ព័ត៌មានជាតិ

អាជ្ញាធរខណ្ឌដូនពេញចុះផ្អាកអាជីវកម្មភោជនីយដ្ឋាន(MOB)

បានផុស

៥ years មុន

នៅ

ថ្ងៃព្រហស្បតិ៍ ១៥ កក្កដា ២០២១

ដោយ

កម្លាំងគណៈបញ្ជាការឯកភាពខណ្ឌដូនពេញ ដែលបញ្ជាដឹកនាំផ្ទាល់ដោយអភិបាលខណ្ឌចុះផ្អាកអាជីវកម្មភោជនីយដ្ឋានមួយកន្លែង ដែលហ៊ានបើកទទួលភ្ញៀវពពាក់ពពូននាំឲ្យមានហានិភ័យនៃការឆ្លងកូវីដ១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រតិបត្តិការណ៍នោះធ្វើឡើងនៅរាត្រីថ្ងៃទី១៤ ខែកក្កដា ឆ្នាំ២០២១ នៅភោជនីយដ្ឋានយីហោ MOB មានទីតាំងនៅតាមបណ្ដោយផ្លូវ២១៤ កែងផ្លូវ៥៥ សង្កាត់បឹងរាំង ខណ្ឌដូនពេញ ដោយសារតែមិនគោរពតាមការណែនាំរបស់អាជ្ញាធរខណ្ឌក៏ដូចជាការណែនាំរបស់ក្រសួងសុខាភិបាល ។

តាមការឲ្យដឹងពីអ្នកជិតខាងថាភោជនីយដ្ឋានយីហោ MOB ខាងលើ គឺបើកដំណើរការ ទទួលភ្ញៀវពពាក់ពពូនគ្នាដោយមិនមានការរក្សាគម្លាត និងមិនគោរពតាមការណែនាំរបស់ក្រសួងសុខាភិបាលបានណែនាំ ។ កន្លងមក អាជ្ញាធរមូលដ្ឋានបានចុះមកណែនាំជាច្រើនលើកច្រើនសារ តែភោជនីយដ្ឋានខាងលើ នៅតែមិនស្តាប់តាមការណែនាំនៅយប់ថ្ងៃកើតហេតុ គណៈបញ្ជាការឯកភាពខណ្ឌក៏សម្រេចផ្អាកអាជីវកម្ម ភោជនីយដ្ឋាន យីហោ MOB នោះជាបណ្តោះអាសន្នរង់ចាំមានការសម្រេចជាថ្មីទើបអនុញ្ញាតឲ្យដំណើរការឡើងវិញ។ ចំពោះម្ចាស់ហាង ក៏បានទទួលស្គាល់នូវកំហុសឆ្គងខ្លួន និងព្រមឲ្យអាជ្ញាធរផ្អាកអាជីវកម្មខ្លួនដោយគ្មានលក្ខខណ្ឌ។

ជាមួយគ្នានោះកម្លាំងគណៈបញ្ជាការឯកភាព បានបន្តត្រួតពិនិត្យ នៅទីតាំងផ្សេងទៀតនៅក្នុងមូលដ្ឋានខណ្ឌ ដើម្បីត្រួតពិនិត្យលើការងារសន្តិសុខសណ្តាប់ធ្នាប់របៀបរៀបរយសាធារណៈ និងពិនិត្យតាមបណ្តាលមូលដ្ឋានអាជីវកម្មហាមឃាត់ដែលបានណែនាំឲ្យផ្អាកអាជីវកម្មជាបណ្តោះអាសន្ន ដើម្បីចូលរួមទប់ស្កាត់ជំងឺកូវីដជាលទ្ធផលទទួលបានដូចជា៖ ១/បទល្មើសផ្សេងៗ៖ គ្មាន, ២/សណ្តាប់ធ្នាប់របៀបរៀបរយសាធារណៈបានធ្វើការផ្សព្វផ្សាយណែនាំបំបែកការប្រមូលផ្តុំ និងដកហូតម៉ូតូចតលើផ្លូវអត់ សណ្តាប់ធ្នាប់នៅលើផ្លូវ១៣៦ ផ្លូវ១៣០ ស្ថិតក្នុងសង្កាត់ផ្សាកណ្តាល១ ចំនួន៨គ្រឿងមករក្សាទុកនៅសាលាខណ្ឌ, ៣/គ្រោះថ្នាក់ផ្សេងៗ៖ គ្មាន៤/ ស្ថានភាពអាជីវកម្ម បានបន្តការណែនាំអាជីវកម្មបាបារាំង នៅក្នុងសង្កាត់ផ្សារកណ្តាល១ សង្កាត់វត្តភ្នំ សង្កាត់ជ័យជំនះ និងសង្កាត់ផ្សារថ្មីទី៣ ឲ្យបន្តផ្អាកជាបណ្តោះអាសន្នបន្តទៀតរហូតដល់មានគោលការណ៍ណែនាំថ្មី, អាជីវកម្មម៉ាស្សាតាមបណ្តោយផ្លូវព្រះស៊ីសុវត្ថិ ផ្លូវលេខ៨០ ស្ថិតក្នុងសង្កាត់ស្រះចក បានបន្តផ្អាកអាជីវកម្មជាបណ្តោះអាសន្នបន្តទៀតតាមគោលការណ៍ណែនាំ, បានធ្វើកំណត់ហេតុណែនាំភោជនីយដ្ឋានសាច់អាំងនៅផ្លូវលេខ១០៨ ស្ថិតក្នុងសង្កាត់វត្តភ្នំ ហាមការប្រមូលផ្តុំខុសការណែនាំ ការអនុវត្តវិធានការ៣ការពារ ៣កុំ, បានធ្វើកំណត់ហេតុបិទអាជីវកម្មភោជនីយដ្ឋានបាបារាំងយីហោភ្លេកដានីញែល លួចបើកល្មើសការណែនាំពពាក់ពពូនមនុស្សផឹកស៊ី មិនគោរពវិធានសុខាភិបាល។

លោក ចាន់គន្ថេត អភិបាលរងខណ្ឌដូនពេញបានបញ្ជាក់ថា បើមានមានការបើកដំណើរការ អាជីវកម្ម មិនស្តាប់តាមការណែនាំរបស់ក្រសួងសុខាភិបាល អាជ្ញាធរ និងមានវិធានការផ្អាកអាជីវកម្មទាំងនោះ ដើម្បីជាការចូលរួមចំណែកទប់ស្កាត់ការរីករាលដាលជំងឺកូវីដ១៩៕

អត្ថបទ៖ រស្មី

Related Topics:ត្រួតពិនិត្យ កូវីដ-១៩

ព័ត៌មានអន្ដរជាតិ២ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា