ព័ត៌មានជាតិ

អបអរសាទរ Villarreal ឈ្នះ Man United លើកពាន Europa League

បានផុស

៥ years មុន

នៅ

ថ្ងៃព្រហស្បតិ៍ ២៧ ឧសភា ២០២១

ដោយ

ក្រុមមកពីប្រទេសអេស្ប៉ាញ Villareal បានគ្រងជើងឯក Europa League រដូវកាល ២០២០-២១ បន្ទាប់ពីទទួលបានជ័យជម្នះលើក្រុមមកពីអង់គ្លេស Manchester United ដោយការទាត់ប៉េណាល់ទីកាត់សេចក្តីដោយលទ្ធផល ១១ -១០ បន្ទាប់ពីស្មើគ្នា ១-១។

ការប្រកួតវេលាម៉ោង២យប់មិញ Villarreal បានបើកការនាំមុខ ១-០ មុននៅនាទីទី២៩នៃវគ្គទី១ ដោយការតែតរបស់កីឡាករ Gerard Moreno ប៉ុន្តែនៅវគ្គទី២ ក្រុមបិសាចក្រហមតាមស្មើ ១-១វិញនៅនាទីទី ៥៥ ដោយខ្សែប្រយុទ្ធ Edinson Cavani ដែលលទ្ធផលនេះរក្សារហូតចប់៩០នាទី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណា នៅវគ្គទី២ Manchester United មានឱកាសល្អច្រើន ជាក់ស្តែងខ្សែបម្រើប្រយុទ្ធ Rashford មានឱកាសមាសហើយ តែស៊ុតបាល់ខុសគោលដៅទៅវិញ។

ក្រោយស្មើគ្នានេះ តម្រូវឲ្យថែម១៥នាទីពីរដង ប៉ុន្តែក្រុមទាំងពីរមិនអាចទម្លាយសំណាញ់ទីគ្នាបានទេ ដូច្នេះដើម្បីស្វែងរកជយលាភីត្រូវទាត់ប៉េណាល់ទីកាត់សេចក្តី។

សម្រាប់ការទាត់ប៉េណាល់ទីកាត់សេចក្តីពិតជាតឹងតែងមែនទែនទម្រាំរកឃើញអ្នកឈ្នះ។ ក្រុម Villarreal ទាត់១១គ្រាប់បានជោគជ័យទាំងអស់ ខណៈក្រុម Man United ស៊ូតចូល១០គ្រាប់ និង១គ្រាប់ចុងក្រោយអត់ចូលដែលជាគ្រាប់បាល់បរាជ័យធ្វើឲ្យក្រុមអង់គ្លេសស្រក់ទឹកភ្នែក។

និយាយពីអ្នកចាំទីទាំងពីរវិញគឺផ្ទុយគ្នាស្រលះតែម្តង។ ម្នាក់ស៊ុតចូល និងសង្គ្រោះបាល់បានជោគជ័យ ខណៈម្នាក់ទៀតស៊ុតមិនចូលហើយសង្គ្រោះបាល់មិនបាន។ នោះគឺអ្នកចាំទីរបស់បិសាចក្រហម David De Gea ស៊ុតបាល់ត្រូវបានអ្នកចាំទីរបស់ Villarreal កីឡាករ Geronimo Rulli ជួយសង្គ្រោះបាន ហើយអ្នកចាំទីរបស់ Villarreal ស៊ុតចូលដែល De Gea មិនអាចសង្គ្រោះបាន៕