KPT+
៥ យ៉ាង ជួយកូនៗឲ្យចេះដោះស្រាយសម្ពាធនៅសាលារៀន
សម្ពាធរបស់កូនៗ ជាបញ្ហាធំមួយ ដែលឪពុកម្ដាយសម័យឌីជីថលគួរប្រុងប្រយ័ត្ន ព្រោះកុមារតូចៗងាយរងហានិភ័យខ្ពស់។ ភាពព្រងើយយូរៗទៅ អាចខូចបង់ដល់អនាគតពួកគេបានទាំងស្រុង។
នេះជាគម្រូ ៥ យ៉ាងជួយកូនៗឲ្យចេះដោះស្រាយបញ្ហានៅសាលារៀន ពេលពួកគេចូលរៀន ៖
១. គ្រប់គ្រងការថប់បារម្ភផ្ទាល់ខ្លួនជាមុនសិន
ឪពុកម្ដាយដែលមានអារម្មណ៍ធុញថប់ រមែងមានទំនោរធ្វើឲ្យកូនៗមានអារម្មណ៍ថប់បារម្ភទៅជាមួយដែរ។ ក្នុងនាមជាឪពុកម្ដាយ អ្នកគួររៀនគ្រប់គ្រងខ្លួនឯងជាមុនសិន ទើបអាចធ្វើជាគម្រូសម្រាប់កូនៗបាន។
២. ព្យាយាមយល់អារម្មណ៍កូន
ឪពុកម្ដាយមួយចំនួនយល់តែអារម្មណ៍ខ្លួនឯង ជាជាងគិតដល់កូន ថាពួកគេគិតអី? ចង់បានអី ឬត្រូវការអី? សូមស្វែងយល់ជាមួយកូនថា តើពួកគេមានអារម្មណ៍យ៉ាងណាដែរ? ចៀសវាងការសន្និដ្ឋានថា ពួកគេគ្មានការថប់បារម្ភឬព្រួយបារម្ភតិចតួច។
អាចព្យាយាមនិយាយជាមួយកូនថា “មនុស្សជាច្រើនអាចតែងមានថប់បារម្ភ រំភើប ភ័យជាដើម អំពីឆ្នាំសិក្សារបស់ខ្លួន។ តើកូនមានអារម្មណ៍យ៉ាងណា? ”
ចៀសវាងអ្វីដែលបង្ហាញថា ពួកគេមិនគួរមានអារម្មណ៍បែបនោះ ឬអារម្មណ៍របស់ពួកគេមិនសំខាន់។ល។
៣. កុំបណ្ដោយឱ្យគេឯកា
រឿងសំខាន់មួយ ដែលប៉ាម៉ាក់ត្រូវធ្វើដាច់ខាត គឺកុំបណ្ដោយឱ្យកូនទទួលអារម្មណ៍ឯកា ទាំងដែលពួកគេមិនកំព្រាផង។
គាំទ្រពួកគេ ហើយនៅក្បែរបំពេញសេចក្ដីត្រូវការ ព្រមទាំងលើកទឹកចិត្ត និយាយល្អៗ និងចំណាយពេលពេលឱ្យពួូកគេឱ្យបានច្រើនតាមដែលអាចធ្វើបាន។ មនុស្សជាច្រើនមិនថាក្មេងឬចាស់ សុទ្ធតែមានអារម្មណ៍ឯកោនៅពេលណាមួយដែលមនុស្សក្បែរខ្លួនមិនខ្វល់ខ្វាយ។
៤. បង្កើតផែនការជួយគាំទ្រកូន
មិនថាកូនរបស់យើងធ្លាប់មានកង្វល់ពីមុនឬអត់ទេ តែជាការសំខាន់ណាស់ដែលត្រូវរៀបផែនការជួយពួកគេបន្ថែម។
សកម្មភាពមួយចំនួនដូចជា ធ្វើសមាធិ ធ្វើកំណត់ហេតុ ឬនិយាយនៅពេលព្រឹកនិងក្រោយពេលចេញពីសាលារៀនជាមួយពួកគេ ដើម្បីឱ្យវាក្លាយជាទម្លាប់ប្រចាំថ្ងៃរបស់កូនៗ។ ទម្លាប់ទាំងនេះក៏ជាចំណែកមួយជួយឱ្យកូនរបស់អ្នក ចេះប្រើវានៅសាលាផងដែរ។
៥. បង្ហាញការអត់ធ្មត់
ប៉ាម៉ាក់គ្រប់គ្នាតែងមានការថប់បារម្ភ ហើយជួនកាលឆាប់ខឹង អារម្មណ៍ឯកោ ក៏ដូចជាធុញទ្រាន់នឹងទំនាក់ទំនងជាមួយមនុស្សដែលនៅជុំវិញខ្លួន និងសូម្បីតែកូនៗ។
ទោះយ៉ាងណា ធ្វើជាប៉ាម៉ាក់គេត្រូវរំលឹកខ្លួនឯងថា អ្នកជាគម្រូ និងជាបង្គោលសម្រាប់គ្រួសារ ក៏ជាអ្នកទទួលខុសត្រូវជីវិតពួកគេផងដែរ។ ដូច្នេះសូមបង្ហាញខ្លួនឯងនូវក្ដីមេត្តាករុណា និងការអត់ធ្មត់ ដើម្បីជាគម្រូល្អដល់កូនអ្នក៕
ប្រែសម្រួល៖ សាង ស្រីល័ក្ខ
ប្រភព៖ yourtango
ចុចអាន៖ អ្នកវិទ្យាសាស្ត្របកស្រាយអាថ៌កំបាំងក្នុងការរស់នៅមានសុភមង្គលពេលវ័យចំណាស់
ចុចអាន៖ ចិញ្ចឹមកូនតឹងរ៉ឹងពេក អាចជាមូលហេតុនាំឲ្យកូនចេះប្រើហិង្សា
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១៤ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ