KPT+

ឱកាសមហាជន ពិសេសមាតាបិតានាំបុត្រធីតា រីករាយទស្សនាសៀកកម្រ ក្នុងខែកុម្ភៈនេះ

បានផុស

១ ខែ មុន

នៅ

ថ្ងៃសុក្រ ៣ កុម្ភៈ ២០២៣

ដោយ

ជាឱកាសសម្រាប់មហាជនទូទៅ ពិសេស មាតាបិតា ដែលមានកូនតូចៗអាចទៅប្ដូរបរិយាកាស និងរីករាយជុំគ្រួសារទស្សនាការសម្ដែងសៀកដ៏កម្រ នៅ ២សប្ដាហ៍ខាងមុខ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការសម្តែងសៀកធ្វើឡើងចំនួន ២ថ្ងៃ គឺនៅថ្ងៃសៅរ៍ ទី១៨ ខែកុម្ភៈ ឆ្នាំ២០២៣ សម្ដែង២ដង លើកទី១ សម្ដែងនៅវេលាម៉ោង ៩:៣០ នាទីព្រឹក និង លើកទី២ សម្ដែងនៅម៉ោង ១៨:៣០ នាទីល្ងាច។ ចំណែកថ្ងៃអាទិត្យ ទី១៩ ខែកុម្ភៈ ឆ្នាំ២០២៣ មានការសម្ដែងតែមួយលើកទៅ គឺនៅវេលាម៉ោង ១៨:៣០ នាទីល្ងាច។

ចំពោះទីតាំងសម្ដែងនៅ មជ្ឈមណ្ឌលសិល្បៈសៀក និងទស្សនីយភាព ទល់មុខវិមានរដ្ឋសភា ឬនៅជាប់បណ្ណាគារ សន្តិភាព។ សិល្បករវ័យក្មេងមកពីសាលាសៀក នៃសាលាមធ្យមវិចិត្រសិល្បៈ នឹងសម្ដែងទស្សនីយភាពប្លែកៗជាច្រើន នាំឱ្យទស្សនិកជនកើតក្ដីសប្បាយរីករាយ រំភើប និងរន្ធត់។

គួរបញ្ជាក់ថា នៅពាក់កណ្តាលសតវត្សទី១៨ លោក ហ្វីលីពអាស់គ្លេយ (Philippe Astley) ជាជន ជាអង់គ្លេស បានប្រមូលសិល្បៈប្រភេទនេះមកសម្ដែងនៅរង្គមណ្ឌល (A mphithéàtre)។ បន្ទាប់មក នៅចុងសតវត្សទី១៨ លោក ហ្រ្វង់កូនី (Franconi) សញ្ជាតិបារាំងមានដើមកំណើត ជាជនជាតិអ៊ីតាលី បានសង់រោងមួយរៀបឆាករាងរង្វង់មូល ទំហំអង្គត់ផ្ចិត ១៣ម៉ែត្រសម្រាប់សម្ដែងសិល្បៈនេះ ជូនទស្សនិកជនទស្សនាជុំវិញ។ ហេតុដូចនេះហើយបានជាហៅសិស្បៈប្រភេទនេះថា “សៀក” (Cirque មានន័យថា រង្វង់) ដែលមានដើមកំណើតតាំងពីសម័យក្រិចបុរាណមកម្ល៉េះ។ រីឯពាក្យរង្វង់មូលក្នុងភាសាបារាំងថា “Cercle” ចំណែកភាសាអង់គ្លេសថា “Circle”។

ចំពោះប្រទេសកម្ពុជា សម្បូរធនធានមនុស្សប្រកបដោយទេពកោសលសិស្បៈសៀកនេះដែរ។ រូបចំលាក់នៅប្រាសាទបាយ័ន ព្រលានជល់ដំរី និងព្រលានស្តេចគំលង់ ជាភស្តុតាងបញ្ជាក់ថា ខ្មែរមានសិស្បៈសៀកនេះជាយូរយារណាស់មកហើយ។

នៅសតវត្សទី២០ គេបានចែកសិស្បៈសៀកជា ៨ ឯកទេសគឺ ឯកទេសលំនឹង ត្រែះ អត្តពលកម្ម កាយសម្ព័ន្ធ ការបង្ហាត់សត្វ កំប្លែង រហស្សកម្ម និងអាក្រូបាត (ការដើរលើចុងជើង ហក់ឡើងទៅលើ)។ ក្នុងចំណោមឯកទេសទាំងអស់នេះបានស្ថិតស្ថេរ និងរស់នៅជិតស្និតនឹងប្រជារាស្រ្តខ្មែរដូចជាពាក្យសាមញ្ញថា សិស្បៈឆ្ពិនភ្នែកប្រភេទនេះគេចាត់ចូលក្នុងឯកទេសរហស្សកម្ម៕

អត្ថបទ៖ ច័ន្ទ វីរៈ