ព័ត៌មានជាតិ

ប៉េអិមស្រុកលំផាត់ឃាត់ខ្លួនជនសង្ស័យ៤នាក់ ពាក់ព័ន្ធករណីជួញដូរគ្រឿងញៀនទៅតុលាការ

បានផុស

៥ years មុន

នៅ

ថ្ងៃសៅរ៍ ៣១ កក្កដា ២០២១

ដោយ

រតនគិរី ៖ យោងតាមរបាយការណ៍ពីអាវុធហត្ថស្រុកលំផាត់បានឲ្យដឹងថា ដោយមានការចង្អុលបង្ហាញពីលោកឧត្តមសេនីយ៍ត្រី ថា វ យ៉េន មេបញ្ជាការកងរាជអាវុធហត្ថខេត្ត នៅវេលាម៉ោង១៦និង៥០នាទី កាលថ្ងៃទី៣០ ខែកក្កដា ឆ្នាំ២០២១ កម្លាំងមូលដ្ឋានអាវុធស្រុកលំផាត់ចំនួន៤ នាក់ រថយន្ត ១គ្រឿង ម៉ូតូ ១គ្រឿង ដឹកនាំដោយលោកអនុសេនីយ៍ឯក ជា សុភ័ក្ត្រមេបញ្ជាការស្ដីទី ដោយមានការសម្របសម្រួលនីតិវិធីពីលោកព្រះរាជអាជ្ញារងអមសាលាដំបូងខេត្ត បានអនុវត្តវិធានញុះញង់ ចុះបង្ក្រាបជាក់ស្ដែង ករណីប្រើប្រាស់ រក្សាទុក និងជួញដូរដោយខុសច្បាប់នូវសារធាតុញៀន ស្ថិតនៅចំណុចផ្ទះឈ្មោះស៊ីង ភុត ស្ថិតនៅក្នុងភូមិលំផាត់ ឃុំជ័យឧត្តម ស្រុកលំផាត់ ខេត្តរតនគីរី។

របាយការណ៍បានបញ្ជាក់ថា ឃាត់ខ្លួនជនសង្ស័យចំនួន ៤នាក់ និងចាប់យកវត្ថុតាងរួមមាន

– ម្ស៉ៅក្រាមពណ៌សថ្លាចំនួន ៥ កញ្ចប់(ធំ៣ និងតូច២កញ្ចប់)ទម្ងន់ ២៣៦,៤៦ក្រាម ថ្លឹងទាំងសំបកថង់ – ទូរសព្ទដៃចំនួន៤គ្រឿង – ប្រាក់រៀល ចំនួន ៥៧០០០០.រៀល – ជញ្ជីងថ្លឹងថ្នាំញៀនចំនួន១ គ្រឿង – ថង់ច្រកថ្នាំញៀន និងប្រដាប់សេពគ្រឿងញៀនមួយចំនួនទៀត។

បច្ចុប្បន្ន ជនសង្ស័យ និងវត្ថុតាង ការិយាល័យប្រឆាំងគ្រឿងញៀនកងរាជអាវុធហត្ថខេត្ត កំពុងកសាងសំណុំរឿងដើម្បីបញ្ជូនទៅអយ្យការអមសាលាដំបូងខេត្តចាត់វិធានការតាមផ្លូវច្បាប់៕

ដោយ ៖ វុទ្ធឦសាន

Related Topics:គ្រឿងញៀន