ព័ត៌មានជាតិ

តឹកតាងប្រវត្តិសាស្រ្ត ប្រាសាទមួយក្នុងវត្តខេត្តកណ្តាល ភ្ញៀវជិះហួសទៅហួស

បានផុស

៥ years មុន

នៅ

ថ្ងៃអង្គារ ១៧ សីហា ២០២១

ដោយ

ខេត្តកណ្តាលដែលស្ថិតនៅកៀករាជធានីភ្នំពេញ មិនសូវសម្បូរកេរ្តិ៍ដំណែលជាសំណង់បុរាណច្រើន តែភូមិសាស្រ្តខេត្តជាប់ដងទន្លេនេះក៏បន្សល់ទុកសំណង់ប្រាសាទបុរាណរាប់សតវត្សន៍ចំនួនពីរជាតឹកតាងសម្រាប់កូនខ្មែរសិក្សាស្រាវជ្រាវ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រី មួង សារឹម ប្រធានមន្ទីរវប្បធម៌ខេត្តកណ្ដាលបានប្រាប់កម្ពុជាថ្មីថា នៅខេត្តកណ្តាលមានសំណង់ប្រាសាទចំនួនពីរគឺប្រាសាទស្រីគ្រប់ល័ក្សដែលមានទីតាំងនៅភ្នំប្រសិទ្ធស្រុកពញាឮ និងប្រាសាទរកាជន្លឹង នៅស្រុកខ្សាច់កណ្ដាលខេត្តកណ្ដាល។

ប្រាសាទទាំងពីរនៅសល់រូបរាង តែប្រាសាទស្រីគ្រប់ល័ក្សស្ថិតនៅតំបន់ទេសចរណ៍ភ្នំប្រសិទ្ធ តែងមានភ្ញៀវទេសចរទៅលេងជាហូរហែ។ ចំណែកប្រាសាទរកាជន្លឹងនៅស្រុកខ្សាច់កណ្តាល មានទីតាំងនៅក្នុងវត្តច្រើនតែភ្ញៀវជិះហួសទៅហួស។

លោកស្រីបន្តថា ប្រាសាទស្រីគ្រប់ល័ក្សកសាងឡើងតាមរចនាបថសំបូរព្រៃគុហ៍តាំងពីសតវត្សទី៧។ ប្រាសាទនេះធ្វើពីឥដ្ឋ មានការខូចខាតខ្លះៗតែនៅតែរក្សារូបរាងអាចភ្ញៀវទស្សនាបាន។

ដោយឡែកប្រាសាទរកាជន្លឹងនៅស្រុកខ្សាច់កណ្ដាលវិញ មានទីតាំងនៅក្នុងវត្តភ្ញៀវមិនសូវចាប់អារម្មណ៍។ ប្រាសាទនេះមានប្រាង្គចំនួន៣ ធ្វើពីថ្មបាយក្រៀម ដែលប្រាង្គខាងត្បូង និងកណ្ដាលនៅសល់រូបរាង និងប្រាង្គខាងជើងបានបាក់រលំ៕

អត្ថបទ៖ ប៊ុណ្ណារ៉ា