ព័ត៌មានជាតិ
ឪពុកសម្លាប់កូនស្រីបង្កើតអាយុ១ឆ្នាំ ដោយសារប្រពន្ឋរត់ចោល
ក្មេងស្រីអាយុ១ឆ្នាំម្នាក់ ត្រូវបានឪពុកចាក់សម្លាប់ នាវេលាម៉ោង១៩.១០នាទី ថ្ងៃទី២៤ ខែវិច្ឆិកា ឆ្នាំ២០២០ នៅចំណុច ក្នុងបន្ទប់លេខ១០១ផ្ទះសំណាក់ ស្ថិតក្នុងមង្គលភូមិថ្មី សង្កាត់តាខ្មៅ ក្រុងតាខ្មៅ ខណៈករណីនេះ កើតឡើងក្រោយពេលជនដៃដល់ជាឪពុក មានជម្លោះជាមួយប្រពន្ធត្រូវជាម្ដាយរបស់ក្មេងស្រីរងគ្រោះ។
របាយការណ៍របស់សមត្ថកិច្ចនគរបាលខេត្តកណ្ដាល បានឲ្យដឹងថា ក្មេងស្រីដែលស្លាប់ មានឈ្មោះ ទ័រ ទ័រ អាយុជាង១ឆ្នាំ ជនជាតិខ្មែរ ស្នាក់នៅកន្លែងកើតហេតុ មានម្តាយឈ្មោះ ធុង ចាន់រះ អាយុ៣០ ជាជនជាតិខ្មែរ និងឪពុក ឈ្មោះ ភីន ភីន អាយុ៣០ឆ្នាំ ជាជនជាតិចិន (ឃាត់ខ្លួន)។
របាយការណ៍ បានឲ្យដឹងទៀតថា មុនពេលកើតហេតុ ម្តាយ កុមារី រងគ្រោះឈ្មោះ ធុង ចាន់រះ បានរត់ចោលប្ដី ជាជនជាតិចិន និងកូនស្រីតូច របស់ខ្លួន នៅភូមិសង្កែរោង ឃុំរហាស់ ស្រុករវៀង ខេត្តព្រះវិហារ មកជួលបន្ទប់លេខ១០១ផ្ទះសំណាក់មង្គល ស្ថិតនៅក្នុងភូមិថ្មី សង្កាត់តាខ្មៅ ក្រុងតាខ្មៅ ខេត្តកណ្តាល អស់រយៈពេល ជាង១ខែមកហើយ លុះបានប្រហែល១០ថ្ងៃមុន ឃើញជនសង្ស័យបានបីកូនស្រីតូចរបស់ខ្លួន តាមរកឃើញម្តាយ នៅផ្ទះសំណាក់ខាងលើ ហើយបានរស់នៅជាមួយគ្នារហូតមកដល់ថ្ងៃកើតហេតុ លុះមកដល់វេលាម៉ោង១៤.០០ នាទី ស្រាប់តែឃើញជនសង្ស័យបានឈ្លោះប្រកែក ជាមួយម្តាយ ជនរងគ្រោះយ៉ាងខ្លាំង ហើយម្តាយជនរងគ្រោះ ក៏បានចេញពីបន្ទប់ផ្ទះសំណាក់បាត់ទៅ។
លុះមកដល់វេលាកើតហេតុខាងលើ ស្រាប់តែជនសង្ស័យ បានយកកន្ត្រៃចាក់កូនខ្លួនឯងជាច្រើនកន្ត្រៃបណ្ដាល ឲ្យដេកស្លាប់លើពូក ហើយចាក់ខ្លួនឯង បណ្តាលមានរបួសស្នាម បន្ទាប់មកពូ របស់កុមារី រងគ្រោះបានឃើញក្មួយមានឈាមច្រើននៅក្នុងបន្ទប់ទឹក ក៏ដឹកកុមារីរងគ្រោះ មកសង្គ្រោះនៅមន្ទីរពេទ្យជ័យជំនះ ប៉ុន្តែកុមារីរងគ្រោះ បានស្លាប់បាត់ទៅហើយ។
បច្ចុប្បន្នជនដៃដល់ជាឪពុក រួមនឹងវត្ថុតាង ត្រូវបានសមត្ថកិច្ចកសាងសំណុំរឿង បន្តចាត់ការ តាមនីតិវិធី ៕
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១៥ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ