សុខភាព

គុណសម្បត្តិវីតាមីន C ៥ ចំណុច ល្អចំពោះសម្រស់និងសុខភាព

បានផុស

៣ years មុន

នៅ

ថ្ងៃសុក្រ ២ កញ្ញា ២០២២

ដោយ

យើងដឹងរួចមកហើយថា វីតាមីនស៊ីជាប្រភេទវីតាមីនដែលរាងកាយមនុស្សមិនអាចផលិតបាន ដូចសារធាតុផ្សេងៗ ដូច្នេះគេតម្រូវឲ្យយើងទទួលវាតាមរយៈម្ហូបអាហារនិងគ្រឿងសម្អាង។ វីតាមីនស៊ីមានច្រើនទម្រង់សម្រាប់មនុស្សប្រើប្រាស់ដូចជា ម្សៅ គ្រាប់ ទឹក សេរ៉ូម និងគ្រីមជាដើម។ ខាងក្រោមនេះជា គុណសម្បត្តិវីតាមីនស៊ីទាំង ៥ ចំណុចដែលយើងគួរដឹង៖

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១. កាត់បន្ថយការឈឺផ្ដេសផ្ដាស

វីតាមីនស៊ីល្អបំផុតដើម្បីពង្រឹងប្រព័ន្ធភាពផ្សាំ ដោយសារតែវាមានសារធាតុប្រឆាំងអុកស៊ីតកម្ម ឬរ៉ាឌីកាល់សេរី។

២. ជួយទប់ទល់ជំងឺលើសឈាម

វាធ្វើឲ្យសម្ពាធឈាមយើងធ្លាក់ចុះក្នុងកម្រិតសុវត្ថិភាពមួយ។

៣. កាត់បន្ថយហានិភ័យជំងឺបេះដូង

ការសិក្សាមួយបញ្ជាក់ថា វីតាមីនស៊ីអាចកាត់បន្ថយកូលេស្តេរ៉ូលអាក្រក់បានយ៉ាងល្អ។

៤. បង្កើនប្រសិទ្ធភាពឡេការពារកម្ដៅថ្ងៃ

គេពិសោធន៍ទៅលើផ្លែប៉ោមឃើញថា ផ្លែប៉ោមដែលលាបវីតាមីនស៊ីនៅស្រស់ជាងផ្លែប៉ោមដែលអត់លាប មានន័យថាវាជួយការពារស្បែកយើងឲ្យភ្លឺមិនងាយប្រតិកម្មជាមួយបរិយាកាសខាងក្រៅ។

៥. ជួយបង្កើតខូឡាជេន

រាងកាយមនុស្សមានខូឡាជេនស្រាប់ហើយ គ្រាន់តែការផលិតនឹងថយចុះទៅតាមវ័យ ចំណែកឯវីតាមីនស៊ីវិញជួយក្នុងការផលិតខូឡាជេនបានល្អមែនទែន អាស្រ័យហេតុនេះហើយការប្រើប្រាស់វីតាមីនស៊ីពិតជាសំខាន់ជាងផលិតផលខូឡាជែន។

សូមបញ្ជាក់ដែរថា វីតាមីនស៊ីមិនអាចប្រើប្រាស់លើស្បែកទន់ខ្សោយបានទេ ជាពិសេសស្បែកកំពុងរោលខ្សោយឬឡើងមុនខ្លាំង ចំណែកឯសារធាតុដែលមិនអាចលាយជាមួយវីតាមីនស៊ីបានមានដូចជា Retinol និង AHA BHA ជាដើម៕

ប្រែសម្រួល៖វារី