ព័ត៌មានជាតិ
ជិះផុតតែឡើងមិនរួច រថយន្តដឹកឥដ្ឋ ថយក្រោយបុកបង្កាន់ដៃស្ពាន
ស្ពានដែកក្នុងសង្កាត់កាចាញ ត្រូវរងការខូចខាតយ៉ាងធ្ងន់ធ្ងរ បន្ទាប់ពីរថយន្តយីឌុបដឹកឥដ្ឋ មួយគ្រឿង ដឹកលើសទម្ងន់ឆ្លងកាត់ស្ពាន។
រថយន្ដម៉ាក HYUNDAI (យីឌុប)មួយគ្រឿង ដឹកឥដ្ឋលើសចំណុះឆ្លងកាត់ស្ពានមិនមើលផ្លាកសញ្ញាហាមឃាត់ ឆ្លងផុតស្ពានហើយឡើងមិនរួចរញ៉ែថយក្រោយ មកបុកនិងបង្កាន់ដៃស្ពាន បណ្ដាលឲ្យខូចដៃស្ពានសាធារណៈរបស់រដ្ឋ។
ហេតុការណ៍នេះ បានកើតឡើងកាលពីវេលាម៉ោង២ទៀបភ្លឺ កាលពីថ្ងៃទី១៥ ខែវិច្ឆិកា ឆ្នាំ២០២០ ត្រង់ចំណុចស្ពានខាងលើទឹកជ្រោះកាចាញ ស្ថិតនៅក្នុងភូមិ២ សង្កាត់កាចាញ ក្រុងបានលុង ខេត្តរតនគីរី រថយន្តយីឌុបបង្កនោះម៉ាក ហ៊ីយ៉ាន់ដាយ ពណ៌ស ពាក់ស្លាកលេខ កំពង់ចាម 3A.3963 ដឹកឥដ្ឋពេញ។
បើតាមប្រភពពីអ្នករស់នៅជិតកន្លែងកើតហេតុ បានឲ្យដឹងថា នៅវេលាម៉ោង២ទៀបភ្លឺ គេបានឮសំឡេងរថយន្តបើកឆ្លងស្ពាន លុះបានបន្តិច ក៏ឮសំឡេងដូចរន្ទះ ពួកគាត់ក៏មានការភ្ញាក់ផ្អើល នាំគ្នាស្ទុះពីដំណេកមកមើល ឃើញរថយន្តនោះថយបុកស្ពាន បណ្ដាលឲ្យរថយន្តយីឌុបនោះផ្អៀងជិតក្រឡាប់ពីលើថ្នល់។ ដោយរថយន្តយីឌុបនេះ ដឹកឥដ្ឋច្រើនពេក បណ្ដាលឲ្យរថយន្តឡើងចំណោតមិនរួច រញ៉ែថយមកក្រោយវិញ ទៅបុកបង្កាន់ដៃក្បាលស្ពាន បន្ទាប់ពីរថយន្តយីឌុបនេះឆ្លងស្ពានផុត ហើយឡើងចំណោតមិនរួច។ ប្រភពបន្តទៀតថា នៅយប់នោះខាងម្ចាស់ រថយន្តបានឲ្យកម្មកររើឥដ្ឋចេញពីឡានទាំងយប់ ដើម្បីយករថយន្តចេញដែរ ប៉ុន្តែរើមិនទាន់អស់ រហូតដល់ព្រឹកឡើង ក៏ផ្អើលដល់អាជ្ញាធរមូលដ្ឋាន ព្រមទាំងមន្ទីរសាធារណៈកាខេត្តចុះមករឹបអូសយករថយន្តដើម្បីឲ្យធ្វើការជួសជុលសងឡើងវិញ។
លោក ទុន ពៅ ចៅសង្កាត់កាចាញ បានឲ្យដឹងថា ស្ពាននេះ គឺសាងសងអំពីដែកក្រាលឈើយូរឆ្នាំមកហើយ លោកក៏បាន ឲ្យគេដាក់ស្លាកហាមឃាត់ មិនឲ្យរថយន្តដឹកលើសពី៥តោនឆ្លងកាត់នោះទេ ព្រោះខ្លាចបាក់ស្ពាន។ ម្យ៉ាងទៀតបើស្ពាននេះបាក់ គឺប៉ះពាល់ដល់ការដឹកជញ្ជូនកសិផលទៅមករបស់ប្រជាពលរដ្ឋ ហើយកន្លងមក មិនដែលមានរថយន្ត ដឹកលើសទម្ងន់អញ្ចឹងទេ។ បច្ចុប្បន្ន រថយន្ដបង្ក ត្រូវបានមន្ទីរសាធារណការខេត្ត នាំយកទៅរក្សាទុក នៅមន្ទីរដើម្បីធ្វើការដោះស្រាយទៅតាមច្បាប់៕
អត្ថបទ៖ អ៊ុច សាវុទ្ធ
សូមចុចអាន៖ កម្ពុជាកំពុងដឹកម៉ាស ២លាន ១សែន និងបរិក្ខារពេទ្យទៅជួយមិត្តឡាវដើម្បីប្រយុទ្ធប្រឆាំងជំងឺកូវីដ-១៩
-
ព័ត៌មានជាតិ១ សប្តាហ៍ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៦ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៤ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៣ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម២ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៥ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង