មកដឹងកាន់តែច្បាស់ ពីភាពជាប់នៃទឹកអប់ទាំង ៥ កម្រិត

ទឹកអប់មានច្រើនម៉ាកច្រើនក្លិនសម្រាប់ជ្រើសរើសតាមតម្រូវការ ក្រៅពីនេះវាក៏មានច្រើនកម្រិតនៃភាពជាប់ដែលកាន់តែជាប់កាន់តែថ្លៃទោះបីក្លិនដូចគ្នាក៏ដោយ ។ ខាងក្រោមជាសេចក្ដីលម្អិតពីភាពជាប់នៃទឹកអប់ទាំង ៥ កម្រិត ៖

១. ស្ព្រៃយ៍បាញ់ខ្លួន 

ពេញនិយមចំពោះយុវវ័យដោយសារតម្លៃថោក ក្លិនគួរឲ្យស្រលាញ់ ដបស្អាត ជាពិសេសចំណុះច្រើន ។ ទោះបីវាមិនសូវជាប់តែអ្នកប្រើអាចបាញ់ច្រើនមិនស្ដាយលុយទេ ជាពិសេសក្លិនស្រាលមិនឈឺក្បាលទៀតផង ។

២. Eau de toilette ឬ EDT

ជាទឹកអប់ផ្ទុកមេក្លិនពី ៥ ទៅ ១៥ ភាគរយហើយតម្លៃធូរថ្លៃជាង EDP ភាគច្រើនវាជាប់បានតែ ៣-៤ ម៉ោងប៉ុណ្ណោះ ។ EDT ជាជម្រើសល្អបំផុតសម្រាប់រដូវក្ដៅ ឬ មនុស្សចាញ់ក្លិនធ្ងន់ ។

៣. Eau de parfum ឬ EDP 

ទឹកអប់កម្រិត EDP មួយដបផ្ទុកមេក្លិនពី ១៥ ទៅ ២០ ភាគរយ ៨០ ភាគរយទៀតគឺជាទឹក និងអាល់កុល ។ ទឹកអប់ប្រភេទនេះជាប់ដល់ទៅ ៨ ម៉ោងឯណោះ ល្អបំផុតសម្រាប់ស្បែកងាយប្រតិកម្មហើយចង់ជាប់យូរ ។

៤. Parfum

Parfum ជាពាក្យមកពី Perfume មានន័យថាទឹកអប់វាមានមេក្លិន ២០ ទៅ ៣០ ភាគរយ ប៉ុន្តែក្លិនធ្ងន់ងាយអាឡ័កស៊ី ឬធ្វើឲ្យអ្នកហិតឈឺក្បាលវិលមុខជាដើម បើភាពជាប់វិញគឺប្រហែល ១ ថ្ងៃពេញ ។

៥. ប្រេងទឹកអប់

ជម្រើសលេខមួយសម្រាប់អ្នកមានស្បែកងាយប្រតិកម្មព្រោះប្រេងទឹកអប់មិនមានសារធាតុគីមីទេ វាផ្ទុកតែប្រេងដែលចម្រាញ់ចេញពីធម្មជាតិប៉ុណ្ណោះ ចំណែកភាពជាប់វិញអាចហក់ទៅដល់ ២ ថ្ងៃក៏មាន ។

ការជ្រើសរើសទឹកអប់គឺជារឿងពិបាកជាងអ្វីដែលអ្នកគិត ដូច្នេះយើងគប្បីសាកសួរពីអ្នកប្រើទឹកអប់មានបទពិសោធន៍ច្រើនទើបងាយស្រួល ៕

ប្រែសម្រួល ៖ វារី

ប្រភព​ ៖ TheList

ចុចអាន ៖ ប្រមូលយីហោ​ទឹកអប់ថ្លៃកប់ពពកទាំង ១០ លើលោក​

ចុចអាន ៖ កំពូលទឹកអប់ ១០ ក្លិន ជាប្រេនរបស់តារាល្បីៗ ដែលលក់ដាច់បំផុត