KPT+
រៀនបំភ្លេចស្នេហាចាស់ជាការដោះលែងខ្លួនឯង មុនផ្លូវចិត្តរងគ្រោះធ្ងន់
ធម្មតាមនុស្សម្នាក់ៗរមែងមានអតីតកាលចៀសពុំរួច។ អតីកាលល្អផ្ដល់ការចងចាំល្អ រីឯអតីតកាលមិនល្អតែងផ្ដល់ការចងចាំដែលឈឺចាប់។
ការឈឺចាប់ដែលដក់ជាប់ក្នុងបេះដូងជារឿយៗតែងតែរារាំងមិនឱ្យយើងធ្វើអ្វីឲ្យរលូនឡើយ។ ប្រាកដណាស់ពេលដែលយើងខូចចិត្តបែកបាក់ស្នេហា យើងច្បាស់ជាលឺពាក្យទាំងអស់នេះ ឬពាក្យស្រដៀងនេះជាមិនខាន។ ទោះយ៉ាងណា ការបែកបាក់ចំណងស្នេហ៍ ឬសម្ព័ន្ធភាពគឺជារឿងទូទៅទៅហើយ។
ស្នេហាចាប់ផ្ដើមប្រេះឆា នៅពេលយើងទាំងពីរជួបនូវស្ថានភាពមួយចំនួន និងចាប់ផ្តើមយល់ថារឿងរ៉ាវខ្លះគឺមិនបានដូចអ្វីដែលបានព្រាងទុកឡើយ ហើយពួកយើងក៏សម្រេចចិត្តបញ្ចប់វាទៅ។
កន្លងទៅជាច្រើនថ្ងៃ សប្តាហ៍ រហូតពេលខ្លះមានដល់ទៅរាប់ខែឆ្នាំ យើងក៏ចាប់ផ្តើមមានអារម្មណ៍ថានឹកនាផុសឡើងក្នុងខួរក្បាល។
តើយើងគួរតែបណ្ដោយឲ្យអារម្មណ៍នៅតែបែបបនេះរហូតឬយ៉ាងណា? ចុះបើមិនគួរបន្ត តើត្រូវធ្វើបែបណា ទើបល្អ?
បញ្ចប់ជម្លោះក្នុងចិត្ត
ពេលនេះយើងត្រូវរៀនពីការបញ្ចប់ជម្លោះក្នុងចិត្ត ដោយមិនត្រូវបដិសេធអារម្មណ៍ខ្លួនឯងឡើយ ព្រោះការបដិសេធថាមិនបានមានអារម្មណ៍ឈឺចាប់វាគ្មានប្រយោជន៍អ្វីចំពោះយើងឡើយ។ ត្រូវទទួលស្គាល់អារម្មណ៍ខ្លួនឯង ហើយនិយាយរឿងនេះជាមួយមិត្តជិតស្និទ្ធ និងក្រុមគ្រួសារ។ និយាយរឿងក្នុងចិត្តប្រាប់ពួកគេ ស្វែងរកអ្នកលើកទឹកចិត្ត និងរ៉ាយរ៉ាប់រឿងរ៉ាវលាក់ទុកក្នុងចិត្តទាំងអម្បាលម៉ានចេញមកឱ្យអស់។ បញ្ចេញអារម្មណ៍ចេញមកខាងក្រៅមិនថាជាកំហឹង ការឈឺចាប់ ទុក្ខសោកល្វីងជូរចត់ និងការបាត់បង់ឡើយ។ នៅពេលដែលធ្វើបែបនេះ យើងនឹងចាប់ផ្តើមយល់ពីសារសំខាន់នៃការទទួលស្គាល់អារម្មណ៍ ហើយនឹងអាចអធ្យាស្រ័យដល់គូស្នេហ៍ចាស់របស់យើង ក៏ដូចជាខ្លួនឯងនូវរាល់ទង្វើដែលយើងទាំងពីរបានឆ្លងកាត់។
បំភ្លេចអារម្មណ៍ធ្លាប់ជួប
ក្រោយបញ្ចប់ជម្លោះក្នុងចិត្តហើយ យើងត្រូវបញ្ចេញអារម្មណ៍ស្មុគស្មាញ និងច្របូកច្របល់ បណ្តេញអារម្មណ៍ដែលមានចំពោះគូស្នេហ៍ចាស់ទៅឱ្យឆ្ងាយដែលត្រូវប្រាកដថា អារម្មណ៍ទាំងនេះនឹងគ្មានថ្ងៃត្រលប់មកវិញបានទៀតឡើយ។
នៅពេលដែលបានរៀបរាប់ ឬប្រាប់នរណាម្នាក់ពីអារម្មណ៍របស់ខ្លួន យើងត្រូវតែធ្វើយ៉ាងណាគិតថា នេះជាអ្វីដែលអ្នកបានឆ្លងកាត់ ហើយរឿងនេះត្រូវបានបញ្ចប់ហើយ។ មិនត្រូវនិយាយដដែលៗទៀតទេ ពោលគីមិនត្រូវឆ្កឹះដំបៅចាស់ឡើងវិញឡើយ។ ទុកពេលឱ្យដំបៅនេះជាសះស្បើយ លុបបំបាត់គំនិតស្រមើស្រមៃទាំងឡាយ ហើយបង្កើតរបាំងមួយដែលការពារយើងមិនឱ្យរំឭកទៅដល់អនុស្សាវរីយ៍ពីអតីតកាលបានតទៀត។
បើកចិត្តឱ្យទូលាយទទួលយកឱកាសថ្មីៗ។ មនុស្សមួយចំនួនពេលដែលបាត់បង់នរណាម្នាក់ ឬបែកបាក់ស្នេហាតែងតែគិតថាខ្លួននឹងនៅឯកាអស់មួយជីវិតដោយមិនជួបស្នេហាថ្មីឡើយ។ វាជារឿងធម្មតាដែលមនុស្សតែងតែគិតបែបនេះ តែការគិតបែបនេះអាចបំផ្លាញខ្លួនឯងបាន ព្រោះថាទៅថ្ងៃមុខអ្នកនឹងមានសុភមង្គល ជួបស្នេហាថ្មីម្តងទៀត ប៉ុន្តែមុននឹងទទួលបានអ្វីទាំងនេះ លុះត្រាតែយើងចេះក្តោបក្តាប់ឱកាសថ្មីៗដោយខ្លួនឯង។
ដើម្បីអាចបំភ្លេចស្នេហាចាស់បាន គួរតែសាកល្បងអ្វីដែលថ្មី ស្វែងរកចំណង់ចំណូលចិត្តថ្មីៗ រាប់អានមិត្តភក្តិថ្មីៗ ធ្វើការណាត់ជួបអនឡាញ ឬក៏ដាក់គោលដៅហាត់ប្រាណជាដើម។ អ្វីដែលសំខាន់បំផុត ត្រូវចាំថា នៅលើផែនដីនេះមិនមែនមានតែគេម្នាក់នោះសម្រាប់យើងឡើយ នៅមានមនុស្សល្អជាច្រើនដែលយើងគួរតែស្គាល់៕
ប្រែសម្រួល៖ សន្យា
ប្រភព៖ Brightside
ចុចអាន៖ បើស្នេហាមិនល្អ កុំសោកស្តាយព្រោះអាចជាដើមចមនៃជំងឺផ្លូវចិត្ត
ចុចអាន៖ មូលហេតុសំខាន់ ៣ ដែលមនុស្សតែងបង្ហាញអារម្មណ៍ប្រចណ្ឌហួសហេតុ
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១៥ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ