ព័ត៌មានជាតិ
សាលាស្រុកខ្សាច់កណ្ដាលទទួលអំណោយសម្ភារៈពីអង្គការ (វ័តធឺអេត) ដើម្បីការពារសុខភាពប្រជាជនអំឡុងពេលកូវីដ
នៅសាលាស្រុកខ្សាច់កណ្ដាលព្រឹកនេះ មានរៀបចំពិធីចែកអំណោយជូនដល់ប្រជាជននៅស្រុកខ្សាច់កណ្ដាល ដែលជាការជួយឧបត្ថម្ភជាសម្ភារៈអនាម័យផ្សេងៗជូនដល់ប្រជាជនតាមការឧបត្ថម្ភពីអង្គការ(វ័តធឺអេត) ដែលជាសកម្មភាពមួយ គេហៅថាខ្មែរចេះជួយគ្នាក្នុងគ្រាមានអាសន្ន ដើម្បីឲ្យប្រជាជនយើងបានរួចផុតពីជំងឺផ្សេងៗផងជាពិសេស ជំងឺកូវីដ១៩ ដែលកំពុងនៅញាំញីនៅឡើយ។
លោក ប៊ុនផេង អភិបាលស្រុកខ្សាច់កណ្ដាលមានប្រសាសន៍ឲ្យដឹងថា ក្នុងនាមអភិបាលនៃគណៈអភិបាលស្រុកខ្សាច់កណ្ដាលទាំងមូល មានចំណាប់អារម្មណ៍ខ្លាំងណាស់ ចំពោះអង្គការ (វ័តធឺអេត)ដែលបានដាក់គោលដៅជួយគាំទ្រដល់គម្រោងនានា នៅក្នុងស្រុកខ្សាច់កណ្ដាលនេះ ជាពិសេសលើវិស័យសុខាភិបាលនិងសង្គម ខ្ញុំវិញមានសេចក្ដីសោមនស្ស សប្បាយ រីករាយ និងគាំទ្រជានិច្ចដោយអង្គការនេះ មានគម្រោងច្បាស់លាស់ ដែលធ្វើឲ្យអាជ្ញាធរស្រុកយើងចង់បាននូវបញ្ហាសុខភាពរបស់ប្រជាជន ក្នុងមូលដ្ឋានយើងផងដែរ ជាពិសេស គឺការធ្វើបង្គន់អនាម័យនេះតែម្ដង។
លោកអភិបាលស្រុកខ្សាច់កណ្ដាល បានបញ្ជាក់ឲ្យដឹងទៀតថា ពេលបច្ចុប្បន្ននេះ យើងកំពុងប្រយុទ្ធប្រឆាំងនឹងជំងឺកូវីស១៩ផង ដូច្នេះបានអង្គការ (វ័តធឺអេត)គាត់បានជួយជាសម្ភារៈអនាម័យនិងមធ្យោបាយ ក្នុងការប្រយុទ្ធប្រឆាំងនឹងជំងឺកូវីដ១៩ ដល់ប្រជាជនយើងដូច្នេះខ្ញុំ មានតែសប្បាយចិត្តហើយសូមថ្លែងអំណរគុណដល់អង្គការនេះផងដែរ។ លោកបញ្ជាក់ទៀតថា ក្នុងនាមខ្ញុំជាអាជ្ញាធរស្រុកនេះទាំងមូល គឺមានសេចក្តីសោមនស្ស រីករាយ និងចូលរួមសហការជាមួយអង្គការ គឺធ្វើដើម្បីសុខភាពល្អប្រសើររបស់ប្រជាជនយើងនៅស្រុកនេះ ក៏ដូចជាប្រជាជនយើងទូទាំងប្រទេសដែរ។
លោកបន្តថាដោយឡែកបច្ចុប្បន្ន ប្រជាជនយើងនៅស្រុកខ្សាច់កណ្ដាលពេលនេះ ឃើញថាគាត់ទទួលបានអត្ថប្រយោជន៍ជាច្រើន ពីអង្កការដោយសារពីមុនប្រជាជនយើង ខ្វះខាតបង្គន់ប្រើប្រាស់និងសម្ភារៈអនាម័យដូចជាបន្ទប់ទឹកជាដើម តែឥឡូវគាត់មានបង្គន់ប្រើប្រាស់ហើយ គឺអាចកាត់បន្ថយពីជំងឺផ្សេងៗផង ដែលត្រូវចំណាយលុយកាក់ជាច្រើនទៅព្យាបាលជំងឺ។ ហើយពេលនេះប្រជាជនយើងមានសុខភាពល្អមានអាហារូបត្ថម្ភគ្រប់គ្រាន់ មានបញ្ញា ឈ្លាសវៃ ដោយបានជួយរួមចំណែក ចូលរួមក្នុងការងារមូលដ្ឋានបានទៀតផង។
លោក ឆាត សុភាព នាយកអង្គកា(វ័តធឺអេត)ប្រចាំប្រទេសបានលើកឡើងថា អង្គការយើង គឺមានគោលដៅច្បាស់លាស់ ក្នុងការធ្វើការងារទៅលើទឹកស្អាតនិងអនាម័យ សម្រាប់ខេត្តកណ្ដាល។ តែដោយសារជំងឺកូវីដ១៩ កំពុងរាលដាលផង ដូច្នេះយើងត្រូវវិលមកធ្វើសកម្មភាពមួយចំនួន ដើម្បីឆ្លើយតបទៅនឹងការចាក់វ៉ាក់សាំង ហើយយើងក៏កំពុងតែគាំទ្រដល់យុទ្ធនាការចាក់វាក់សាំងនៅស្រុកខ្សាច់កណ្ដាលនេះផងដែរ៕
អត្ថបទ៖ រុងរឿង
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ