ព័ត៌មានជាតិ

ឃាត់ខ្លួនភ្លាមៗ ម្ចាស់ក្រុមហ៊ុនម៉ៅការ គម្រោងក្រុងរណប អ្នក ឧកញ៉ា ឡេង ណាវ៉ាត្រា ដាក់កំហិតឲ្យបើកលុយដល់កម្មករត្រឹមព្រឹកនេះ

បានផុស

៥ years មុន

នៅ

ថ្ងៃចន្ទ ១៤ មិថុនា ២០២១

ដោយ

ផ្ទុះការតវ៉ាពីសំណាក់កម្មករ ដែលធ្វើការឱ្យគម្រោងក្រុងរណប Poipet Satellite City របស់អ្នកឧកញ៉ា ឡេង ណាវ៉ាត្រា ថាមិនបានបើកលុយឱ្យកម្មករ។

បន្ទាប់ពីទទួលដំណឹងនេះភ្លាម អ្នកគ្រប់គ្រងនៅគម្រោង ក្រុងរណប របស់អ្នកឧកញ៉ា បានស្វែងរកតាមឃាត់ខ្លួនម្ចាស់ក្រុមហ៊ុនKMB ដែលជាអ្នកម៉ៅការសាងសង់ ដើម្បីមកបើកលុយឲ្យកម្មករជាកំហិតនៅម៉ោង១១៖៣០ នាទីថ្ងៃនេះតែម្ដង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គម្រោងសាងសង់ក្រុងរណបរបស់អ្នកឧកញ៉ា ដែលមានផ្ទៃដីទំហំរហូតជិត៤ ពាន់ហិចតា បានម៉ៅការទៅឱ្យក្រុមហ៊ុន (KMB) សាងសង់អគារពាណិជ្ជកម្មគ្រោង៣០អគារ មានដូចជាកាស៊ីណូ ហូតែល រីស៊ត ខុនដូ នឹងអគារពាណិជ្ជកម្មជាច្រើនទៀត។

ដោយឡែកកាលថ្ងៃទី១២ ខែមិថុនា ឆ្នាំ២០២១ ពេលល្ងាច បានផ្ទុះការតវ៉ាមានសំឡេងស្រែកឱ្យអ្នកឧកញ៉ាជួយបើកលុយឱ្យកម្មករ។

នៅព្រឹកថ្ងៃនេះ អ្នកគ្រប់គ្រងគម្រោងបានបញ្ជាក់មកថា ប៉េអិមបានឃាត់ខ្លួនម្ចាស់ក្រុមហ៊ុន(KMB)តាំងពីល្ងាចម្សិលមិញដើម្បីបើកលុយឱ្យកម្មករក្នុងថ្ងៃនេះជាកំហិត ព្រោះក្រុមហ៊ុនម៉ៅការនេះបំពានកិច្ចសន្យានឹងធ្វើឱ្យប៉ះពាល់កិត្តិយសដល់គម្រោងអ្នកឧកញ៉ា ឡេងណាវ៉ាត្រា៕

(ទស្សនា វីដេអូ)