KPT+

៧ចំណុច ជឿថាលែងស្ត្រេសពេលសម្ងំនៅផ្ទះ អំឡុងកូវីដកំពុងរាតត្បាត

បានផុស

៥ years មុន

នៅ

ថ្ងៃអង្គារ ២៣ មីនា ២០២១

ដោយ

Sonya

សម្ងំនៅផ្ទះគេចពីវីរុសកូវីដ ១៩ អាចជាពេលវេលាពិបាកបំផុតមួយ និងស្ត្រេសខ្លាំងថែមទៀត ហើយបើនិយាយដល់ព័ត៌មានរាប់ពាន់លើបណ្តាញសង្គម កាន់តែធ្វើឲ្យយើងមានអារម្មណ៍មិនល្អមិនខាន។ បើស្ត្រេសខ្លាំងម្លឹងៗ ហេតុអីមិនរកវិធីធ្វើឲ្យខ្លួនយើងសប្បាយចិត្តអំឡុងពេលនេះទៅ។ អត្ថបទនេះ “Hello គ្រូពេទ្យ” នឹងណែនាំតិចនិកខ្លះជួយយើងបំភ្លេចរឿងជំងឺកូរ៉ូណា និងអាចនៅផ្ទះដោយសប្បាយចិត្តបាន។

១- ចូលរួមថ្នាក់រៀនតាមអ៊ីនធើណេត

Premium Photo | Young asian woman working with computer in room

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អំឡុងពេលប្រទេសកំពុងប្រយុទ្ធជាមួយវីរុសកូវីដ ១៩ បណ្តាសាលារៀនទាំងអស់ ទាំងក្លិបហាត់ប្រាណ ត្រូវបានណែនាំឲ្យផ្អាកជាបណ្តោះអាសន្ន។ ប៉ុន្តែយើងក៏គួរតែអរគុណដល់អ៊ីនធើណេត ដែលនៅតែអាចជួយយើងរកបានថ្នាក់ហាត់ប្រាណ ឬរៀនជំនាញផ្សេងៗបានដដែល ហើយការទទួលបានចំណេញដឹងថ្មីៗ នឹងធ្វើឲ្យយើងមានអារម្មណ៍ល្អ បើទោះជាកំពុងជាប់ខ្លួននៅក្នុងផ្ទះក្តី។

បើរាងកាយយើងត្រូវការហាត់ប្រាណ ក៏មិនថ្វីដែរ ប្រហែលជាមានក្លិបហាត់ប្រាណខ្លះ អាចមានសេវាហាត់តាម Streaming Online ថែមទាំងមានគ្រូណែនាំពីវិធីហាត់ថែមទៀត។

នៅពេលយើងនៅតែមួយកន្លែងពេលមួយថ្ងៃ នឹងធ្វើឲ្យអារម្មណ៍ស្ត្រេសកាន់តែធ្ងន់ធ្ងរ ប៉ុន្តែបើយើងហាត់ប្រាណអំឡុងពេលនេះ អាចជួយកាត់បន្ថយបញ្ហាថប់បារម្ភយ៉ាងមានប្រសិទ្ធភាព។

២- ចាប់ផ្តើមធ្វើអ្វីមួយយើងចូលចិត្ត

Premium Photo | Asian woman in painting class

កាលពីមុនកូរ៉ូណាផ្ទុះ យើងអាចនឹងមិនបានធ្វើអ្វីដែលយើងចូលចិត្ត ខណៈចម្លើយគឺថា ដោយសារយើងមិនមានពេលគ្រប់គ្រាន់ធ្វើអ្វីដែលខ្លួនឯងចូលចិត្ត ឬអ្វីមួយល្អសម្រាប់ខ្លួនឯង។ បើអ៊ីចឹង ពេលនេះ ជាពេលល្អមួយ អាចចាប់ផ្តើមការងារយើងចង់ធ្វើបានហើយ ហើយរឿងយើងគួរតែធ្វើ អាចជាការបញ្ចេញស្នាដៃបែបសិល្បៈដូចជាគូររូប ឬសូនរូបជាដើម។

ការងារសូនរូប អាចជ្រើសយកកន្លែងណាមួយក្នុងផ្ទះយើងដើម្បីចាប់ផ្តើម ហើយគួរទិញឧបករណ៍គ្រប់យ៉ាងយើងគិតថា ត្រូវការប្រើប្រាស់អំឡុងពេលនេះ។

៣- លេងល្បែងផ្គុំរូប ឬហ្គេមផ្សេងៗ

វិធីសាស្ត្រល្អបំផុត ជួយយើងកុំឲ្យស្ត្រេសខ្លាំង ភ្លេចរឿងកូរ៉ូណាបាន អាចសាកល្បងល្បែងផ្គុំរូប ក៏ល្អដែរ។ មិនថាជាមួយអ្វីនោះទេ ល្បែងផ្គុំរូបអាចរំញោចអារម្មណ៍យើងខ្លាំង។ អាចស្វែងរកបានតាមហាងលក់ល្បែងលេង ហើយបើយើងចង់លេងហ្គេមប្រកួតជាមួយនរណាម្នាក់ ក៏លេងតាមទូរសព្ទកាន់តែទាក់ទាញទៀត។

៤- ចាប់ផ្តើមរៀនចម្អិនអាហារពិសេសៗ

Brits Practise Asian Cuisine as Coronavirus Keeps The Country on Lockdown | West Wales Chronicle : News for Llanelli, Carmarthenshire, Pembrokeshire, Ceredigion, Swansea and Beyond

ក្រៅពីផ្តោតសំខាន់កុម្មុងអាហារថ្មីៗ ស្រស់ៗតាមអនឡាញ គ្នាយើងក៏គួរចំណាយពេលខ្លះ គិតលើបន្លែស្រស់ៗទាំងនោះ អាចច្នៃជាអ្វីប្លែក រស់ជាឆ្ងាញ់ និងទាញទាក់ជាអាហាររាល់ដងយើងចម្អិន ក៏ជាវិធីសាស្ត្រមួយ ជួយឲ្យអារម្មណ៍យើងកាន់តែរីករាយផងដែរ។

៥- អានសៀវភៅ

Free Photo | Young asian woman reading books in the bedroom

គ្រប់ប្រភេទសៀវភៅទាំងអស់ សុទ្ធតែមានន័យរបស់វា ដែលអាចទាក់ទាញចំណាប់អារម្មណ៍យើង អានវារហូតទល់ចប់។

៦- ចាប់ផ្តើមបង្កើតសួនច្បារក្នុងផ្ទះ

There Is an Art to Isolation: Here's a Guide to Staying Centered | by Amber Gibson | ZORA

និយាយដល់ចំណុចនេះ គ្នាយើងអាចនឹងភ្ញាក់ផ្អើលបន្តិច ប៉ុន្តែវិធីសាស្ត្រល្អបំផុត ដើម្បីធ្វើឲ្យយើងសប្បាយចិត្ត គឺជាមើលថែអ្វីមួយ មិនមែនជាខ្លួនយើង។ ក្នុងន័យនេះ ក៏ជាឱកាសល្អបំផុតសម្រាប់យើង បង្កើតសួនស្រស់ស្អាតមួយនៅក្នុងផ្ទះ ដោយចាប់ផ្តើមដាំរុក្ខជាតិស្អាតៗ តូចៗ តាមចំណង់ចំណូលចិត្ត ហើយធ្វើឲ្យផ្ទះយើងមើលទៅកាន់តែទាក់ទាញ។

៧- កែលម្អផ្ទះសម្បែងឲ្យទាក់ទាញ

នៅកន្លែងណាមួយក្នុងផ្ទះយើង ប្រហែលយើងចង់ជួសជុលកែលម្អជាយូរមកហើយ គ្រាន់តែគ្មានពេលគ្រប់គ្រាន់ មិនអ៊ីចឹង? ចុះពេលនេះ ចាំអីទៀត យើងគួរចាប់ផ្តើមផែនការកែលម្អសោភ័ណភាពផ្ទះយើងបានហើយ ដូចជាការដំឡើងធ្នើរដាក់សៀវភៅ ឬកន្លែងសម្រាប់ព្យួររួបភាពលម្អផ្ទះ ឬក៏អាចរៀបចំកន្លែងធ្វើការទាក់ទាញមួយសម្រាប់ខ្លួនឯងនៅផ្ទះក៏បាន បើយើងគិតថា អាចនឹងធ្វើការអនឡាញ រយៈពេលយូរទៅមុខទៀត៕

អត្ថបទផ្ដល់សិទ្ធ៖ Hello គ្រូពេទ្យ

ចុចអាន៖ តិចនិកខ្លះៗជួយដោះស្រាយបញ្ហាផ្លូវចិត្តអំឡុងពេលនៅតែផ្ទះក្នុងវិបត្តិកូវីដ

ចុចអាន៖ ស្ត្រីកំពុងពពោះ បើកើតកូវីដ១៩ អាចចម្លងទៅកូនដែរអត់?