ព័ត៌មានជាតិ

ភរិយាអតីតយុទ្ធជនពលី បានទទួលខ្នងផ្ទះទី ១៩៤ អំណោយរបស់សម្ដេចតេជោ និងសម្តេចកិត្តិព្រឹទ្ធបណ្ឌិត

បានផុស

៥ years មុន

នៅ

ថ្ងៃពុធ ១៤ កក្កដា ២០២១

ដោយ

ឧត្តមសេនីយ៍ទោ សោម ស៊ុន ប្រធានសមាគមអតីតយុទ្ធជនកម្ពុជាខេត្តកំពង់ធំ និងអាជ្ញាធរដែនដី បានអញ្ជើញចុះប្រគល់ផ្ទះមួយខ្នង ដែលជាខ្នងផ្ទះលើកទី១៩៤ អំណោយដ៏ថ្លៃថ្លារបស់សម្ដេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត តាមរយៈឯកឧត្តមទេសរដ្ឋមន្ត្រីនាយឧត្តមសេនីយ៍គន់ គីម អគ្គលេខាធិការសមាគមអតីតយុទ្ធជនកម្ពុជាជូនលោកស្រី នៅ ស៊ឹម ដែលត្រូវជាភរិយាលោក សរ នី អតីតយុទ្ធជនពលី រស់នៅភូមិត្រស់ ឃុំបល្ល័ង្គ ស្រុកបារាយណ៍ ខេត្តកំពង់ធំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សរ នី ជាអតីតយុទ្ធជនពលី នៅអង្គភាពកងពលលេខ៥ ឈរជើងនៅតំបន់អានសេះ ខេត្តព្រះវិហារ បាន ពលី ជីវិត ដោយ សារ សង្គ្រាម នៅក្នុងឆ្នាំ១៩៨៤ ក្រុមគ្រួសារមានជីវភាពលំបាកខ្វះខាត ពុំមានលទ្ធភាពសាងសង់ជម្រកស្នាក់បានសមរម្យ បានទទួលខ្នងផ្ទះទី ១៩៤ ពីសម្តេចតេជោ នៅព្រឹកថ្ងៃទី១៤ ខែកក្កដា ឆ្នាំ២០២១។

លោកស្រី នៅ ស៊ឹម អាយុ៦១ឆ្នាំ មានកូននិងចៅកំព្រានៅក្នុងបន្ទុកចំនួន៤នាក់ ប្រកបមុខរបរលក់នំចំណីនៅតាមផ្សារដើម្បីប្រាក់ទិញអង្ករ ចិញ្ចឹមជីវិតជាមួយកូននិងចៅកំព្រា ឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ បានពាំនាំនូវការផ្តាំផ្ញើសាកសួរសុខទុក្ខពីសំណាក់សម្ដេចអគ្គមហាសេនាបតីតេជោ ហ៊ុន សែន និងសម្ដេចកិត្តិព្រឹទ្ធបណ្ឌិតតែងតែគិតគូរ អំពីសុខទុក្ខនិងជីវភាពរស់នៅរបស់បងប្អូនអតីតយុទ្ធជននៅគ្រប់ទីកន្លែង ព្រោះអតីតយុទ្ធ ជនយើងបានរួមចំណែកយ៉ាងធំធេង ធ្វើឲ្យប្រទេសជាតិយើងមានសុខសន្តិភាព បើគ្មានអតីតយុទ្ធជនក៏គ្មានអ្វីៗគ្រប់យ៉ាងនៅថ្ងៃនេះដែរ។

ឧត្តមសេនីយ៍ទោ សោម ស៊ុន បានបញ្ជាក់ថាផ្ទះដែលប្រគល់ជូន គ្រួសារអតីតយុទ្ធជនពលី មានទំហំ ៤ម៉ែត្រX៦ម៉ែត្រ សាងសង់ខ្ពស់ផុតពីដី សសរបេតុង ឆ្អឹង ដែក រនាបក្តារ ដំបូលប្រក់ស័ង្កសីកិនភ្លី និងជណ្ដើរកាច់ សាងសង់ដោយក្រុមការងារនៃគណៈកម្មាធិការសមាគមអតីតយុទ្ធជនកម្ពុជា ខេត្តកំពង់ធំ និងបានអំពាវនាវឲ្យប្រជាពលរដ្ឋទាំងអស់ ដែលមានអាយុចាប់ពី១៨ឆ្នាំឡើង ទៅចាក់វ៉ាក់សាំងតាមទីកន្លែង ដែលបានកំណត់របស់អាជ្ញាធរឲ្យបានគ្រប់ៗគ្នា និងត្រូវអនុវត្តឲ្យបានម៉ឺងម៉ាត់នូវវិធានការ ៣កុំ និង៣ការពារ របស់សម្ដេចតេជោ ហ៊ុន សែន។

ឧត្តមសេនីយ៍ទោ សោម ស៊ុន បានយកអំណោយ ឯកឧត្តមឧត្តមសេនីយ៍ឯក ហ៊ុន ម៉ាណែត និងលោកជំទាវ ពេជ្រ ចន្ទមុន្នី ឧបត្ថម្ភមានអង្ករ៥០ គ.ក មី២កេស ទឹកត្រី១យួរ ត្រីខ១យួរ និងថវិកាមួយ អាជ្ញាធរដែនដី និងក្រុមគ្រួសារអតីតយុទ្ធជនពលី បានអំណរគុណសម្ដេចតេជោ ហ៊ុន សែន និងសម្ដេចគតិព្រឹទ្ធបណ្ឌិត និងឯកឧត្តម ហ៊ុន ម៉ាណែត និងលោកជំទាវ ព្រមទាំងគណៈកម្មាធិការសមាគមអតីតយុទ្ធជនកម្ពុជា ខេត្តកំពង់ធំ មានសុខភាពល្អចៀសផុតពីមេរោគដ៏សាហាវនេះ៕

អត្ថបទ៖ ប៊ុន រដ្ឋា