ព័ត៌មានជាតិ

អាយុថ្លៃ ត្រូវរន្ទះបាញ់ចំកណ្តាលខ្នងតែមិនស្លាប់

បានផុស

៥ years មុន

នៅ

ថ្ងៃសុក្រ ១៨ មិថុនា ២០២១

ដោយ

បាត់ដំបង ៖ ក្មេងជំទង់ម្នាក់ នៅក្នុងចំណោមគ្នីគ្នា៤នាក់ កំពុងត្រូវបានក្រុមគ្រូពេទ្យជួយសង្គ្រោះ បន្ទាប់ពីត្រូវរន្ទះបាញ់ចំកណ្តាលខ្នងបណ្តាលឲ្យរងរបួស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សេង លុច អធិការនគរបាលស្រុកថ្មគោល បានបញ្ជាក់ថា ករណីគ្រោះធម្មជាតិនេះបានកើតឡើង កាលពីវេលាម៉ោង ២ រសៀល ថ្ងៃទី១៨ ខែ មិថុនា ឆ្នាំ ២០២១ ត្រង់ចំណុចវាលស្រែ លើកំណាត់ផ្លូវប្រាសាទ ក្នុងឃុំតាពូង ស្រុកថ្មគោល ខេត្តបាត់ដំបង ខណៈដែលមេឃកំពុងធ្លាក់ភ្លៀង។

ករណីរន្ទះបាញ់នេះ បានកើតឡើងទៅលើឈ្មោះ សារី ថងឌី ហៅសុខ ភេទប្រុស អាយុ១៦ឆ្នាំ មានទីលំនៅក្រុមទី៣ ភូមិប៉ោយសំរោង ឃុំតាពូង ស្រុកថ្មគោល ខេត្តបាត់ដំបង។ ដោយមុនពេលភ្លៀងឈ្មោះ ថងឌី ហៅសុខ បាននាំគ្នា៤នាក់ទៅបាញ់សត្វនៅវាលស្រែ លុះពេលមេឃរកភ្លៀង ពួកគេក៏នាំគ្នាត្រឡប់មកផ្ទះវិញ ដោយមកដល់ចំណុចផ្លូវប្រាសាទ ភ្លៀងក៏កំពុងធ្លាក់ស្រាប់តែរន្ទះបានបាញ់ចំឈ្មោះ សារី ថងឌី ហៅសុខ ០១នាក់ ចំកណ្ដាលខ្នង បណ្ដាលឲ្យរងរបួស បន្ទាប់មកក្រុមគ្រួសារបានបញ្ជូនជនរងគ្រោះទៅកាន់មន្ទីរពេទ្យបង្អែកស្រុកថ្មគោលដើម្បីសង្គ្រោះ ដោយបច្ចុប្បន្ននេះក្មេងប្រុសរងគ្រោះកំពុងស្ថិតក្នុងការព្យាយាមសង្គ្រោះពីក្រុមគ្រូពេទ្យនៅឡើយ៕

ដោយ ៖ សោ និយមរ័ត្ន