ព័ត៌មានជាតិ
ឃាត់ខ្លួនចៅអធិការវត្ត ២ អង្គ ពាក់ព័ន្ធករណីបន្លំឯកសណ្ឋាននគរបាលជាតិ
ព្រះចៅអធិការវត្តចំនួន២អង្គ បានបន្លំខ្លួនជាគ្រហស្ថបើករថយន្តដោយមានការសង្ស័យត្រូវបានកម្លាំងគណៈបញ្ជាការឯកភាពស្រុកបសេដ្ឋ ឃាត់ខ្លួនរកឃើញមានស្រាបៀ មេអាប៉ោង និងក្លែងបន្លំឯកសណ្ឋានជានគរបាលពាក់សិក្ក័៤កន្លះទៀតផង ។
ព្រះចៅអធិការវត្តទាំង២អង្គដែលស្លៀកពាក់ខោអាវជាគ្រហស្ថ ត្រូវឃាត់ខ្លួននាយប់ថ្ងៃទី១៧ ខែមេសា ឆ្នាំ២០២១ វេលាម៉ោង១និង១០នាទី ដោយគណៈបញ្ជាការឯកភាពរដ្ឋបាលស្រុក ខណៈពេលចុះពង្រឹងការអនុវត្តសេចក្តីសម្រេចរបស់រាជរដ្ឋាភិបាលលេខ៤៤ ស ស រ ចុះថ្ងៃទី៦ ខែមេសា ឆ្នាំ ២០២១ ស្តីពីការហាមឃាត់ការធ្វើដំណើរ និងការបិទរមណីយដ្ឋានទេសចរណ៍ទូទាំងប្រទេសជាបណ្ដោះអាសន្ន ដើម្បីទប់ស្កាត់ការរីករាលដាលជំងឺកូវីដ-១៩ ។
ការចុះអនុវត្តខាងលើ តបតាមសេចក្តីសម្រេចលេខ០៤៦/២១សសរ ចុះថ្ងៃទី១៥ ខែមេសា ឆ្នាំ២០២១ របស់រដ្ឋបាលខេត្តកំពង់ស្ពឺ ស្តីពីការបន្តអនុវត្តវិធានការរដ្ឋបាលជាបណ្តោះអាសន្ន ដើម្បីទប់ស្កាត់ការរីករាលដាលជំងឺកូវីដ-១៩
ប្រភពពីអាជ្ញាធរស្រុកបសេដ្ឋ បានប្រាប់ឱ្យដឹងថា គណៈបញ្ជាការឯកភាពស្រុកបានឃាត់រថយន្តសង្ស័យ២គ្រឿង ដែលកំពុងធ្វើដំណើរនៅចំណុចស្ពានអង្គដែកកណ្តាល ស្ថិតក្នុងភូមិអង្គដែកកណ្តាល ឃុំពោធិម្រាល ស្រុកបសេដ្ឋ ខេត្តកំពង់ស្ពឺ ដើម្បីសួរនាំបានប្រទះឃើញព្រះសង្ឃ២អង្គ គួរឲ្យសង្ស័យ កម្លាំងសមត្ថកិច្ចក៏បាននាំទៅអធិការនគរបាលស្រុកបសេដ្ឋដើម្បីសាកសួរ ។
ប្រភពបន្តថា ព្រះសង្ឈទាំង២អង្គ ទី១- ព្រះនាម នួន ចិន្តា ព្រះជន្ម៣៩ព្រះវស្សា ជាចៅអធិការវត្ត មុន្នីសោភ័ណ្ឌ ស្ថិតនៅឃុំពោធ៍ម្រាល ស្រុកបសេដ្ឋ ខេត្តកំពង់ស្ពឺ ។ ២-ព្រះតេជគុណ ជឹង ម៉េងហៀក ព្រះជន្ម៣៥ព្រះវស្សា ជាចៅអធិការវត្ត សែនឧត្តម ហៅវត្ត បឹងសាឡាំ ស្ថិតនៅឃុំពោធិម្រាល ស្រុកបសេដ្ឋ ខេត្តកំពង់ស្ពឺ ។
ក្រោយពីឃាត់ខ្លួនកម្លាំងសមត្ថកិច្ចបានឆែកឃើញវត្ថុតាងរួមមាន -ស្រាបៀរចំនួន៥កំប៉ុង, តេឡេបញ្ជា១ គ្រាប់, ចានអាប៉ោងមួយ, មេអាប៉ោងចំនួន ០៤គ្រាប់ ខោអាវចំនួន ១០កំប្ល៉េ និងឯកសណ្ឋាននគរបាលមួយឈុតមានស្លាកឈ្មោះ ពាក់ស័កិ្ត៤កន្លះ និងមានអត្តលេខត្រឹមត្រូវ ។
បច្ចុប្បន្នព្រះសង្ឃទាំងពីរអង្គបានទៅព្រះលេខាមេគុណខេត្ត ដើម្បីធ្វើតាមវិន័យព្រះពុទ្ធសាសនា និងបន្តទទួលទោសតាមនិតិវិធីច្បាប់រដ្ឋផងដែរ៕
អត្ថបទ ៖ ភួង រដ្ឋា
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២១ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង