ព័ត៌មានជាតិ
លោកស្រី ឱ វណ្ណឌីន៖ ដំណាក់កាលនេះមិនមែនជាដំណាក់កាលត្រូវទៅបន្ទោសអ្នកណាទេ
លោកស្រី ឱ វណ្ណឌីន ជារដ្ឋលេខាធិការ និងជាអ្នកនាំពាក្យក្រសួងសុខាភិបាល បានមានប្រសាសន៍ថា ដំណាក់កាលនេះមិនមែនជាដំណាក់កាលត្រូវទៅបន្ទោសអ្នកណាទេ ជាដំណាក់កាលដែលទាំងអស់គ្នាត្រូវរួមសាមគ្គីភាពគ្នា។
លោកស្រី ឱ វណ្ណឌីន បានមានប្រសាសន៍ប្រាប់ កម្ពុជាថ្មី ថា ដំណាក់កាលនេះមិនមែនជាដំណាក់កាលត្រូវទៅបន្ទោសអ្នកណាទេ ជាដំណាក់កាលដែលទាំងអស់គ្នាត្រូវរួមសាមគ្គីភាពគ្នា យ៉ាងហោចណាស់ត្រូវឈរលើជំហរមួយគឺ “ខ្ញុំ បុគ្គលខ្ញុំ ខ្លួនខ្ញុំ ត្រូវបង្ការការពារខ្លួនឯងកុំឱ្យឆ្លងមេរោគកូវីដ-១៩”។
លោកស្រី មានប្រសាសន៍បញ្ជាក់ថា៖ “ឥឡូវមិនបាច់គិតដល់គេទេ គិតតែខ្លួនឯងថា ធ្វើម៉េចកុំឱ្យខ្លួនឯងឆ្លងវីរុសកូវីដ-១៩។ បើខ្ញុំរក្សាបាននូវវិធានការហ្នឹង ឯក្មួយក៏ប្រយ័ត្នរក្សាបានវិធានការហ្នឹង អ្នកដទៃទៀតក៏រក្សាបានវិធានការហ្នឹង អ៊ីចឹងរួមគ្នាទៅវានឹងជាចង្កោមមួយដែលសហគមន៍យើង បានអនុវត្តនូវការទប់ស្កាត់វីរុសកូវីដ-១៩នេះបានល្អ។ អ៊ីចឹងវីរុសហ្នឹងមិនអាចចម្លងទៅអ្នកណាបាន ដោយសារយើងទាំងអស់គ្នាពួតដៃគ្នា ដើម្បីទប់កុំឱ្យវីរុសហ្នឹងឆ្លង”។
លោកស្រី ឱ វណ្ណឌីន មានប្រសាសន៍បន្តថា រដ្ឋាភិបាលបានប្រកាសឱ្យប្រជាពលរដ្ឋគ្រប់រូបអនុវត្តវិធានការ៣កុំ៣ការពារ ហើយមានចាក់វ៉ាក់សាំងជូនថែមទៀត។ លោកស្រី បានបញ្ជាក់បន្ថែមថា ចាក់វ៉ាក់សាំងហើយក៏នៅតែឆ្លងមេរោគកូវីដ-១៩ដែរ ព្រោះវ៉ាក់សាំងសម្រាប់ការពារកុំឱ្យសរីរាង្គធ្លាក់ក្នុងសភាពធ្ងន់ធ្ងរនៅពេលណាវីរុសចូលមកដល់សរីរាង្គក្រៅរបស់មនុស្ស។
លោកស្រី មានប្រសាសន៍បន្តថា៖ “អ៊ីចឹងទោះចាក់វ៉ាក់សាំងហើយ ក៏ត្រូវតែការពារខ្លួនដែរ មិនអាចប្រហែសបានទេ យើងនៅតែអនុវត្ត៣កុំ៣ការពារ ហើយនៅផ្ទះ ព្រោះផ្ទះគឺជាកន្លែងសុវត្ថិភាពបំផុតរបស់យើង។ យើងក៏មិនមែនបិទមិនឱ្យប្រជាពលរដ្ឋទៅរកអាហារដែរ ទន្ទឹមពេលអាជ្ញធរក៏ជួយផ្គត់ផ្គង់ស្បៀងអាហារនៅតំបន់បិទខ្ទប់ និងសម្រួលឱ្យទៅទិញទំនិញចាំបាច់ ឬព្យាបាលនៅខាងក្រៅ ដោយយើងត្រូវគោរពវិធានការការពារខ្លួនឯងយ៉ាងម៉ឺងម៉ាត់”។
លោកស្រី ឱ វណ្ណឌីន មានប្រសាសន៍ថា នេះជាការទទួលខុសត្រូវរបស់បុគ្គល ជាការទទួលខុសត្រូវរបស់សហគមន៍។ សហគមន៍មួយៗត្រូវរួមចំណែក ហើយអត់មានទៅបន្ទោសអ្នកនេះបន្ទោសអ្នកនោះទេ។
គួរបញ្ជាក់ថា គិតត្រឹមរសៀលថ្ងៃទី២៣ ខែមេសានេះ កម្ពុជារកឃើញអ្នកថ្មីឆ្លងក្នុងសហគមន៍ ៦៥៥នាក់ទៀត និងព្យាលជាសះស្បើយចំនួន២២៤នាក់។ នាំឱ្យអ្នកឆ្លងសរុបក្នុងប្រទេសឡើងដល់ ៨,៨៤៨នាក់ ដោយអ្នកកំពុងព្យាបាលមានចំនួន ៥,៦៣៣នាក់ និងអ្នកស្លាប់ចំនួន ៦១នាក់៕
អត្ថបទ៖ ច័ន្ទ វីរៈ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ