ប្រធានក្រុមការងារយុវជនបក្សស្រុកអន្លង់វែង ចុះសួរសុខទុក្ខប្រជាពលរដ្ឋរងគ្រោះដោយសារខ្យល់កន្ត្រាក់

នៅរសៀលថ្ងៃទី២៦ ខែឧសភា ឆ្នាំ២០២១ ក្រុមការងារយុវជនបក្សស្រុក បក្សឃុំថ្លាតនិងបក្សភូមិស្វាយចេក សរុបចំនួន១៦ នាក់ ដឹកនាំដោយ លោក ងួន ទ្ធិរិទ្ធ ប្រធានក្រុមការងារយុវជនបក្សស្រុកអន្លង់វែង ចូលរួមដោយលោកមេភូមិ អនុភូមិ  បានចុះសាកសួរសុខទុក្ខ ប្រជាពលរដ្ឋដែលរងគ្រោះដោយសារខ្យល់កន្ត្រាក់ ដួលរលំផ្ទះ និងគ្រួសារដួលរលំផ្ទះដោយសារភ្លៀងខ្លាំងបណ្តាលអោយបាក់របងសង្កត់ផ្ទះ កាលពីវេលាម៉ោង១៩ .០០  នាទី ថ្ងៃទី២៥ ខែឧសភា ឆ្នាំ២០២១។

១/ម្ចាស់ផ្ទះឈ្មោះ អ៊ុន សុខឡេង ភេទប្រុស អាយុ៤២ ឆ្នាំ (ពោះម៉ាយ) បច្ចុប្បន្នរស់នៅភូមិ ស្វាយចេក ឃុំថ្លាត ស្រុកអន្លង់វែង ខេត្តឧត្ដរមានជ័យ។ ២/ម្ចាស់ឈ្មោះ  ភុត ឡោម អាយុ៧១ឆ្នាំ សមាជិកអតីតយុទ្ធជន(និវត្តន៍ជន) រស់នៅភូមិទួលកណ្តាល ឃុំត្រពាំងប្រិយ៍ ស្រុកអន្លង់វែង ខេត្តឧត្តរមានជ័យ។

ក្នុងឱកាសនោះដែលលោក ងួន ទ្ធិរិទ្ធ ប្រធានក្រុមការងារយុវជនបក្សស្រុកបាននាំយកអំណោយរបស់  ឯកឧត្តម ទេសរដ្ឋមន្រ្តី គន់ គីម សមាជិកអចិន្ត្រៃយ៍គណៈកម្មការកណ្ដាល ប្រធានក្រុមការងារថ្នាក់ជាតិចុះជួយ ខេត្តឧត្តរមានជ័យ និងអំណោយក្រុមការងារយុវជនបក្សទៅប្រគល់ជូន។

សម្ភារៈផ្តល់ជូនក្នុងមួយគ្រួសាររួមមាន៖ ថវិកាចំនួន ២០០.០០០ រៀល(ម្ភៃម៉ឺនរៀលគត់ ) អង្ករ ៥០គីឡូក្រាម មី១កេះ ថ្នាំពេទ្យ៥ប្រអប់ ទឹកត្រី០១យួរ ប្រេងឆា០៣ដបតូច សាប៊ូដុសខ្លួន ០១ដបសាប៊ូបោកខោអាវ ៣ កញ្ចប់ ថ្នាំដុសធ្មេញ និងច្រាសដុសធ្មេញ០២ឈុត ទឹកសុទ្ធ ១០ យួរ សរុបថវិកា ចំនួន ៨៤០.០០០ រៀល (ប៉ែតសិបបួនម៉ឺនរៀលគត់)៕

អត្ថបទ៖ ចាន់ ធី