Connect with us

ព័ត៌មានជាតិ

ត្រៀមយកវិទ្យាល័យអន្លង់វិល ជាទីតាំងធ្វើចត្តាឡីស័កសម្រាប់ពលករមកពីប្រទេសថៃ​

បានផុស

នៅ

​លោក ងួន រតនៈ​ អភិបាលខេត្ត​​បាត់ដំបង ​រួមជាមួយ​មន្ត្រី​នៃ​មន្ទីរ​ពាក់ព័ន្ធ​បាន​ចុះពិនិត្យទីតាំង​សាលា​វិទ្យាល័យ​អន្លង់​វិល ​ក្នុងស្រុក​សង្កែ ​ខេត្តបាត់ដំបង ​ដើម្បី​ត្រៀម​រៀបចំ​ធ្វើជា​មណ្ឌល​ច​ត្តា​ឡី​ស័ក​ ក្នុងការ​ត្រួតពិនិត្យ​សុខភាព​សម្រាក​រយៈពេល​ចំនួន​១៤​ថ្ងៃ​ ក្រោយពី​បងប្អូន​ពលករបាន​វិលត្រឡប់​ពី​ប្រទេស​ថៃ​វិញ​គឺ​ត្រូវបញ្ជូន​ឲ្យ​មកកាន់​មណ្ឌលច​ត្តា​ឡី​ស័ក​នៅទីនេះ​តែម្តង​។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងឱកាស​ចុះ​ពិនិត្យ​នា​រសៀល​ថ្ងៃទី​២៣​ ខែកក្កដា​ លោក ​ងួន ​រតនៈ ​បាន​មានប្រសាសន៍​ឲ្យ​ដឹងថា ទីតាំង​ដែល​ត្រូវ​គ្រោង​រៀបចំ​នេះ យ៉ាងហោចណាស់​ចំនួន​០៣​ទីតាំង​ផ្សេងៗ​គ្នា​ ក្នុងស្រុក​សង្កែ​សម្រាប់​ត្រៀម​ទទួល​បងប្អូន​ពលករ​ក្រោយពី​បាន​វិលត្រឡប់​មកពី​ប្រ​ទេស​ថៃ​ តាម​ច្រកព្រំដែន​នានា ​ដូចជា​ខេត្ត​ឧ​ត្ត​រ​មានជ័យ​ និង​ខេត្ត​មួយចំនួនទៀត​ ក្រៅពី​ពលករ​ចូលមក​តាម​ច្រក​នានា​ នៃ​ខេត្តបាត់ដំបង​។​

លោក​ សុខ ​ហឿន ​អភិបាលស្រុក​សង្កែ​ ក៏បាន​បញ្ជាក់​ឲ្យ​ដឹង​ដែរ​ថា ​តាម​តម្រូវការ​ចាំបាច់​របស់​រដ្ឋបាលខេត្ត​អាជ្ញាធរ​ស្រុក​អាច​ផ្តល់​ទីតាំង​ និង​រៀបចំ ​ចំនួន​៣​កន្លែង​ដើម្បី​ធ្វើជា​មណ្ឌល​ច​ត្តា​ឡី​ស័ក​សម្រាប់​ត្រួតពិនិត្យ​សុខភាព​ពលករ​ដែល​វិលត្រឡប់​ពី​ប្រទេស​ថៃ ​តាម​ច្រក​របៀង​នានា​ នៃ​ខេត្តបាត់ដំបង​និង​ពលករ​មកពី​តាម​បណ្តា​ខេត្ត​មួយចំនួន​ក្នុងការ​សម្រាក​នៅ​រយៈពេល​១៤​ថ្ងៃ​ដើម្បី​ត្រួតពិនិត្យ​សុខ​ភាព​យក​វត្ថុ​សំណាក​ធ្វើ​តេស្ត​រក​មេរោគ​កូ​វីដ-១៩​ មុន​នឹង​ឲ្យ​វិលត្រឡប់​ទៅកាន់​លំនៅដ្ឋាន​ និង​ស្រុកកំណើត​របស់ខ្លួន​វិញ​ក្រោយពី​ធ្វើ​តេស្ត​”​អវិជ្ជមាន​”​។​

លោក​អភិបាលស្រុក​បាន​បន្តថា ទីតាំង​សាលារៀន​ដែល​ត្រូវ​រៀបចំ​មាន​៣​ទីតាំង​ផ្សេងគ្នា​ក្នុងស្រុក​នេះ​យ៉ាងហោចណាស់​អាច​ទទួលបងប្អូន​ពលករ​សរុប​ប្រមាណ​១​ពាន់​នាក់​អាចមក​សម្រាក​ក្នុង​មណ្ឌល​ច​ត្តា​ឡី​ស័ក​ដើម្បី​អនុវត្តតាម​វិធានការ​រយះពេល​១៤​ថ្ងៃ​បាន​ដោយ​មាន​ផាសុខភាព​ល្អ​​ដើម្បី​ឲ្យ​ក្រុមគ្រូពេទ្យ​តាម​ដាន​លើ​សុខភាព​របស់​ពួកគេ​ជាប្រចាំ​ខណៈ​ដែល​ពលករ​ដែល​ត្រូវ​មក​សម្រាក​តាមដាន​រោគសញ្ញា​នៅទី​នេះ​គឺជា​ពលករ​ចម្រុះ​ដែល​បានមកពី​តាម​បណ្តា​ខេត្ត​នានា​ក្រោយ​ពួកគេ​បាន​វិលត្រឡប់មកពី​ប្រទេស​ថៃ​តាម​ច្រកព្រំដែន​ដែល​ស្ថិតក្នុង​ភូមិសាស្ត្រ​ខេត្ត​ឧ​ត្ត​រ​មានជ័យ​ដែល​និង​ត្រូវបញ្ជូន​មកកាន់​ទីនេះ​ផងដែរ​៕

អត្ថបទ ៖ ​សៅ សារិទ្ធ​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៦ ម៉ោង មុន

ពលរដ្ឋ​មក​ទទួល​វ៉ាក់សាំង​ដូ​ស​ជំរុញ​ក្នុង​ខេត្តកោះកុង មិនទាន់​សម្រេច​ដល់​គោលដៅ​ចង់បាន​

ព័ត៌មានជាតិ៦ ម៉ោង មុន

ត្រីភាគី​ដាក់​តួលេខ​ប្រាក់​ឈ្នួល​ចុងក្រោយ​ជូន​ក្រុមប្រឹក្សា​ជាតិ​ប្រាក់​ឈ្នួល​សម្រេច​នៅ​ថ្ងៃទី​២១​កញ្ញា​ខាងមុខ

វប្បធម៌ ជំនឿ៧ ម៉ោង មុន

ពណ៌ផ្ទះហុងស៊ុយ​ ស្របតាមទិសទាំង ៨ ជួយទាក់ទាញសំណាងទ្វេដង

ព័ត៌មានជាតិ៧ ម៉ោង មុន

សពលោក ប៊ូ ឡាំ អតីត​អ្នកតំណាងរាស្ត្រ​ខេត្ត​រតនគិរី​ បាន​ដឹក​ពី​ប្រទេសវៀតណាមមកដល់កម្ពុជាហើយ ដើម្បី​រៀប​ចំ​ធ្វើ​បុណ្យ​តាម​ប្រពៃណី

ព័ត៌មានជាតិ៨ ម៉ោង មុន

រដ្ឋមន្ត្រី​ក្រសួងសាធារណការ​ ត្រៀម​ប្រើម៉ាស៊ីនទំនើប​ ដែល​អាច​ជំនួសមនុស្ស​ ក្នុងការចូលលូ​ លើកដំបូង​ក្នុង​ប្រទេស​កម្ពុជា

Sokha Hotels

ព័ត៌មានពេញនិយម