Connect with us

KPT+

ព្រឹកនេះ ជីវិតអ្នកផ្លាស់ប្តូរហើយក្រោយពេលអានអត្ថបទខាងក្រោម!

បានផុស

នៅ

ចាប់ផ្តើម​​ថ្ងៃ​ថ្មី​មួយទៀតហើយ! ស្នាមញញឹមមិនគិតថ្លៃទេ ប្រើវាដោយប្រាជ្ញាចុះ ព្រោះ​ជា​របស់មួយ​ដែលយើងអាចផលិតបានហើយជួយធ្វើឱ្យមនុស្សដទៃ​រួមទំាង​ខ្លួនយើងផងបានសុខសាន្ត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពេលព្រឹកគឺជាផ្នែកដ៏អស្ចារ្យបំផុតនៃថ្ងៃនីមួយៗ អ្នកណាក្រោកបានមុន អ្នកចាប់ផ្តើមមុនអ្នកនោះក៏នឹងបានទទួលលាភពរពីផែនដីមកពេញដៃ គឺ ថាមពលវិជ្ជមាន។ ចង់ប្រើពេលវេលា២៤ម៉ោងនេះប្រកបដោយប្រសិទ្ធិភាព និងស្រូបយកថាមពលវិជ្ជមានច្រើ់នៗ ធ្វើតាមវិធីទំាង​ប៉ុន្មាន​ខាងក្រោមធានា ថាគ្រប់គ្នានឹង​មិនស្តាយពេលវេលា​ទេ៖

 ១ រក្សាភាពវិជ្ជមាន

ចូររំពឹងថា មានតែរឿងអស្ចារ្យដែលនឹងកើតឡើងចំពោះយើង។ នៅរាល់ពេល​ព្រឹកព្រាង ទៀងសូរិយា ដែលព្រះអាទិត្យរះឡើង យើងសង្កេតមើលចុះ រាល់ស្រទាប់ផ្កា និងដើមឈើ ស្លឹកឈើ ឧទ្យាន នានា ផ្ទៃទឹក សត្វស្លាប ពេញប្រៀបទៅដោយភាពស្រស់បំព្រង ហេតុម្តេចយើងមិនឆ្លៀតធ្វើចិត្ត​យើងឱ្យស្រស់បំព្រងដែរទៅ? មានអ្នកណាគិតលុយ?

២ ដឹងគុណផែនដី

ក្រឡេកមើលចំណុចវិជ្ជមានទាំងអស់ក្នុងជីវិតរបស់យើង ដឹងគុណ​ផែនដីដែលធ្វើឱ្យយើងរស់នៅសុខសាន្តបានដល់ពេលនេះ អរគុណគ្រួសារ និងគុណសម្បត្តិផ្ទាល់ខ្លួន សប្បាយចិត្តចំពោះរូបរាងនិងសុខភាព​ដ៏ល្អមាំទាំរបស់យើង ចាប់ផ្តើម​រស់នៅដោយអំណរសាទរពេញចិត្ត​អ្វីដែលខ្លួនឯងមាន​។ ដាំំដើមឈើ ស្រោចផ្កា និងសំអាតផ្ទៃបរិវេណនានា។

៣ តុបតែងជីវិត

រើរកខោអាវពណ៌ល្អៗ មិនអាប់អួរ មិនសៅហ្មង មកប្រើលើរូបរាងដ៏សកម្មក្លៀវក្លារបស់យើង។ ភាពស្អាត​របស់យើង សម្រេចលើចិត្ត​យើងកំណត់។ ធ្វើអ្វីដែលជាការគោរពខ្លួនឯងនិងអ្នកដទៃ កុំយកគំនិត​អ្នកណាផ្សេងមកគ្របសង្កត់លើបេះដូងស្រស់ស្រាយរបស់យើង។

៤ ប្រាប់គ្រួសារថាយើងស្រឡាញ់ពួកគេ

រៀបភេសជ្ជៈឬអាហារ​ជូនមនុស្សដែលយើងស្រលាញ់ ញាំជាមួយគ្នាកាន់តែប្រសើរ កុំឱ្យអ្វីផ្សេងមាន​អទិភាព​ជាងពួកគេ បើពួកគេនៅឆ្ងាយ ឆាប់ផ្ញើសារភ្លាម​ថា Good Morning I miss you។

៦ ទំនុកចិត្តដ៏អស្ចារ្យ

ងូតទឹក រក្សាអនាម័យ សក់ដល់ចុងជើង ក្លិនខ្លួន និង​ស្លៀកសម្លៀកបំពាក់ដែលធ្វើឱ្យយើងតែងតែចង់សំឡឹងខ្លួនឯងដោយមោទកភាព និងពើងទ្រូងក្នុងពេលទៅជួបមនុស្សម្នាមុនពេល​យើង​ចេញទៅក្រៅដើម្បីយកឈ្នះពិភពលោក។

៧ បំភ្លេចរឿងម្សិល

មិនថាម្សិលមិញ ឈឺផ្សារយ៉ាងណា​ មានទុក្ខកម្រិតណា វាផុតទៅហើយ។ ថ្ងៃនេះជាថ្ងៃថ្មី។ កុំនាំរឿងដដែលមកខាតបង់ពេលវេលាបន្ថែមរបស់យើង ព្រោះវាមានតម្លៃណាស់។ រៀនអភ័យ ហើយបំភ្លេច។ មិនដែលមាន​ការចងចាំអវិជ្ជមានបង្កើតបានថ្ងៃថ្មីវិជ្ជមាន​ទេ។

៨ ចាប់យកឱកាស

កុំរង់ចាំសុភមង្គល ក្រោកវឹង រួសរាន់ ហើយ​ចេញទៅក្រៅស្វែងរកវា។ បង្កើនការនិយាយ ស្តាប់ ទំនាក់ទំនង ផ្លាស់ប្តូរការប្រព្រឹត្តិ ដើម្បីនឹងចាប់​យក​ឱកាសថ្មីរបស់អ្នកបន្តទៅមុខទៀត។

៩ ផ្តល់ជំនួយ

អ្នកខ្សត់យ៉ាងណា​ក៏គង់តែអាចជួយអ្នកណាផ្សេងម្នាក់ទៀតបានដែរ ប្រសិនមានសទ្ធា។ ជួយមនុស្ស បរិច្ចាគ ផ្តល់ឱកាស និងរៀនអភ័យទោស។ ប្រសិនធ្វើបានអ្នករស់ដល់កម្រិតដ៏រីករាយបំផុតនៅក្នុងជីវិតមនុស្ស​ហើយ៕


អត្ថបទ៖ ឡាហ្សូលី

ចុចអាន៖ រឿងតូចៗ ១១ យ៉ាងអាចធ្វើឲ្យជីវិតស្រស់ស្អាតនិងមានក្ដីសុខ

ចុចអាន៖ កុំកំណាញ់! ឧស្សាហ៍ញញឹមផ្ដល់គុណប្រយោជន៍ច្រើនយ៉ាងណាស់ដល់អ្នក

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

បច្ចេកវិទ្យា១០ ម៉ោង មុន

សែលកាត មានវត្តមានក្នុងការបង្ហាញពីសមត្ថភាពលើផ្នែកឌីជីថលរបស់ខ្លួន ក្នុងទិវាជាតិ វិទ្យាសាស្រ្ត បចេ្ចកវិទ្យា និងនវានុវត្តន៍ (STI) លើកទី២

ព័ត៌មានជាតិ១០ ម៉ោង មុន

សម្តេច ម៉ែន សំអន៖ កត្តាសន្តិភាពបាននាំមកនូវការរីកចម្រើនទាំងវិស័យពុទ្ធចក្រ និងអាណាចក្រ

ព័ត៌មានជាតិ១១ ម៉ោង មុន

ព្រឹកស្អែក សម្ដេចធិបតី ហ៊ុន ម៉ាណែត នឹងដឹកនាំគណៈប្រតិភូទៅបំពេញទស្សនកិច្ចផ្លូវការ នៅប្រទេស​ឡាវ

សេដ្ឋកិច្ច១១ ម៉ោង មុន

មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ

ព័ត៌មានជាតិ១២ ម៉ោង មុន

ឯកឧត្តម ហ៊ុន ម៉ានី អញ្ជើញប្រគល់ផ្ទះជាអំណោយរបស់សម្ដេចតេជោ និងសម្តេចកិត្តិព្រឹទ្ធបណ្ឌិត ជូនក្រុមគ្រួសារយុវជន អន ផានិត

Sokha Hotels

ព័ត៌មានពេញនិយម