ព័ត៌មានជាតិ
ឃាត់ខ្លួនជនសង្ស័យម្នាក់ ក្រោយវាយជនបរទេសគេចខ្លួនបាន៤ថ្ងៃ
ជនដៃដល់ម្នាក់ ក្រោយពីប្រើបំពង់ទីបវាយលើជនបរទេសបណ្តាលឲ្យរបួសធ្ងន់ហើយព្យាយាមគេចខ្លួនបាន៤ថ្ងៃ ត្រូវបានកម្លាំងសមត្ថកិច្ចមូលដ្ឋានឃាត់ខ្លួនតែម្តង។
មន្ត្រីនគរបាលប៉ុស្តិ៍ស្រះចកនៃអធិការដ្ឋាននគរបាលខណ្ឌដូនពេញបានឲ្យដឹងថា ករណីហិង្សាដោយចេតនាមានស្ថានទម្ងន់ទោស(យកដែកបំពង់ទីបវាយបណ្តាលអោយរបួស) បានកើតឡើងនៅចំណុចមុខផ្ទះលេខ៣ ផ្លូវបេតុង ភូមិ៦ សង្កាត់ស្រះចក ខណ្ឌដូនពេញ រាជធានីភ្នំពេញ កាលពីថ្ងៃទី១៥ ខែកក្កដា ឆ្នាំ២០២១ វេលាម៉ោង១៨និង០០នាទី។ ជនសង្ស័យត្រូវចាប់ខ្លួននៅថ្ងៃទី១៩ ខែកក្កដា ឆ្នាំ២០២១ វេលាម៉ោង១៣និង៣០នាទី។
សមត្ថកិច្ចបានបញ្ចាក់ថា ជនសង្ស័យមានឈ្មោះ ម៉ម វណ្ណៈ ហៅឆាង ភេទប្រុស អាយុ២៥ឆ្នាំ ជនជាតិខ្មែរ មុខរបរ និងទីលំនៅមិនពិតប្រាកដ។ ចំណែកជនរងគ្រោះឈ្មោះ KHANAL UDAY RAJ ភេទប្រុស អាយុ២៨ឆ្នាំ ជនជាតិនេប៉ាល់ មុខរបរបុគ្គលិកក្រុមហ៊ុន ផារ៉ាដាយ មេគង្គ ស្នាក់នៅផ្ទះជួល២០ដេ ផ្លូវលេខ២៨៨ សង្កាត់បឹងកេងកង២ ខណ្ឌបឹងកេងកង រាជធានីភ្នំពេញ(របួសក្បាលផ្នែកខាងស្តាំ)។
សមត្ថកិច្ចបានឲ្យដឹងថា នៅនៅថ្ងៃទី១៥ ខែកក្កដា ឆ្នាំ២០២១ វេលាម៉ោង១៨និង០០នាទី ជនរងគ្រោះបានជិះកង់មកឈប់ហៅមិត្តភ័ក្ដិមុខផ្ទះលេខ៣ ផ្លូវបេតុង ភូមិ៦ សង្កាត់ស្រះចក ខណ្ឌដូនពេញ ស្រាប់តែជនសង្ស័យបានដើរមកដល់សួរទៅជនរងគ្រោះជាភាសាអង់គ្លេស ត្រូវការឲ្យខ្ញុំជួយទេ ជនរងគ្រោះបានឆ្លើយជាភាសាអង់គ្លេសតបមកវិញ ខ្ញុំមិនត្រូវការអ្នកឯងទេ ស្រាប់តែជនសង្ស័យខឹងបានទាញដែកបំពង់ទីបប៉ុនវាយទៅលើជនរងគ្រោះបីបួនបំពង់ទីបចំក្បាលបែកហូរឈាមរួចកាន់ដែកទីបគេចខ្លួនបាត់។
ក្រោយពីលាងរបួសរួច ជនរងគ្រោះបានមកដាក់ពាក្យបណ្តឹងនៅប៉ុស្តិ៍នគរបាលរដ្ឋបាលស្រះចក។ បន្ទាប់ពីទទួលបានបណ្តឹងជនរងគ្រោះប៉ុស្តិ៍បានធ្វើការស្រាវជ្រាវរហូតមកដល់ថ្ងៃទី១៩ ខែកក្កដា ឆ្នាំ២០២១ វេលាម៉ោង១៣និង៣០នាទី ក៏ឃាត់ខ្លួនជនសង្ស័យបាននៅចំណុចមុខវិហារចាម ផ្លូវបេតុង ភូមិ២២ សង្កាត់ស្រះចក ខណ្ឌដូនពេញ រាជធានីភ្នំពេញ យកមកធ្វើការសាកសួរ។
ក្រោយពីសាកសួរជនសង្ស័យឈ្មោះ ម៉ម វណ្ណៈ ហៅឆាង បានសារភាពថា ខ្លួនបានយកដែកបំពង់ទីបវាយលើជនរងគ្រោះបណ្តាលឲ្យបែកក្បាលហូរឈាមប្រាកដមែន ហើយដែកបំពង់ទីបនោះខ្លួនបានយកទៅបោះចោលមុនពេលគេចខ្លួន។
បច្ចុប្បន្នជនសង្ស័យកំពុងកសាងសំណុំរឿងបញ្ជូនទៅចាត់ការតាមនិតិវិធី៕
អត្ថបទ ៖ រស្មី
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
កសិករចិញ្ចឹមគោបាយជិត ៣០០ក្បាល ផ្ដាំកសិករផ្សេងឱ្យងាកមកចិញ្ចឹមគោប្រភេទនេះ ព្រោះងាយស្រួលចិញ្ចឹម
១៧ ខេត្តក្នុងចំណោម ២៥ រាជធានីខេត្ត បញ្ចប់ចុះតាមដានការអនុវត្តយានយន្តកែច្នៃខុសលក្ខណៈបច្ចេកទេស
អ៊ីស្រាអែលសម្លាប់មនុស្សជិត ៩០០នាក់ ចាប់តាំងពីលែងអនុវត្តបទឈប់បាញ់នៅតំបន់ហ្គាហ្សា
វេទិកា JASTIP របស់ជប៉ុននឹងជួយកម្ពស់វិស័យវិទ្យាសាស្ត្រ បច្ចេកវិទ្យា និងនវានុវត្តន៍នៅកម្ពុជា
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
-
ព័ត៌មានអន្ដរជាតិ២០ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?
-
សន្តិសុខសង្គម១៩ ម៉ោង agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ