Connect with us

ព័ត៌មានជាតិ

ស្ថានទូត​ចិន​ថា ប្រសាសន៍​របស់​សម្តេច​តេ​ជោ​ពិតជា​ត្រឹមត្រូវ !

បានផុស

នៅ

​ការលើកឡើង​របស់​ស្ថានទូត នៃ​សាធារណរដ្ឋ​ប្រជាមានិត​ចិន​ប្រចាំ​កម្ពុជា បានធ្វើ​ឡើង​នៅលើ​ផេ​ក​ហ្វេ​ស​ប៊ុ​ក​ផ្លូវការ​របស់ខ្លួន នា​ព្រឹក​ថ្ងៃទី​២២ ខែឧសភា ឆ្នាំ​២០២១​នេះ ដោយ​ភ្ជាប់​មក​នូវ​ឃ្លី​ប​វីដេអូ របស់​សម្តេច​អគ្គមហាសេនាបតី​តេ​ជោ ហ៊ុន សែន ក្នុង​សន្និសីទ​អន្តរជាតិ​ស្តីពី “​អនាគត​របស់​អាស៊ី​” នា​ថ្ងៃទី​២០ ខែឧសភា ផងដែរ​។​

​ស្ថានទូត​បានបញ្ជាក់​ដោយ​ខ្លី​យ៉ាង​ដូច្នេះ​ថា “​ប្រសាសន៍​របស់​សម្តេច​តេ​ជោ​ពិតជា​ត្រឹមត្រូវ​”​។ ការ​លើកឡើង ​របស់​ស្ថានទូត​ចិន​ប្រចាំ​នៅ​កម្ពុជា​នេះ មិន​ខុសពី​អ្នកនាំពាក្យ​ក្រសួងការបរទេស​ចិន​លោក​ចៅ លី​ជាន (zhao li jian) ដែល​បាន​ឆ្លើយតប​សំណួរ​អ្នកសារព័ត៌មាន​នោះទេ​។

ទស្សនាសម្តេចតេជោ​ ហ៊ុន សែន ៖

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក zhao li jian ត្រូវបាន​សារព័ត៌មាន​ដកស្រង់​សម្តី​ថា សម្តេច​តេ​ជោ​ហ៊ុន សែន មានការ​យល់ដឹង​ដ៏​ស៊ីជម្រៅ និង​វៀងវៃ​បំផុត​ចំពោះ​ផ្នែក​នយោបាយ និង​មាន​ទស្សនវិស័យ​ខាង​យុទ្ធសាស្ត្រ​វែងឆ្ងាយ ហើយ​ជា​ទម្លាប់​របស់​សម្តេច​តេ​ជោ ហ៊ុន សែន នៅ​ចំពោះមុខ​បញ្ហា​ធំៗ​តែងតែ​ប្រកាន់​ជំហរ​សុ​ទិ​ដ្ធិ​និយម យុត្តិធម៌​ជានិច្ច ដោយ​មិន​ត្រឹមតែ​បាន​ចូលរួម​វិភាគទាន​យ៉ាង​លេចធ្លោ ដើម្បី​ការអភិវឌ្ឍន៍​ប្រទេស និង​ការពារ​កិត្តិយស​របស់​ជាតិ​សាសន៍ នៃ​ប្រទេស​កម្ពុជា​ប៉ុណ្ណោះ​ទេ ថែមទាំង​បាន​ខិតខំ​ប្រឹងប្រែង​យ៉ាងសកម្ម ដើម្បី​ការពារ​ទំនាក់ទំនង​អន្តរជាតិ​មាន​លក្ខណៈ​លទ្ធិប្រជាធិបតេយ្យ ក៏ដូចជា​ការពារ​សន្តិ​ភាព ស្ថិរភាព និង​ការអភិវឌ្ឍន៍​ក្នុង​តំបន់​និង​អន្តរជាតិ​ផងដែរ​។​

​បើតាម​លោក​ចៅ លី​ជាន ប្រទេស​ចិន​តែងតែ​យកចិត្តទុកដាក់​យ៉ាងខ្លាំង​ចំពោះ​ទំនាក់ទំនង​ចិន​-​កម្ពុជា ហើយ​ប្រទេស​ទាំងពីរ​ប្តេជ្ញា​លើកកម្ពស់​មិត្ត​ភាពជា​ប្រពៃណី​និង​សកម្ម​ក្នុង​ការកសាង​សហគមន៍​វាសនា​តែមួយ​ចិន​-​កម្ពុជា​។ លោក​សង្កត់ធ្ងន់ថា ប្រទេស​ចិន​បាន​ផ្តល់ជំនួយ​ជា​បន្តបន្ទាប់ ហើយនឹង​បន្ត​ផ្តល់ជំនួយ​ទៅតាម​លទ្ធភាព​របស់ខ្លួន​ជា​បន្តទៀត សម្រាប់​ការអភិវឌ្ឍ​សេដ្ឋកិច្ច និង​ការកែលម្អ​ជីវភាព​រស់នៅ​របស់​ប្រជាជន​នៃ​ប្រទេស​កម្ពុជា ដើម្បីអោយ​ប្រជាជន នៃ​ប្រទេស​ទាំងពីរ ជាពិសេស​ប្រជាជន​កម្ពុជា​អាច​ទទួលបាន​អត្ថប្រយោជន៍​ជាក់ស្តែង និង​ពិតប្រាកដ​ពី​កិច្ចសហប្រតិបត្តិការ​ដែល​ផ្តល់​ផលប្រយោជន៍​ទៅវិញទៅមក​រវាង​ចិន និង​កម្ពុជា​។​

​សូមបញ្ជាក់ថា នៅក្នុង​សន្និសីទ​អន្តរជាតិ​ស្តីពី “​អនាគត​របស់​អាស៊ី​” កាលពី​ថ្ងៃទី​២០ ខែឧសភា នោះ សម្តេច​តេ​ជោ​បាន​មាន​ប្រសា​ស​ន៏​ថា ការចោទប្រកាន់​នេះ វា​អយុត្តិធម៌​ពេក​សម្រាប់​កម្ពុជា ហើយក៏​អយុត្តិធម៌​សម្រាប់​ចិន​ផងដែរ​។ សម្តេច​បន្តថា គ្រាន់តែ​វ៉ាក់សាំង ដែល​យក​ចាក់​ជូន​ប្រជាពលរដ្ឋ​ជាង​ពីរលាន​នាក់ បើសិន​គ្មាន​ការ​ជំនួយ​ពី​ចិន និង​ការផ្គត់ផ្គង់​ពី​ចិន កម្ពុជា​ក៏​គ្មាន​ប្រាក់​សាំង​សម្រាប់​ចាក់​ជូន​ប្រជាពលរដ្ឋ​នោះដែរ​។ សម្តេច​លើក​ជា​សំណួរ​ថា ក្រៅពី​កូ​វ៉ា​ក់ ដែល​បានផ្ដល់​ជាង​៣០​ម៉ឺន​ដូ​ស តើ​មាន​ប្រទេស​ណាមួយ បាន​បញ្ជូនមក​ដល់ក​ម្ពុ​ជា​ហើយ​ឬ​នៅ ?​។​

​សម្តេច​តេ​ជោ ហ៊ុន សែន លើកឡើង​ទៀតថា “​ខ្ញុំ​គិតថា​គួរតែ​ពិនិត្យឡើងវិញ ពាក់​វែ​នតា​អោយបាន​ប្រសើរ សម្លឹង​ឆ្ពោះ​មកលើ​នយោបាយ​ការបរទេស​របស់​កម្ពុ​ជា តើ​គេ​គួរ​មាន​ឥរិយាបថ​យ៉ាងណា​ចំពោះ​កម្ពុជា ទើប​កម្ពុជា​ទទួលយក ? ពីព្រោះ​យើងខ្ញុំ​មិនដែល​បាន​បិទទ្វារ​ផង ជំនួយ​ក៏​មិនដែល​បាន​បិទទ្វារ វិនិយោគ​ក៏​មិនដែល​បាន​បិទទ្វារ ពាណិជ្ជកម្ម​ក៏​មិនដែល​បាន​បិទទ្វារ ក៏ប៉ុន្តែ​បញ្ហា​ស្ថិត​នៅត្រង់ថា អ្នកណា​ហុចដៃ​មក គឺ​យើងខ្ញុំ​ទទួល អ្នកណា​ផ្ដល់​ឲ្យ យើងខ្ញុំ​ទទួល លើកលែងតែ​ពួក​ភេរវកម្ម​៕

អត្ថបទ៖ កោះ​កែវ​


Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ១ នាទី មុន

ព្យុះខ្សាច់សាហារ៉ាដ៏ធំ ហោះឆ្លងមហាសមុទ្រអាត្លង់ទិក ទៅវាយប្រហារអាមេរិក នៅចុងសប្តាហ៍នេះ

ព័ត៌មានជាតិ២ នាទី មុន

មន្ត្រីជំនាញខេត្តព្រះវិហារ ចុះណែនាំដល់ពលរដ្ឋដើម្បីការពារ និងកម្ចាត់សត្វដង្កូវដែលបំផ្លាញដំណាំ

ព័ត៌មានអន្ដរជាតិ១៨ នាទី មុន

ពិត​ឬ​អត់ ទឹក​ធ្លាក់​ដែល​ខ្ពស់​ជាង​គេ​នៅ​ចិន មាន​បង្កប់​បំពង់​ទុយោ​បង្ហូរ​ទឹក?

សេដ្ឋកិច្ច៣៣ នាទី មុន

កាណាដា​ចង់​ដើរ​តាម​គន្លង​សម្ព័ន្ធ​មិត្ត​ ដោយ​ពិចារណា​បន្ថែម​​ពន្ធ​លើ​រថយន្ត​អគ្គិសនី​ចិន​

ជីវិតកម្សាន្ដ៣៩ នាទី មុន

លី អ៊ីវ៉ាធីណា ទម្លាយរឿងហួសចិត្ត ខណៈធ្លាប់មានគេរិះគន់កែបបូរមាត់ពីធំមកតូច

Sokha Hotels

ព័ត៌មានពេញនិយម