនប្រុងប្រយ័ត្នទេនោះ ពួកគេអាចមានរបួសឆ្អឹង និងសាច់ដុំធ្ងន់ធ្ងរបាន។

៣ ប្រដាល់

នេះជាកីឡាប្រយុទ្ធដែលមនុស្សពីរនាក់ប៉ះទង្គិចគ្នា លើសង្វៀនប្រកួត។ យោងតាមស្ថិតិ ៩០ភាគរយនៃអ្នកចូលរួមក្នុងការប្រកួតនេះ ជារឿយៗទទួលរងការការប៉ះទង្គិចខួរក្បាលអំឡុងពេលប្រកួត។ ពួកគេក៏អាចងាយនឹងកើតជំងឺ Alzheimer ឬ Parkinson នាពេលអនាគតផងដែរ។ ជាងនេះទៅទៀត ការប្រដាល់ក៏អាចនាំឲ្យស្លាប់ដែរ។

៤ ការប្រណាំងម៉ូតូ

ទោះបីជាកម្រិតសុវត្ថិភាព របស់យើងបានស្ថិតម៉ូតូក្ដី តែកីឡាប្រភេទនេះនៅតែត្រូវបានចាត់ទុកថាមានគ្រោះថ្នាក់ដល់អាយុជីវិត និងជាកីឡាដ៏គ្រោះថ្នាក់បំផុតមួយនៅក្នុងពិភពលោក។

៥ ជិះសេះ

អ្នកប្រហែលជាឆ្ងល់ថាតើការជិះសេះអាចមានគ្រោះថ្នាក់ប៉ុណ្ណា។ ជាការពិត មិនថាព្យាយាមការពារខ្លួនបានល្អប៉ុណ្ណានោះទេ យើងមិនអាចស្មានដឹងថាវាមានគ្រោះថ្នាក់កម្រិតណាឡើយ ប្រសិនបើសេះបោលឬលោតឡើងមក អាចបណ្ដាលឲ្យយើងធ្លាក់ចុះមកក្រោមរបួសធ្ងន់បាន។

៦ មុជទឹកបាទសមុទ្រ

នេះជាប្រភេទកីឡាដ៏គ្រោះថ្នាក់បំផុតក្នុងពិភពលោក។ ទោះបីជាឧបករណ៍ដកដង្ហើមក្រោមទឹក អាចឲ្យយើងនៅក្រោមទឹកបានយូរ ដើម្បីរីករាយជាមួយភាពស្រស់ស្អាតនៃជីវិតសមុទ្រក្ដី ប៉ុន្តែការផ្លាស់ប្តូរសម្ពាធនៅក្រោមទឹក ការប្រែប្រួលសម្ពាធអាចផ្ទុះក្រដាសត្រចៀក ប្រហោងឆ្អឹង ឬសួត។ ការប៉ះពាល់រយៈពេលយូរ ក៏អាចបណ្តាលឲ្យស្ទះសរសៃឈាមតូចៗ ការបរាជ័យនៃការផ្គត់ផ្គង់ឈាម និងការខូចខាតជាលិកា។

៧ កាយសម្ព័ន្ធ

កីឡានេះទាមទារកម្លាំង តុល្យភាព ភាពរហ័សរហួន ការសម្របសម្រួល ភាពបត់បែន និងការស៊ូទ្រាំខ្លាំង។ ថ្វីត្បិតតែវាជាកីឡាដ៏គ្រោះថ្នាក់ ប៉ុន្តែវាជួយអភិវឌ្ឍជើង ស្មា ដៃ ទ្រូង និងសាច់ដុំពោះ។ គ្រោះថ្នាក់មួយចំនួននៅក្នុងកីឡានេះ រួមមានការបាក់ឆ្អឹងកងខ្នង របួសកជើង ការខូចខាតឆ្អឹងខ្ចី និងការបាក់កដៃ។

៨ ការលោតឆ័ត្រយោង

ទោះបីជានេះត្រូវបានចាត់ទុកថាជាសកម្មភាពលំហែរ ដែលអ្នកចូលរួមលោតចេញពីកន្លែងថេរ ដោយប្រើឆ័ត្រយោងក៏ដោយ ក៏វានៅតែត្រូវបានចាត់ទុកថាជាកីឡាដ៏គ្រោះថ្នាក់។ ជាអកុសល ចាប់តាំងពីការចាប់ផ្តើម កីឡាប្រភេទនេះបានឆក់យកជីវិតមនុស្សជាច្រើន។ កីឡានេះទាក់ទាញអ្នកគាំទ្រជាច្រើនមកពីជុំវិញពិភពលោក ប៉ុន្តែវាក៏បានបណ្តាលឲ្យមនុស្សស្លាប់ជាច្រើននាក់ផងដែរ។

៩ បាល់ទាត់

បច្ចុប្បន្ននេះ បាល់ទាត់គឺជាកីឡាដ៏ពេញនិយមបំផុតមួយ ហើយក៏ជាផ្នែកនៃកីឡាគ្រោះថ្នាក់បំផុតនៅក្នុងពិភពលោកផងដែរ។ ឱកាសនៃរបួសបាល់ទាត់គឺខ្ពស់ណាស់។ ស្រមៃមើលអត្តពលិកជាច្រើននាក់ដែលកំពុងរត់ ឱកាសនៃការប៉ះទង្គិចជាមួយគូប្រកួតរបស់ពួកគេគឺខ្ពស់គួរសម។ អ្នកលេងបាល់អាចជួបប្រទះការរងរបួសដូចជាសន្លាក់ និងសាច់ដុំនៃជើង គឺជារបួសទូទៅដែលអត្តពលិកប្រឈមមុខ។

១០ ការឡើងភ្នំ

អ្នកចូលរួមនៃហ្គេមនេះ ព្យាយាមឡើងដល់កំពូលនៃដីខ្ពស់ ដើម្បីភាពសប្បាយរីករាយ។ ការឡើងភ្នំគឺជាកីឡាមួយក្នុងចំណោមកីឡាដែលប្រថុយប្រថានបំផុតនៅក្នុងពិភពលោក។ មនុស្សរាប់លាននាក់ដែលចូលរួមក្នុងកីឡានេះជារៀងរាល់ឆ្នាំ បានទទួលការឈឺចាប់ ការរងរបួសភាគច្រើនកើតឡើងពីការរអិល ឬធ្លាក់លើថ្ម។ លើសពីនេះ ទីរហោស្ថានបង្កការគម្រាមកំហែងឥតឈប់ឈរ។ ពេលចូលរួមក្នុងកីឡានេះ ត្រូវពាក់ឧបករណ៍ការពារ ប៉ុន្តែត្រៀមខ្លួនសម្រាប់គ្រោះថ្នាក់ដែលមិនអាចទាយទុកមុនបាន៕

ប្រែសម្រួល៖ សាង ស្រីល័ក្ខ

ចុចអាន៖កីឡាករបាល់ទាត់ឆ្នើម ៧ រូប មានជាងគេបំផុត លើពិភពលោក

ចុចអាន៖រឿងរ៉ាវដូចគ្នាចំនួន ២ កើតឡើងក្នុងជំនួប ៤ គូនៅ World Cup យប់មិញ