ព័ត៌មានជាតិ

អាជីវករផ្សារទួលសង្កែតវ៉ាឱ្យបើកផ្សារ និងសុំផ្អាកយកថ្លៃឈ្នួលតូប

បានផុស

៤ years មុន

នៅ

ថ្ងៃអង្គារ ២២ មិថុនា ២០២១

ដោយ

អាជីវករផ្សារធំទួលសង្កែ ហៅផ្សារសាំហាន់ ប្រមាណ ៥០ នាក់ នៅថ្ងៃទី ២២ ខែមិថុនានេះ បានប្រមូលផ្ដុំគ្នា តវ៉ា ឱ្យអាជ្ញាធរបើកដំណើរការផ្សារលក់ដូរឡើងវិញ និងស្នើសុំឱ្យថៅកែផ្សារផ្អាកយកលុយថ្លៃតូប ខណៈផ្សារកំពុងស្ថិតក្នុងពេលបិទខ្ទប់។

អាជីវករលក់ដូរផ្សារ បានឱ្យដឹងថា ផ្សារទួលសង្កែ ស្ថិតនៅសង្កាត់ទួលសង្កែទី១ ខណ្ឌឬស្សីកែវ រាជធានីភ្នំពេញ ត្រូវបានអាជ្ញាធរបិទខ្ទប់ និងផ្អាកដំណើរការជាង ២ ខែមកហើយ ចាប់តាំងពីការផ្ទុះកូវីដខ្លាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មួយរយៈពេលនេះស្ថានភាពកូវីដ វាបានធូស្បើយឡើងវិញ នៅរាជធានីភ្នំពេញ ផ្សាររដ្ឋនានា ក៍ត្រូវបានរដ្ឋបាលរាជធានីពេញ បានបើកដំណើរ ការឡើងវិញ។

ម្យ៉ាងវិញទៀត ផ្សារមិនរៀបរយនៅតាមដងផ្លូវ ខាងលិច ផ្សារសាំហាន់,និងខាងមុខ ក៍បានបើកលក់វិញ និងម្យ៉ាងទៀត រោងចក្រ នៅទល់មុខនោះ ក៍បានបើកដំណើរការឡើងវិញ។

ដោយឡែក ពួកគាត់ដែល លក់ដូរ នៅក្នុងផ្សារសាំហាន់ ដែលជាទីតាំង មានផ្លូវធំទូលាយ និងតូបលក់ដូរ មានរបៀបរៀបរយល្អ ជាងផ្សាររដ្ឋមួយចំនួនផង ពុំត្រូវបានអាជ្ញាធរ បើកអោយលក់ដូរបែបនេះទៅវិញ។

អាជីវករ ក៍បាននិយាយត្អូញត្អែរថា មួយរយះពេលកន្លងនេះពួកគាត់រស់នៅ ក្នុងតំបន់បិទខ្ទប់ លំបាកវេទនាណាស់និយាយមិនពេញខ្លះ ស្ទើរ អត់បាយហូប ណាមួយ លុយបង់ធានាគា, លុយបង់ថ្លៃផ្ទះជួល និងលុយបង់ថ្លៃតូប ដែលបិទផ្សារមិនបានលក់ដូរ ហើយត្រូវថៅកែផ្សារទារឱ្យបង់៥០ភាគរយទៀត។

ដោយសារតែស្ថានភាពសេដ្ឋកិច្ច គ្រូសារធ្លាក់ចុះ ណាមួយឃើញ ផ្សាររដ្ឋ មួយចំនួន រោងចក្រ បានដំណើរការឡើងវិញ ទើបពួកគាត់ស្នើសុំដល់អាជ្ញាធរ មេត្តាជួយសម្រួល បានបើកផ្សារសាំហាន់នេះ បានលក់ដូរ រកស៊ី ឡើងវិញដើម្បីផ្គត់ផ្គង់ជីវភាពបន្តទៅទៀត។

អាជីវករផ្សារបានឱ្យដឹងថា ប្រសិនជា រដ្ឋបាលរាជធានីភ្នំពេញ មិនទាន់បើកដំណើរការផ្សារនេះឡើងវិញនោះទេដោយយល់ថា ស្ថានភាពកូវីដ១៩ មិនអំណោយផល អាជ្ញាធរ គួរជួយអន្តរាគមន៍ ដើម្បី ឱ្យថៅកែផ្សារ កុំយកថ្លៃឈ្មួលតូបមួយរយៈ នៅពេល ដែល ផ្សារកំពុងតែបិទទ្វារ៕

អត្ថបទ៖ ឌីរៀ

Related Topics:ខណ្ឌឫស្សីកែវ