ព័ត៌មានជាតិ

សហព័ន្ធកីឡាកាយវប្បកម្ម ការបញ្ជូនកីឡាករទៅប្រកួតតិចនាក់ដោយសារពុំសូវមានលទ្ធភាព

បានផុស

១ ថ្ងៃ មុន

នៅ

ថ្ងៃព្រហស្បតិ៍ ១៣ វិច្ឆិកា ២០២៥

ដោយ

តំណាងសហព័ន្ធកីឡាកាយវប្បកម្មកម្ពុជា បានបញ្ជាក់ថាការបញ្ជូនកីឡាករទៅប្រកួតនៅឥណ្ឌូណេស៊ី តែចំនួន ២នាក់គឺដោយសារសហព័ន្ធមិនសូវមានលទ្ធភាព ព្រោះម្នាក់ៗគឺចំណាយច្រើនទាំងការបង់សិទ្ធប្រកួត និងថ្លៃធ្វើដំណើរផ្សេងៗទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករទាំងពីរ

លោក តិក ប៊ុនវី តំណាងសហព័ន្ធកីឡាកាយវប្បកម្មបានឲ្យដឹងថា សហព័ន្ធមិនមែនមិនចង់បញ្ជូនកីឡាករទៅប្រកួតឲ្យបានច្រើននាក់នោះទេ ប៉ុន្តែដោយសារមិនមានថវិកាគ្រប់គ្រាន់សម្រាប់បញ្ជូនទៅច្រើននាក់។

គ្រូជើងចាស់រូបនេះបន្តថា ការប្រកួតមួយនេះក្នុងមួយនាក់ត្រូវបង់ថ្លៃចូលរួមប្រកួតរហូតដល់ទៅ ៩៨០ដុល្លារឯណោះ និងបូករួមទាំងសំបុត្រយន្តហោះផ្សេងៗទៀត ដូច្នេះត្រូវចំណាយច្រើនសហព័ន្ធពុំមានលទ្ធភាពនោះឡើយ។ យ៉ាងណានៅថ្ងៃខាងមុខប្រសិនបើមានការឧបត្ថម្ភគាំទ្រកាន់តែច្រើនដល់សហព័ន្ធកីឡាកាយវប្បកម្មនោះសហព័ន្ធនឹងជ្រើសរើសកីឡាករឲ្យចូលរួមការប្រកួតផ្សេងៗបានច្រើន។

កម្មវិធីប្រកួត

បញ្ជាក់ដែរថា ការប្រកួតជ្រើសរើសជើងឯកកីឡាកាយវប្បកម្មពិភពលោក លើកទី១៦ ដែលកំពុងធ្វើនៅឯប្រទេសឥណ្ឌូណេស៊ី មានប្រហែលជាង ៤០ប្រទេសចូលរួមលើកនេះគឺកម្ពុជាបញ្ជូនកីឡាករតែ ២នាក់ប៉ុណ្ណោះ។ សរុបទាំងប្រតិភូ គ្រូបង្វឹក កីឡាករទាំងអស់មានចំនួន ៤នាក់។ ការប្រកួតនេះធ្វើឡើងចាប់ពីថ្ងៃទី១១ ដល់ ១៧ ខែវិច្ឆិកា ឆ្នាំ២០២៥៕