ព័ត៌មានជាតិ

លោក នួនផារ័ត្ន ៖ កម្មករកម្មការីមួយចំនួនប្រើពាក្យមិនសមរម្យមិនអាចទទួលយកបាន

បានផុស

៤ years មុន

នៅ

ថ្ងៃពុធ ៩ មិថុនា ២០២១

ដោយ

ភ្នំពេញ ៖ លោក នួន ផារ័ត្ន អភិបាលរងរាជធានីភ្នំពេញតាមរយៈបណ្ដាញសង្គមសរសេរថា កម្មករកម្មការី ភាគច្រើនបានសហការល្អតែមានមួយចំនួនតូចដែលមិនបានផ្តល់នូវកិច្ចសហការល្អជាមួយក្រុមគ្រូពេទ្យស្ម័គ្រចិត្តទេ រួមទាំងប្រើសំដីមិនសមរម្យមកលើក្រុមគ្រូពេទ្យស្ម័គ្រចិត្តផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបានបន្តថា ក្នុងនាមអាជ្ញាធរយើងចាត់ទុកកាយវិការដែលមិនសមរម្យទាំងនេះ ជាទង្វើដែលមិនអាចទទួលយកបានឡើយ ដោយហេតុថា ក្រុមគ្រូពេទ្យស្ម័គ្រចិត្ត គឺជាកងទ័ពស្ម័គ្រចិត្តរួមចំណែកប្រថុយនឹងគ្រោះថ្នាក់ នៅក្នុងសមរភូមិប្រយុទ្ធប្រឆាំងនឹងជំងឺកូវីដ-១៩ ដែលការស្ម័គ្រចិត្តនេះ គឺជាកាយវិការគួរឲ្យគោរពស្រលាញ់ និងស្ញប់ស្ញែង ។

ដូច្នេះ សូមបងប្អូនកម្មករ-កម្មការិនីទាំងអស់ ក៏ដូចជាបងប្អូនប្រជាពលរដ្ឋទូទៅ សូមរួបរួមគ្នា សាមគ្គីគ្នា សហការជាមួយអាជ្ញាធរយើងខ្ញុំទាំងអស់គ្នា ក៏ដូចជាក្រុមគ្រូពេទ្យស្ម័គ្រចិត្តទាំងអស់ ដើម្បីប្រយុទ្ធប្រឆាំងនឹងជំងឺកូវីដ-១៩ ដែលជាគ្រោះថ្នាក់ដ៏កាចសាហាវមួយនេះ៕

កែសម្រួលដោយ ៖ នាគព័ន្ធ