ព័ត៌មានជាតិ

បិទផ្សារ ហ៊ុយ ឡេង ជាបណ្តោះអាសន្នក្រោយមានអាជីវករឆ្លងជំងឺកូវីដ

បានផុស

៥ years មុន

នៅ

ថ្ងៃអាទិត្យ ១៨ កក្កដា ២០២១

ដោយ

ផ្សារ ហ៊ុយ ឡេង ដែលស្ថិតក្នុងភូមិគោរដ្ឋាន សង្កាត់អូរអំបិល ក្រុងសិរីសោភ័ណ ត្រូវបានផ្អាកការលក់ដូរបណ្តោះអាសន្នក្រោយមានករណីឆ្លងរីករាលដាលជំងឺកូវី-១៩ លើអាជីវករជាអ្នកលក់ដូរ នេះបើយោងតាមសេចក្តីសម្រេចរបស់រដ្ឋបាលខេត្តបន្ទាយមានជ័យ ដែលអ្នកយកព័ត៌មានយើងទទួលបាននៅល្ងាចថ្ងៃទី១៨ខែកក្កដា ឆ្នាំ២០២១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ផ្សារ ហ៊ុយ ឡេង ត្រូវបានផ្អាកបណ្តោះអាសន្នចាប់ពីរសៀលថ្ងៃទី១៨ ខែកក្កដា រហូតដល់ថ្ងៃទី០១ ខែសីហា ឆ្នាំ២០២១។ ការផ្អាកលក់ដូរបណ្តោះនេះ ធ្វើឡើងដើម្បីបញ្ចៀសការឆ្លងរីករាលដាលជំងឺកូវីដ-១៩ទៅលើអាជីវករនិងអ្នកទិញទំនិញផ្សេងទៀត។

ក្រោយការផ្អាកបណ្តោះអាសន្នផ្សារ ហ៊ុយ ឡេង រយៈពេល១៤ថ្ងៃ រដ្ឋបាលខេត្តក៏បានអំពាវនាវឱ្យអ្នកដែលពាក់ព័ន្ធ មានក្រុមសន្តិសុខ បុគ្គលិក-កម្មករ អាជីវករ អតិថិជន និងអ្នកពាក់ព័ន្ធត្រូវចូលរួមសហការជាមួយអាជ្ញាធរមូលដ្ឋាន មន្ត្រីជំនាញ និងមន្ត្រីសុខាភិបាលដើម្បីទៅយកសំណាកវិភាគរកមេរោគនិងធ្វើចត្តាឡីស័កឱ្យបានត្រឹមត្រូវតាមការណែនាំរបស់ក្រសួងសុខាភិបាល។

គណៈកម្មាការផ្សារត្រូវចូលរួមសហការជាមួយអាជ្ញាធរមូលដ្ឋាន មន្ត្រីជំនាញនិងមន្ត្រីសុខាភិបាលដើម្បីស្រាវជ្រាវនិងកំណត់អ្នកប៉ះពាល់ផ្សេងៗទៀតនិងចូលរួមអនុវត្តន៍វិធានការរដ្ឋបាលនិងវិធានការសុខាភិបាលឱ្យបានម៉ឺងម៉ាត់។ នៅក្នុងកំឡុងពេលអនុវត្តន៍វិធានការផ្អាកបណ្តោះអាសន្នត្រូវបានហាមឃាត់រាល់ការចេញ ចូល ជួបជុំឬប្រមូលផ្តុំមនុស្សក្នុងមូលដ្ឋានផ្សារហ៊ុយឡេង លើកលែងតែករណីចាំបាច់មួយចំនួនប៉ុណ្ណោះ៕

អត្ថបទ ៖ ពៅ