ពលរដ្ឋខ្មែរកាត់សែស្រឡាយចិន នាំគ្នាទិញដើមផ្កាអង្គាសិល្ប៍យកទៅតុបតែងលម្អងផ្ទះដើម្បីទទួលលាភជ័យ

ពលរដ្ឋខ្មែរកាត់ខ្សែស្រឡាយចិនបានបន្តនាំគ្នាទិញដើមផ្កាអង្គាសិល្ប៍សម្រាប់យកទៅតុបតែងលម្អងលំនៅឋានដើម្បីទទួលលាភជ័យពីទេវតាឆ្នាំថ្មីនៃប្រពៃណីចិន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អាជីវករលក់ដូរដើមផ្កាអង្គាសិល្ប៍នៅលើកំណាត់ផ្លូវ១៩៨ក្រោយវត្តសំពៅមាសក្នុងមូលដ្ឋានខណ្ឌ៧មករាបានឲ្យដឹងថាក្នុងរយៈពេលប៉ុន្មានថ្ងៃកន្លងមកនេះមានការមកទទួលជាវដើមផ្កាអង្គាសិល្ប៍និងដើមក្រូចជាបន្តបន្ទាប់គួរសមពីសំណាក់អ្នកកាត់ខ្សែស្រឡាយចិនប៉ុន្តែមិនសូវច្រើនខ្លាំងដូចរាល់ឆ្នាំកន្លងទៅនោះឡើយ។

ស្របពេលដែលបុណ្យចូលឆ្នាំប្រពៃណីចិនវៀតណាមកាន់តែគៀកគិតចូលមកដល់ប្រជាពលរដ្ឋខ្មែរកាត់សែស្រឡាយចិនបាននឹងកំពុងយកចិត្តទុកដាក់ក្នុងការត្រៀមលក្ខណៈសម្រាប់ការសែនព្រេនជូនដូនតាតាមរយៈការរៀបសំណែនគ្រឿងដង្វាយនិងការតុបតែងលម្អរនានានៅតាមលំនៅឋានរស់នៅរៀងៗខ្លួនទៅតាមធនធាននិងលទ្ធភាព។

ក្នុងនោះដែរផ្កាអង្គាសិល្ប៍ក៏ជាផ្នែកសំខាន់មួយដែលចំបាច់ឲ្យអ្នកជាប់ខ្សែស្រឡាយចិនត្រូវទិញយកទៅរៀបចំនៅតាមផ្ទះដើម្បីទទួលលាភជ័យ។ប្រជាជនចិន – វៀតណាម មុនថ្ងៃពិធីបុណ្យចូលឆ្នាំប្រពៃណីដែលជា ទំនៀមទម្លាប់របស់ខ្លួនតែង ជ្រើសរើសដើម ផ្កាអង្គា សិល្ប៍មករៀបដាក់តាំងលម្អ លំនៅស្ថានជានិច្ច តែ ប្រសិនជាគ្មាន គេអាចជ្រើសរើសផ្កា និមត្តិ ដាក់តាំងលម្អ។

សូមបញ្ជាក់ថា ៖ បុណ្យចូលឆ្នាំប្រពៃណីចិនវៀតណាមនឹងប្រព្រឹត្តិទៅរយះពេល០៤ថ្ងៃគិតពីថ្ងៃទី១៦ដល់ថ្ងៃទី១៩ខែកុម្ភៈឆ្នាំ២០២៦ដែលបុណ្យនេះគឺជាពេលវេលាដែលពលរដ្ឋកម្ពុជាមានឈាមជ័រជាប់ខ្សែស្រឡាយកាត់ចិនក៏នឹងចូលរួមរៀបចំពិធីសែនជូនដូនតាដើម្បីសុំសេចក្តីសុខសប្បាយនិងសុំពរជ័យឱ្យរកស៊ីទទួលទានកាន់តែរីកចម្រើនតាមបែបលក្ខណះគ្រួសាររៀងៗខ្លួន៕  អត្ថបទ៖សុភា