ព័ត៌មានជាតិ
សមត្ថកិច្ចចម្រុះចុះរើរុះតូប នៅក្រុងកំពង់ឆ្នាំង បានជោគជ័យ១០០% ដើម្បីជំរុញការចាក់ដីធ្វើទីទួលសុវត្ថិភាព
សមត្ថកិច្ចចម្រុះដែលដឹកនាំដោយគណៈបញ្ជាការឯកភាពរដ្ឋបាលខេត្ត និង ក្រុងកំពង់ឆ្នាំងនៅថ្ងៃទី ១៨ និង ១៩ ខែឧសភានេះ បានអនុវត្តវិធានការរដ្ឋបាលរើរុះតូបមិនរៀបរយនៅជួរដើមស្រល់មុខផ្សារឆ្នាំង ក្នុងសង្កាត់ផ្សារឆ្នាំងក្រុងកំពង់ឆ្នាំងទទួលបានជោគជ័យតាមផែនការ មួយរយភាគរយ ដើម្បីជំរុញការចាក់ដីធ្វើទីទួលសុវត្ថិភាពឲ្យបានរួចរាល់មុនទឹកទន្លេឡើងទៅតាមគម្រោង។
នៅព្រឹកថ្ងៃទី១៩ ខែឧសភានេះ លោកស្រីចៅសង្កាត់ផ្សារឆ្នាំងក្រុងកំពង់ឆ្នាំង ភួន ឈួយអេង បានឲ្យដឹងថា តូបលក់ដូរមិនរៀបរយនៅតាមចិញ្ចើមផ្លូវជួរដើមស្រល់មុខផ្សារឆ្នាំងខាងលើនេះ មានចំនួន ១៣៦ តូប គឺត្រូវបានរុះរើអស់ទាំងស្រុងនៅម៉ោង ៤ ល្ងាច ថ្ងៃទី១៨ ខែឧសភា បន្ទាប់ពីសមត្ថកិច្ចចម្រុះនិងអាជ្ញាធរខេត្តក្រុងបានសហការគ្នាអនុវត្តវិធានការរដ្ឋបាលរយៈពេលថ្ងៃ២ជាប់ៗគ្នារួចមក ។
គួរបញ្ជាក់ថា គណៈបញ្ជាការឯកភាពរដ្ឋបាលខេត្តកំពង់ឆ្នាំង បានចេញសេចក្តីបញ្ជាក់ព័ត៌មានកាលពីថ្ងៃទី១៣ ខែឧសភា ជូនដល់អាជីវករលក់ដូរតាមតូបនៅជួរដើមស្រល់ខាងលើនេះ ឲ្យរុះរើតូបរបស់ខ្លួនតាមការស្ម័គ្រចិត្ត នឹងទៅលក់ដូរនៅក្នុងផ្សារកំពង់ឆ្នាំងថ្មី ដែលបានធ្វើរួចរាល់ហើយ ។ ព្រោះថាអាជ្ញាធរបានជូនដំណឹងជាច្រើនលើកច្រើនសាររួចមកហើយតាំងពីឆ្នាំ២០២០មកដើម្បីយកចំណុចខាងលើនេះ ធ្វើជាទីទួលសុវត្ថិភាព និងធ្វើពង្រីកធ្វើសួនច្បារ រឿងស្ទួយវិស័យទេសចរណ៍ក្នុងខេត្តកំពង់ឆ្នាំង។
ប៉ុន្តែរហូតមកដល់ការចេញសេចក្តីជូនដំណឹងចុងក្រោយនេះ នៅថ្ងៃទី១៣ ខែឧសភា ឆ្នាំ២០២១ នេះទៀត តែអាជីវករទាំងអស់នៅតែមិនព្រមរុះរើតូបរបស់ខ្លួនចេញឡើយ។ ទើបនៅថ្ងៃទី១៧ និង១៨នេះ សមត្ថកិច្ចចម្រុះបានចុះអនុវត្តវិធានការរដ្ឋបាលយ៉ាងតឹងតែង ទើបអាជីវករទាំង ១៣៦ តូប ស្ម័គ្រចិត្តទាំងបង្ខំរុះរើតូបចេញពីចំណុចនេះ៕
អត្ថបទ៖ ឈៀងថារិទ្ធ
សូមចុចអាន៖ អភិបាលខេត្តឧត្ដរមានជ័យ ឡើងភ្នំដងរែក សួរសុខទុក្ខកម្លាំងឈរជើងនៅប្រាសាទតាមាន់
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២១ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង