ស្ត្រីម្នាក់ច្រឡំញ៉ាំនំស្រួយរូបបេះដូង Walkers ឈ្នះរង្វាន់ជិត ១២ ម៉ឺនដុល្លារ ចូលទៅក្នុងពោះបាត់

ស្ត្រីម្នាក់ឈ្មោះ Dawn Sagar មកពី Oswestry នៅក្នុងស្រុក Shropshire ប្រទេសអង់គ្លេសបានប្រទះឃើញនំស្រួយរូបបេះដូងក្នុងកញ្ចប់នំម៉ាក Walkers ready salted ដែលកំពុងមានកម្មវិធីស្វែងរកជ័យលាភីអ្នកឈ្នះនំរូបបេះដូងស្អាតជាងគេដើម្បីទទួលរង្វាន់ ១០ ម៉ឺនផោន ឬ ជិត ១២ ម៉ឺនដុល្លារ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពេលនោះជាម៉ោងសម្រាកពីការងារ Sagar ក៏ហែកកញ្ចប់នំដើម្បីញ៉ាំ ដោយសារឃើញរូបបេះដូងស្អាតពេកនាងក៏ថតផ្ញើរវាទៅអ្នកជុំវិញខ្លួនតំណាងឲ្យក្ដីស្រលាញ់ ឃើញរូបភ្លាមមិត្តភ័ក្តិនាងតបបែបភ្ញាក់ផ្អើលថា “អ្នកមិនទាន់ញ៉ាំទេឬ?” ប៉ុន្តែសំណាងមិនដល់ Sagar ដាក់ចូលមាត់បាត់ ។

បន្ទាប់ពីដល់ម៉ោងចូលធ្វើការវិញមិត្តរួមការងាររបស់នាងបានប្រាប់ថា “វាជានំរូបបេះដូង” Sagar ស្រាប់តែដឹងខ្លួនទៅស្រាវជ្រាវមើលក្នុង Google ទើបដឹងថាហួសពេលហើយ ។ 

ម៉ាក Walkers ធ្លាប់បញ្ជាក់ថា “ដើម្បីបើកប្រាក់រង្វាន់នំដែលឈ្នះត្រូវទុកជាភស្តុតាង មិនអាចញ៉ាំបានទេ” ទន្ទឹមនេះអ្នកតំណាងឲ្យក្រុមហ៊ុនបានចូលរួមសោកស្ដាយចំពោះការបាត់បង់ផងដែរ ៕ 

ប្រែសម្រួល ៖ វារី

ប្រភព ៖ BBC

ចុចអាន ៖ ប្ដីប្រពន្ធប្ដូរភេទល្បីនៅ ឥណ្ឌា កំពុងមានកូនក្នុងពោះ

ចុចអាន ៖ ស្ត្រីម្នាក់កើតជំងឺកាមរោគ ដោយសាររបួសដៃពេលធ្វើក្រចក