ព័ត៌មានជាតិ

អគ្គនាយកស៊ីម៉ាក់អរគុណលោកប្រធានាធិបតីដូណាល់ត្រាំដែលបញ្ជាក់ពីការពិតលើបញ្ហាសៀមជាន់មីនកន្លងទៅ

បានផុស

៧ ខែ មុន

នៅ

ថ្ងៃអាទិត្យ ១៤ ធ្នូ ២០២៥

ដោយ

អគ្គនាយកមជ្ឃមណ្ឌលសកម្មភាពកម្ចាត់មីនកម្ពុជា លោក ហេង រតនា បានអរគុណប្រធានាធិបតីអាមេរិកលោក ដូណាល់ ត្រាំ ដែលបានបញ្ជាក់ការពិតលើបញ្ហាទាហានសៀមជាន់មីនកន្លងទៅ ដែលលោកថា គឺជា ឧបទ្ទវហេតុ ខណៈដែលថៃបានឆ្លើយតបវិញថាមិនអាចទទួលយកបាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ហេង រតនា បានសរសេរលើហ្វេសបុកផេករបស់លោកនៅថ្ងៃទី១៤ ខែធ្នូនេះថា បញ្ហាផ្ទុះមីនដែលថៃលាបព័ណ៌កម្ពុជាកន្លងទៅគ្រាន់តែជាយុទ្ធសាស្ត្រ និងឧបាយកលប្រើកម្លាំងធ្វើសង្គ្រាមឈ្លានពានកម្ពុជា និងសំដែងក្លែងខ្លួនជាតួអង្គជាអ្នកគោរពច្បាប់អន្តរជាតិល្អប៉ុណ្ណោះ។

លោកបានសរសេរថា៖ «ក្នុងនាមប្រជាពលរដ្ឋខ្មែរមួយរូបខ្ញុំសូមសំដែងនូវអំណរគុណឯ.ឧប្រធានាធិបតីDonald J. Trump ដែលបានខិតខំលះបង់និងជំរុញឱ្យមានការគោរពដល់ស្មារតីសន្តិភាពដែលមានស្រាប់! ជាមួយនេះឯ.ឧប្រធានាធបតី ក៏បានបញ្ជាក់កាពិតខ្លីពីបញ្ហាគ្រោះថ្នាក់មីនរបស់ទាហានសៀមនានាកន្លងមកជា”ឧបទ្ទេវហេតុ”»។

លោកថាថៃដែលតែងតែធ្វើខ្លួនជាអ្នកគោរពច្បាប់អន្តរជាតិតែ បានបំពានអនុសញ្ញាជាច្រើនដូចជា អនុសញ្ញាការហាមឃាត់ប្រេីប្រាស់អាវុធគីមី អនុសញ្ញាការហាមឃាត់ប្រេីប្រាស់គ្រាប់បែកចង្កោម សន្ធិសញ្ញា/អនុសញ្ញាស្តីពីការកំណត់ព្រំដែនកម្ពុជា-សៀម និងអនុសញ្ញាអន្តរជាតិស្តីពីសិទ្ធិមនុស្ស ការការពារជនសុីវិលពេលមានសង្គ្រាមជាដេីម។ ចុងក្រោយនេះ មេដឹកនាំគ្មានសភាសៀមនេះ មិនស្តាប់តាមស្មារតីអំពាវនាវឱ្យមានសន្តិភាពរបស់អន្តរជាតិណាឡេីយ។

លោកសរសេរបន្ថែមថា៖ «ហេីយអ្វីដែលពួកចោរឈ្លានពានបែរជាអាចទទួលបាន “ចំពោះការសម្លាប់ជនកម្ពុជាមិនរេីសមុខរួមមានទារក ក្មេងៗ ប្រជាជន និងអាចារ្យវត្តជាដេីម»។

បើទោះបីជាបាននិយាយទូរស័ព្ទជាមួយប្រធានាធិបតីអាមេរិកលោក ដូណាល់ ត្រាំ កាលពីយប់ថ្ងៃទី១៣ ខែធ្នូ ដើម្បីឱ្យមានការអនុវត្តន៍កិច្ចព្រមព្រៀងសន្ដិភាពជាថ្មីក្ដី ក៏ថៃនៅតែបន្តបាញ់ប្រហារ ទម្លាក់គ្រាប់បែក មកលើទឹកដីកម្ពុជាដដែលរហូតដល់ថ្ងៃទី១៤ ខែធ្នូនេះ។ នាយករដ្ឋមន្ត្រីចាំផ្ទះថៃ អនុទីន បានសរសរលើហ្វេសបុករបស់ខ្លួនកាលពីព្រឹកថ្ងៃទី១៣ ខែធ្នូថា ថៃនឹងបន្តសកម្មភាពយោធាលើកម្ពុជារហូតដល់ពេលដែលមានអារម្មណ៍ថាគ្មានការគំរាមកំហែងទឹកដី និងប្រជាជនថៃ។ បន្ថែមលើនេះសារព័ត៌មានថៃក៏បានដកស្រង់សំដីរបស់នាយករដ្ឋមន្ត្រីនេះមកចុះផ្សាយផងដែរថា «ពេលនេះថៃមិនត្រូវការស្ដាប់អ្នកណាទាំងអស់ទៀតហើយ»៕