ព័ត៌មានជាតិ
មេឃុំផ្លូវទូកនិងប្រជាពលរដ្ឋសំណូមពរ ជួយជួសជុលផ្លូវលំក្នុងឃុំផ្លូវទូកដែលរងការ ខូច ខាតជាង ១០០ ម៉ែត្រ
ផ្លូវលំគ្រួសក្រហមនៅក្នុងឃុំផ្លូវទូក ស្រុកកំពង់លែង ដែលជាព្រះរាជអំណោយដ៏ថ្លៃថ្លា របស់ព្រះ មហាក្សត្រ សម្ដេចនរោត្តម សីហមុនី ដែលទើបនឹងសាងសង់ហើយក្នុងអំឡុង ឆ្នាំ២០២០ ក្នុងពេលនេះ បានរងការខូចខាតដោយអន្លើៗ ប្រមាណជាង ១០០ ម៉ែត្រ ។
ហេតុនេះអាជ្ញាធរឃុំផ្លូវទូក និងប្រជាពលរដ្ឋក្នុងឃុំសំណូមពរដល់រដ្ឋបាលខេត្ត មេត្តាជួយជួសជុលកំណាត់ផ្លូវដែលរងការខូចខាតខាងលើនេះ ដោយអនុគ្រោះផងចុះ ដើម្បីជួយសម្រួល ដល់ការធ្វើចរាចរទៅ មករបស់ប្រជាពលរដ្ឋនៅក្នុងមូលដ្ឋានជាប់ដងទន្លេ។
ទាក់ទងនិងផ្លូវខាងលើនេះ លោកឆេង ភាគ មេឃុំផ្លូវទូកនៅព្រឹកថ្ងៃទី ២៩ ខែឧសភា ឆ្នាំ២០២១នេះ បាននិយាយឲ្យដឹងថា ផ្លូវលំគ្រួសក្រហមមួយខ្សែខាងលើនេះ មានប្រវែង ១៤ ,២០០ គីឡូ ម៉ែត្រ គឺជាព្រះអំ ណោយដ៏ថ្លៃថ្លារបស់សម្ដេចព្រះបាទនរោត្ដម សីហមុនី ព្រះមហា ក្សត្រនៃព្រះរាជាណាចក្រកម្ពុជា ដែលក្រុមការងារសម្ដេចឪបានជួយកសាងនៅក្នុងអំឡុងឆ្នាំ ២០១៨ និង ២០១៩។
ប៉ុន្តែដោយសារភ្លៀងផ្គរក្នុងរយៈពេលជិត២ឆ្នាំកន្លងមកនេះ បានធ្វើឲ្យផ្លូវលំខាងលើនេះ រងការខូចខាតដោយអន្លើៗជាង ១០០ម៉ែត្រ។
ដោយឡាយនៅក្នុងអំឡុងឆ្នាំ២០២០ អាជ្ញាធរឃុំបានរៃអង្គាសគ្នានៅក្នុងមូលដ្ឋានជួសជុលផ្លូវខាង លើនេះអស់ទឹកប្រាក់ចំនួន៧លានរៀល រួចម្ដងមកហើយ ប៉ុន្តែការជួ សជុលនេះ មិនបានរួចរាល់ជាស្ថា ពរនោះទេ គឺនៅសល់ការខូចខាតប្រមាណជាង ១០០ ម៉ែត្រទៀត។
អាស្រ័យហេតុនេះអាជ្ញាធរឃុំ និងប្រជាពលរដ្ឋនៅក្នុងឃុំ សំណូមពរដល់រដ្ឋបាលខេត្ត ស្រុក និងមន្ទីរ សាធារណការខេត្ត មេត្តាជួយជួស ជុលកំណាត់ផ្លូវដែលខូចខាតខាង លើនេះដោយសេចក្តីអនុគ្រោះ៕
អត្ថបទ៖ ឈៀងថារិទ្ធ
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៩ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)