សុខភាព

អាហារ ៥ មុខ មិនមានរសជាតិជូរ ប៉ុន្តែផ្ទុកវីតាមីន C ខ្ពស់មិនធម្មតា

បានផុស

១ year មុន

នៅ

ថ្ងៃអង្គារ ៣ ឧសភា ២០២២

ដោយ

មានមនុស្សជាច្រើនចូលចិត្តផឹកទឹកក្រូចឆ្មា ឬទឹកក្រូច ព្រោះមានវីតាមីន C ខ្ពស់។ ប៉ុន្តែមានផ្លែឈើ និងបន្លែ៥មុខផ្សេងទៀត ដែលមានវីតាមីន C ច្រើនជាងផ្លែក្រូចទំហំមធ្យមមួយ។

១ ម្ទេសប្លោក

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ម្ទេសប្លោកមិនត្រឹមតែជួយបង្កើនរសជាតិអាហារ ជាមួយនឹងពណ៌គួរឲ្យចង់ញ៉ាំប៉ុណ្ណោះទេ តែក៏ជាបន្លែដែលមានជាតិកាបូអ៊ីដ្រាតទាបផងដែរ។ ម្ទេសប្លោកក្រហមមួយពែង មានផ្ទុកវីតាមីនC ប្រហែល ១៩០មីលីក្រាម ដែលជាចំនួនបីដងនៃផ្លែក្រូច។ ម្ទេសលឿងមួយពែងផ្តល់វីតាមីនC ១៥៥ មីលីក្រាម ខណៈម្ទេសបៃតងមួយពែងផ្តល់តិចជាងបន្តិច គឺប្រហែល ១២០មីលីក្រាម វាខ្ពស់ជាងទឹកក្រូចមួយកែវ ៣០% ម្ទេសប្លោកក៏ជាប្រភពដ៏ល្អនៃវីតាមីន A និងជាតិសរសៃដែលមានប្រយោជន៍ដល់រាងកាយ និងជួយការពារជំងឺផ្សេងៗជាច្រើនទៀត។

២ ផ្លែល្ហុង

១០០ក្រាមនៃផ្លែឈើផ្អែមឆ្ងាញ់នេះ ផ្តល់ ៧០ មីលីក្រាមនៃវីតាមីន C មិនថាបរិភោគជាបំណែក ឬលាយចូលទៅក្នុងភេសជ្ជៈ ផ្លែល្ហុងក៏មានផ្ទុកនូវជាតិសរសៃអាហារ និងវីតាមីន A ផងដែរ។ បើញ៉ាំរាល់ថ្ងៃ វានឹងជួយឲ្យស្បែករបស់អ្នកភ្លឺ កាត់បន្ថយរោគសញ្ញានៃប្រហោងឆ្អឹង ជួយឲ្យសក់ និងឆ្អឹងរបស់អ្នករឹងមាំ ក៏ដូចជាជួយឲ្យប្រព័ន្ធរំលាយអាហារដំណើរការល្អផងដែរ។

៣ ខាត់ណា ឬពពួកបន្លែបៃតង

ខាត់ណាត្រូវបានគេស្គាល់ថា ជាមហាក្សត្រីនៃបន្លែស្លឹកបៃតង។ ខាត់ណាមួយពែងមានផ្ទុកវីតាមីនC ៨០.៤ មិល្លីក្រាម។ វាក៏មានអាស៊ីតខ្លាញ់សំខាន់ៗនិងសារធាតុរ៉ែជាច្រើន ហើយវាមានរហូតដល់ទៅ ៧ដងនៃបរិមាណវីតាមីន K ដែលបានណែនាំ និងវីតាមីន A ច្រើនជាង២ ដងនៃការទទួលទានប្រចាំថ្ងៃដែលបានណែនាំ។ លើសពីនេះ ខាត់ណា២ពែងមានសារធាតុប្រឆាំងអុកស៊ីតកម្ម ១៥០ មិល្លីក្រាម និងប៉ូតាស្យូមប្រហែល ៧០០ មីលីក្រាម និងជាតិសរសៃ ៧ ក្រាម អ្នកអាចស្វែងរកប្រភពវីតាមីន C ដ៏ល្អនៅក្នុងបន្លែស្លឹកបៃតងខ្មៅផ្សេងទៀតដូចជា ស្ពៃខ្មៅ ១០០ ក្រាម វីតាមីន C ២៨.១ មិល្លីក្រាម ប្រទាលកន្ទុយក្រពើ ១០០ ក្រាម ផ្តល់វីតាមីនC ៥៥ មិល្លីក្រាម។

៤ ពពួកផ្លែប៊ឺរី

ប៊ឺរី មានវីតាមីន C ៩៨ មីលីក្រាមក្នុងមួយពែង ដែលស្មើនឹងបរិមាណវីតាមីន C ក្នុងផ្លែក្រូចមធ្យមមួយ។ វាផ្តល់វីតាមីន C ៥៤ភាគរយផ្លែបឺរី ៥០ភាគរយ និងប៊្លូបឺរី ផ្តល់ ២៤ភាគរយនៃបរិមាណវីតាមីន C ប្រចាំថ្ងៃដែលបានណែនាំ។ ដើម្បីទទួលបានសារធាតុល្អបំផុត ផ្លែប៊ឺរីទាំងនេះ គួរត្រូវបានបរិភោគស្រស់ ឬ អាចត្រូវបានលាយចូលទៅក្នុងទឹកផ្លែឈើឬទឹកក្រឡុក។ ប្រសិនបើវាជាផ្លែឈើកែច្នៃ នោះនឹងមានតម្លៃអាហារូបត្ថម្ភតិចជាង ។

៥ ប្រូខូលី

ចុងក្រោយបន្លែប្រភេទ cruciferous ដ៏ឆ្ងាញ់នេះ មានផ្ទុកវីតាមីនC ៨៩.២ មីលីក្រាមក្នុង ១០០ ក្រាម និងជាប្រភពដ៏ល្អនៃជាតិសរសៃអាហារ ដែលការពារការទល់លាមក និងមានលក្ខណៈសម្បត្តិការពារមហារីក។ អ្នកក៏អាចរកឃើញប្រភពវីតាមីន C ដ៏ល្អនៅក្នុងបន្លែ cruciferous ផ្សេងទៀតផងដែរ។

បន្ថែមពីលើផ្លែក្រូច និងផ្លែក្រូចផ្សេងទៀត អ្នកក៏មានជម្រើសទាំងនេះ ដែលវាជាប្រភពនៃវីតាមីន C អាចត្រូវបានបន្ថែមទៅអាហារប្រចាំថ្ងៃរបស់អ្នក៕

ប្រែសម្រួល៖ សាង ស្រីល័ក្ខ

ចុចអាន៖ប្រភពអាហារទាំង ៩ ដែលសម្បូរទៅដោយ វីតាមីន D ជួយឆ្អឹងឱ្យរឹងមាំ

ចុចអាន៖សរីរាង្គសំខាន់ៗចំនួន ៥ នឹងខូចខាតធ្ងន់ធ្ងរ ប្រសិនបើបរិភោគមិនប្រុងប្រយ័ត្ន