ព័ត៌មានជាតិ

កុដិ១ខ្នង ត្រូវអគ្គិភ័យលេបត្របាក់ទាំងព្រឹក នៅវត្តភ្នំក្រោម

បានផុស

៤ years មុន

នៅ

ថ្ងៃពុធ ១៩ ឧសភា ២០២១

ដោយ

ករណីទុស្សេខ្សែភ្លើងមួយកន្លែង បណ្តាលឲ្យឆាបឆេះកុដិ១ខ្នង និងខូចខាតសម្ភារមួយចំនួន។ ហេតុការណ៍នេះ បានកើតឡើងនៅវេលាម៉ោង០៧និង០០នាទីថ្ងៃទី១៩ ខែឧសភាឆ្នាំ២០២១ នៅត្រង់ចំណុចវត្ត ព្រះព្រហ្មភ្នំរំចង់ ក្រឡះវិលវង្ស សុវណ្ណបុប្ផា គិរីចុងកោះ ជម្ពូព្រឹក្សា(ហៅវត្តខ្នងភ្នំក្រោម)ស្ថិតនៅភូមិភ្នំក្រោម សង្កាត់សៀមរាប ក្រុងខេត្តសៀមរាប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវរសេនីយ៍ទោ ដា ចំរើន អធិការនគរបាលក្រុងសៀមរាប បានឲ្យដឹងថា មានករណីអគ្គិភ័យឆេះកុដិព្រះសង្ឃចំនួន០១ខ្នងទំហំ៤×៦ម៉ែត្រ សង់អំពីឈើប្រក់ស័ង្កសីជញ្ជាំងស័ង្កសីឆេះទាំងស្រុង។ លោកបន្តថា ការខូចខាត កុដិចំនួន០១ខ្នង រថយន្តកែច្នៃចំនួន០១គ្រឿង ម៉ូតូចំនួន០១គ្រឿង ម៉ាស៊ីនភ្លើងចំនួន០១គ្រឿង នឹងសម្ភារៈផ្សេងៗមួយចំនួន។ លោកបន្ថែមទៀតថា ក្នុងករណីពន្លត់អគ្គិភ័យនេះបានកិច្ចសហការពីព្រះសង្ឃ អាជ្ញាធរមូលដ្ឋាន ព្រមទាំងប្រជាពលរដ្ឋ។

លោកបញ្ជាក់ថា មូលហេតុនៃការឆាបឆេះនេះ បណ្តាលមកពីទុស្សេខ្សែភ្លើង។ លោកអធិការបញ្ជាក់ថា ករណីនេះពន្លត់ហើយជាស្ថាពរនៅម៉ោង០៧និង៣០នាទី ហើយក្នុងករណីអគ្គិភ័យនេះ មិនមានបណ្តាលឲ្យគ្រោះថ្នាក់ដល់មនុស្សនិងសត្វឡើយ៕