សេរ៉ូមវីតាមីន C ល្អបំផុត ៥ ប្រភេទ ណែនាំដោយអ្នកជំនាញ

វីតាមីន C ជាគ្រឿងផ្សំពេញនិយមបំផុតនៅក្នុងគ្រឿងសម្អាង វាមានតួនាទីការពារស្បែក ការពារពន្លឺព្រះអាទិត្យ បំបាត់ស្នាមអុជខ្មៅ ជ្រួញ និងមុខស្រអាប់ ។ ខាងក្រោមនេះជាសេរ៉ូមវីតាមីន C ល្អបំផុត ៥ ប្រភេទណែនាំដោយអ្នកជំនាញ ៖

១. SkinCeuticals តម្លៃ ១៨២ ដុល្លារ

គ្រឿងផ្សំនៅក្នុងសេរ៉ូមមានអាស៊ីដ L-ascorbic ១៥ ភាគរយ និងការលាយបញ្ចូលគ្នានៃសារធាតុប្រឆាំងអុកស៊ីតកម្មបន្ថែមដែលជួយការពារ ធ្វើឲ្យរលោង និងភ្លឺថ្លាសាកសមនឹងតម្លៃ ។

២. Hyper តម្លៃ ៥៨ ដុល្លារ

សេរ៉ូមមួយនេះមានវីតាមីន C ១៥ ភាគរយ រួមនឹងអាស៊ីដ kojic ដែលល្អសម្រាប់បំបាត់ស្នាមអុជខ្មៅ ។

៣. Maelove តម្លៃ ៥០ ដុល្លារ

វាមានគ្រឿងផ្សំស្រដៀងផលិតផល Skinceuticals ដូចជា អាស៊ីដ L-ascorbic ១៥ ភាគរយ, វីតាមីន E, និងអាស៊ីដ ferulic ក្នុងតម្លៃសមរម្យជាង ។ 

៤. Drunk Elephant តម្លៃ ៨០ ដុល្លារ

គ្រឿងផ្សំក្នុងសេរ៉ូមនេះមាន អាស៊ីដ L-ascorbic ១៥ ភាគរយ, វីតាមីន E, និងអាស៊ីដ ferulic ដែលជួយប្រឆាំងអុកស៊ីតកម្ម ការពារ ធ្វើឲ្យស្បែកភ្លឺថ្លាម៉ត់រលោង ។

៥. Veracity តម្លៃ ៥៥ ដុល្លារ

រូបមន្តនេះត្រូវបានជំរុញដោយ garland Lily Extract ដែលការពារស្បែកពីកាំរស្មីយូវី និងពន្លឺពណ៌ខៀវ ហើយវាមានផ្ទុកអាស៊ីត hyaluronic ដើម្បីផ្តល់សំណើមយ៉ាងជ្រៅសម្រាប់ស្បែកភ្លឺថ្លា ជាពិសេសមានសុវត្ថិភាពចំពោះស្ត្រីមានផ្ទៃពោះ ឬបំបៅដោះកូន ។

គួររំលឹកដែរថាសេរ៉ូមវីតាមីន C ចាំបាច់ត្រូវរក្សាទុកនៅក្នុងទូទឹកកក បើមិនដូច្នោះទេប្រាកដជាខូចគុណភាពមិនខាន ៕

ប្រែសម្រួល ៖ វារី

ចុចអាន ៖ គុណសម្បត្តិ​វីតាមីន C ៥ ចំណុច ល្អចំពោះសម្រស់និងសុខភាព