ព័ត៌មានជាតិ

អាជ្ញាធរខេត្តកំពង់ចាមចុះពិនិត្យបច្ចេកទេសផ្លូវបេតុងមួយខ្សែក្នុងសង្កាត់បឹងកុក

បានផុស

៩ ខែ មុន

នៅ

ថ្ងៃអង្គារ ១៤ តុលា ២០២៥

ដោយ

អាជ្ញាធរខេត្តកំពង់ចាមចុះពិនិត្យបច្ចេកទេសផ្លូវបេតុងមួយខ្សែក្នុងភូមិឡឥដ្ឋ សង្កាត់បឹងកុក ដែលជាសមិទ្ធផលថ្មីជូនប្រជាពលរដ្ឋនៅមូលដ្ឋាននេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ស្រី សុភ័ក្រ្ត អភិបាលរងខេត្តកំពង់ចាម បានដឹកនាំមន្ត្រីជំនាញបច្ចេកទេសសហការជាមួយអាជ្ញាធរក្រុងកំពង់ចាម រួមនឹងក្រុមហ៊ុន ចុះពិនិត្យស្តង់ដារបច្ចេកទេសគុណភាពស្ថាបនាផ្លូវបេតុងនេះ ដែលជាសមិទ្ធផលថ្មីសម្រាប់អ្នកភូមិនៅក្នុងសង្កាត់បឹងកុកនេះ ក្នុងឆ្នាំ២០២៥ ដេីម្បីសម្រួលការធ្វេីដំណេីរនិងលេីកកម្រិតជីវភាពរបស់ប្រជាពលរដ្ឋនៅក្នុងមូលដ្ឋានមួយនេះកាន់តែល្អប្រសេីរ។

ទន្ទឹមនឹងនេះដែរ អាជ្ញាធរ និងប្រជាពលរដ្ឋក្នុងភូមិឡឥដ្ឋ នៃសង្កាត់បឹងកុកនេះ បានបង្ហាញអារម្មណ៍សប្បាយរីករាយជាខ្លាំង ក្រោយក្នុងភូមិគាត់បានប្រែក្លាយពីផ្លូវដីទៅផ្លូវបេតុងខ្វាត់ខ្វែងហេីយក្រុមហ៊ុនសាងសង់បានធ្វេីតាមបច្ចេកទេសស្តង់ដារត្រឹមត្រូវដេីម្បីធ្វេីយ៉ាងណាឲ្យផ្លូវបេតុងមួយខ្សែនេះមានភាពរឹងមាំអាចឱ្យប្រជាពលរដ្ឋប្រេីប្រាស់បានយូរអង្វែង។

បេីតាមការបញ្ជាក់ពីមន្ត្រីបច្ចេកទេសនៃរដ្ឋបាលខេត្តកំពង់ចាម បានបញ្ជាក់ប្រាប់ឱ្យដឹងថា ផ្លូវបេតុងដែលកំពុងស្ថាបនានេះ បច្ចុប្បន្នបានសម្រេចជាង៥០%ហេីយ ដែលជាគម្រោងមូលនិធិសង្កាត់បឹងកុកឆ្នាំ២០២៥ ដោយមានប្រវែង២៦៦៨ម៉ែត្រនិងទទឹង៤ម៉ែត្រ។

ហេីយបេីតាមការចុះវាយតម្លៃរបស់អាជ្ញាធររួមនឹងមន្ត្រីបច្ចេកទេសបញ្ជាក់ថា ផ្លូវបេតុងមួយខ្សែនេះ ក្រុមហ៊ុនពិតជាធ្វេីតាមបទដ្ឋានបច្ចេកទេសស្តង់ដារត្រឹមត្រូវពិតប្រាកដមែន៕

អត្ថបទនិងរូបភាព ៖ ឡេក ចាន់ពេជ្រ