មន្ទីរពេទ្យបង្អែកខេត្តកោះកុង ផ្តល់សេវាពិគ្រោះ ពិនិត្យ ព្យាបាល វះកាត់បញ្ហាភ្នែក រយៈពេល ៥ថ្ងៃ

ក្រុមគ្រូពេទ្យនៃមន្ទីរពេទ្យបង្អែកខេត្តកោះកុង សហការជាមួយក្រុមគ្រូពេទ្យភ្នែកនៃកម្មវិធីជាតិសុខភាពភ្នែកគាំទ្រដោយអង្គការសេវាសង្គមកាណាដា នឹងផ្តល់សេវាពិគ្រោះ ពិនិត្យ ព្យាបាលភ្នែក និងវះកាត់ភ្នែកជូនប្រជាជនដែលមានបញ្ហាភ្នែក រយៈពេល៥ថ្ងៃ។

បើតាមមន្ទីរពេទ្យបង្អែកខេត្តកោះកុង ការផ្តល់ជូននេះធ្វើឡើងចាប់ពីថ្ងៃទី២៣ ដល់ថ្ងៃទី២៧ ខែកុម្ភៈ ឆ្នាំ២០២៦ ដោយឥតគិតថ្លៃ នៅមន្ទីរពេទ្យបង្អែកខេត្តកោះកុង។ ប្រទេភេទជំងឺដែលត្រូវពិគ្រោះ ពិនិត្យ ព្យាបាល ឬវះកាត់ មានដូចជា ជំងឺភ្នែកឡើងបាយ ជំងឺភ្នែកកន្ទុយថ្លែន និងជំងឺភ្នែកផ្សេងៗទៀត។

ចំពោះអ្នកជំងឺដែលមានបញ្ហាភ្នែក ដូចខាងលើ អាចអញ្ជើញទៅទទួលការពិនិត្យ ព្យាបាលនៅមន្ទីរពេទ្យបង្អែកខេត្តកោះកុង ទៅតាមកាលបរិច្ឆេទខាងលើ ឬអាចទំនាក់ទំនងសួរព័ត៌មានបន្ថែមតាមរយៈលេខ ០១៦ ៣០០ ១១៩ ឬតាមរយៈផេកហ្វេសប៊ុកផ្លូវការរបស់មន្ទីរពេទ្យបង្អែកខេត្តកោះកុងគឺ «មន្ទីរពេទ្យបង្អែកខេត្តកោះកុង»៕