គ្រូពេទ្យជំនាញសើស្បែក ប្រាប់ផលិតផលថែរក្សាសម្រស់ ៣ មុខ ទិញនាំតែខាតលុយ

វេជ្ជបណ្ឌិត Mia Jing Gao អ្នកប្រឹក្សាស្បែកមកពីទីក្រុងឡុងដុងនៃចក្រភពអង់គ្លេសបានចែករំលែកថា មិនគួរទិញផលិតផល ៣ មុខនេះទេនាំតែខាតលុយឥតប្រយោជន៍ ៖

១. ផលិតផលខូឡាជែន 

ផលិតផលខូឡាជែនអាចមានតម្លៃចាប់ពី ២០ ដុល្លារទៅ ១០០ ដុល្លារឯណោះដែលមនុស្សចូលចិត្តទិញប្រើព្រោះជឿតាមពាក្យឃោសនារបស់អ្នកលក់ ។ យោងតាមការសិក្សាបានឲ្យដឹងថាខូឡាជែនអាចជួយធ្វើឲ្យប្រសើរឡើងនូវភាពចល័តនៃសន្លាក់ប៉ុណ្ណោះ ហើយមិនសូវមានប្រសិទ្ធភាពអ្វីផ្សេងលើសពីនេះទេ ។

២. ម៉ាស LED 

យើងប្រហែលជាធ្លាប់ឃើញម៉ាសបែបនេះលក់តាមបណ្ដាញសង្គមក្រោមតម្លៃខ្ពស់និងធ្លាប់ឮពីការឃោសនាថាវាមានច្រើនពណ៌តម្រូវតាមប្រភេទស្បែកមុខ សូម្បីតែម៉ាស LED ទំនើបៗនៅក្នុងគ្លីនិកថ្លៃក៏មិនសូវជាផ្ដល់ប្រសិទ្ធភាពដែរ ។

៣. ថូនន័រ

ថូនន័រជាទឹកជូតឬតប់នៅក្នុងជំហានថែរក្សាមុខ ជាក់ស្ដែងវាមិនមែនជាផលិតផលចាំបាច់សម្រាប់យើងទេ ។ ការថែរក្សាមុខត្រូវការត្រឹមតែផលិតផល ៣-៤ ប្រភេទដូចជា ហ្វូម ឡេផ្ដល់សំណើម និងឡេការពារកម្ដៅថ្ងៃ ។

មុនប្រើផលិតផលណាមួយដែលប៉ះពាល់រាងកាយ អ្នកគួរសាកសួរគ្រូពេទ្យជំនាញឲ្យច្បាស់សិនសឹមប្រើដើម្បីទទួលនូវប្រសិទ្ធភាព និងសុវត្ថិភាព ៕

ប្រែសម្រួល ៖ វារី

ចុចអាន ៖ ពេទ្យសើស្បែកចែករំលែកបទពិសោធន៍ ៥ ចំណុចមិនគួរធ្វើ ដើម្បីស្បែកស្អាតនិងចំណាយតិច