មិនឆ្ងាយទេ ជិះតែប៉ុន្មាននាទីពីក្រុង ឆ្លងឆ្នាំបែប​ពិចនិក​ និងកម្សាន្តលេងបាន

បើសិនជាលោកអ្នកយល់ថា ចង់បានបរិយាកាសបែបពិចនិក បោះតង់ ឬការកម្សាន្តក្រៅក្រុង ហើយមិនឆ្ងាយពីក្រុង ប៉ុន្មានកន្លែងខាងក្រោមនេះ មិនឆ្ងាយហើយ ថែមទាំងអាចធ្វើដំណើរទៅមកបានដោយស្រួលទៀតផង។

១. Jet’s Garden Park
ពិសេសណាស់ មិនចាំបាច់ធ្វើដំណើរវែងឆ្ងាយនាំហត់អ្វីនោះទេ លោកអ្នកអាចស្វែងរកទីតាំងបែបពិចនិកដូចគ្នា នឹងអ្នកទៅលេងតាមបណ្តាខេត្ត​ដែរ ដោយសារតែឆ្នាំនេះ Jet’s Garden Park មានរៀបចំតាំងពិរពណ៌ ម្ហូបអាហារ និងភេសជ្ជៈ ដែលរួមមានការប្រគុំត្រ្តីបែប Live Band Acoustic និង DJ បាញ់កំជ្រួច បង្ហោះគោមភ្លើង។ លើសពីនេះ លោកអ្នកក៏អាចកម្សាន្តបែបបោះតង់ជាក្រុម និងឯកជន រួមទាំងកម្មវិធីផ្សេងៗជាច្រើនទៀត ដែលមាន ចម្ងាយ​ត្រឹមតែ ១៥គីឡូម៉ែត្រក្រុងភ្នំពេញប៉ុណ្ណោះ។ ទីតាំង

២. សម្រស់កៀនស្វាយ
ធ្លាប់តែទៅកម្សាន្តពេលថ្ងៃមែនអត់? ឥលូវនេះ មកមើលត្រៀមកន្លែងឱ្យហើយទៅ សប្បាយបានទាំងថ្ងៃទាំងយប់ ពិសេស​ឱកាសថ្ងៃឆ្លងឆ្នាំសកលនេះតែម្តង។ ឆ្នាំនេះ ភោជនីយដ្ឋានសម្រស់កៀនស្វាយ មានរៀបចំព្រឹត្តិការណ៏ដ៏អស្ចា្យ “Countdown Party 2022-2023” ជាមួយនឹងកម្មវិធីជួបជុំឆ្លងឆ្នាំ ដែលប្រព្រឹត្តទៅនៅល្ងាចថ្ងៃសៅរ៏ ទី៣១ ចាប់ពីម៉ោង​ ៦ល្ងាច ដល់​ ម៉ោង ១២រំលងអាធាត្រ។ ទីតាំង

៣. Prince Manor Resort

ហួសកៀនស្វាយប៉ុន្មាននាទីមក យើងនឹងបានឃើញទីតាំងដ៏ស្រស់ស្អាតមួយនេះ ដែលមានផ្តល់ជូនការកម្សាន្តជាច្រើន ដូចជា ប្រណាំងឡាន សួនទឹក កន្ត្រក់វិល88ម៉ែត្រ និងឧបករណ៍ជាច្រើនផ្សេងទៀត។ ពិសេសបំផុតនោះ លោកអ្នកថែមទាំងអាចស្នាក់នៅមួយយប់ជាមួយវីឡាបែបខ្មែរ ដែលមានបន្ទប់គ្រែ១ និងគ្រែ២ ថែមទៀតផង។ ទីតាំង

៤. ភូមិផ្កាត្រកួន

ធ្វើដំណើរមួយភ្លែតដល់ហើយ លោកអ្នកអាចរកការកម្សាន្តបែបជួបជុំលក្ខណៈគ្រួសារ មិត្តភក្តិ នៅទីតាំងដែលមានទេសភាពស្រស់ស្អាត មានទឹក មានធម្មជាតិ ផ្ទះស្នាក់ និងតង់ផងដែរ។ ការកម្សាន្តយប់នេះ ភូមិផ្កាត្រកួន គឺមានរៀបចំតន្ត្រី ការកម្សាន្តបោះតង់ បាញ់កាំជ្រួច និងអាចរាំលេងកម្សាន្តជុំគ្នាទៀត។ ដូចនេះ លោកអ្នកអាច កក់តង់ កក់កញ្ចុះ ឬផ្ទះស្នាក់ សម្រាប់ឱកាសយប់នេះ Count Down រីករាយជួបជុំមនុស្សជាទីស្រឡាញ់បាន។ ទីតាំង